1. Нийтийн мэдээллийн ил тод байдлын тухай хуулийн хэрэгжилтийг хангах зорилгоор нөөц хязгаарлагдмал тул дараалал, оноо, сугалаа, хаяг байршил, сонгон шалгаруулалтаар хуваарилдаг иргэнд газар өмчлүүлэх, гэр бүлийн хэрэгцээнд газар эзэмшүүлэх, газрыг орон сууцаар солих, төрийн өмчийн болон төрөөс санхүүжүүлсэн орон сууц, иргэн болон жижиг, дунд үйлдвэр эрхлэгчид төрийн эх үүсвэрээс олгох хөнгөлөлттэй зээл, суралцагчийн тэтгэлэг, буцалтгүй тусламж, зээл, нийслэлийн тээврийн хэрэгсэлд улсын дугаар олгох үйлчилгээ /цаашид “дараалалтай үйлчилгээ” гэх/-ний талаар дараах арга хэмжээ авахыг Монгол Улсын Засгийн газар /Н.Учрал/-т даалгасугай:
1/ энэ тогтоол батлагдсанаас хойш 30 хоногийн дотор дараалалтай үйлчилгээ тус бүрийн хуваарилах шалгуур, нөөцийн тоо, хүсэлтийн тоо, тэнцсэн босго оноо, нэрийг нууцалсан эрэмбийг одоо байгаа мэдээлэлд үндэслэн нийтлэх;
2/ энэ тогтоол батлагдсанаас хойш эхлэх хуваарилалт бүрийн шалгуур, нөөцийн тоог хүсэлт хүлээн авахаас өмнө нийтэлж, явцад нь өөрчлөхгүй байх, хуваарилалтын дүнг нэрийг нууцалсан эрэмбийн хамт хуваарилалт дууссанаас хойш 14 хоногийн дотор нийтлэх;
3/ иргэн “E-Mongolia” системээр болон биечлэн өөрийн хүсэлтийн дараалал дахь байр, оноо, хүлээх хугацааг мэдэх, дарааллын өөрчлөлт бүрийг үндэслэлийн хамт засварласан эсэхийг шалгах боломжтой бүртгэлд хадгалах журмыг энэ тогтоол батлагдсанаас хойш 3 сарын дотор баталж, 2027 оны 7 дугаар сарын 1-ний өдрөөс өмнө нэвтрүүлэх.
