1/“51.1.7.нэхэмжлэлийг татвар төлөгчид хүргүүлснээс хойш ажлын 30 хүртэл өдөрт багтаан татварын өрийг хуваан төлөх хуваарьт шаардах;”
2/“63.1.1.татварын улсын байцаагч татварын өрийг өртэй татвар төлөгчийн банканд дахь мөнгөн хөрөнгөөс хураах тухай хүсэлтийг татварын албаны даргаар батлуулан харьяалах шүүхэд гаргах;
63.1.2.энэ хуулийн 63.1.1-д заасан хүсэлтэд өртэй татвар төлөгчийн нэр, татвар төлөгчийн дугаар, битүүмжилсэн мөнгөн хөрөнгийг шилжүүлбэл зохих банкны нэр, дансны дугаар, харилцагч банкны нэр, хаяг, татварын өр хураах үндэслэл, татварын өрийн дүн, зарлагын гүйлгээг бүрэн, эсхүл хэсэгчлэн зогсоох хугацааны тухай дурдсан;
63.1.3.шүүх энэ хуулийн 63.1.2-т заасан хүсэлтийг ажлын 3 өдрийн дотор хянаж, үндэслэлтэй гэж үзвэл татварын өрийн хэмжээнд багтаан дансны зарлагын гүйлгээг бүрэн буюу хэсэгчлэн зогсоох тухай шийдвэр гаргах;
63.1.4.татварын улсын байцаагч шүүхийн шийдвэрт заасан хязгаарын хүрээнд битүүмжлэх мэдэгдэх хуудсыг үйлдэж өртэй татвар төлөгчийн харилцагч банканд хүргүүлэх;”
63.1.5.шүүхийн шийдвэрээр баталгаажсан битүүмжлэх мэдэгдэх хуудсыг хүлээн авсан даруйд банк тухайн дансны зарлагын гүйлгээг битүүмжлэх мэдэгдэх хуудсанд заасан хэмжээгээр бүрэн буюу хэсэгчлэн зогсоох;
63.1.6.банк татварын албаны шийдвэрийн үндсэн дээр битүүмжлэх мэдэгдэх хуудсанд заасан дансанд өртэй татвар төлөгчийн нэг буюу түүнээс дээш дансанд байгаа битүүмжилсэн мөнгөн хөрөнгөөс татварын өрийг бүхэлд нь, эсхүл хэсэгчлэн шилжүүлэх;”
