1 дүгээр зүйл. Төрийн албаны тухай хуулийн 60 дугаар зүйлд доор дурдсан агуулгатай 60.4 дэх хэсэг нэмсүгэй:
“60.4.Аймгийн төвөөс бусад сумын Засаг даргын тамгын газарт тасралтгүй ажиллаж байгаа төрийн захиргааны албан хаагчид таван жил тутамд нэг удаа зургаан сарын үндсэн цалинтай нь тэнцэх хэмжээний мөнгөн урамшууллыг тухайн байгууллагаас нь олгоно.”
2 дугаар зүйл. Төрийн албаны тухай хуулийн 60 дугаар зүйлийн 60.3 дахь хэсгийн “тусламж” гэсний дараа “, 60.4-т заасан мөнгөн урамшуулал” гэж нэмсүгэй.
3 дугаар зүйл. Энэ хуулийг 2023 оны 01 дүгээр сарын 01-ний өдрөөс эхлэн дагаж мөрдөнө.