ЦАГДААГИЙН АЛБАНЫ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

Боловсруулж байгаа хуулийн төслийн мэдээлэл

МОНГОЛ УЛСЫН ХУУЛЬ

2024 оны 10-р сарын 29 өдөр

Ulaanbaatar city

ЦАГДААГИЙН АЛБАНЫ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

1 дүгээр зүйл. Цагдаагийн албаны тухай хуульд доор дурдсан агуулгатай хэсэг, заалт нэмсүгэй:

0 0 0

1/20 дугаар зүйлийн 20.5, 20.6, 20.7, 20.8 дахь хэсэг:

0 0 0

“20.5.Цагдаагийн төв байгууллагын даргыг дараах тохиолдолд үүрэгт ажлаас нь чөлөөлнө:

0 0 0

20.5.1.өөрөө хүсэлт гаргасан;

0 0 0

20.5.2.биеийн эрүүл мэндийн байдлын улмаас үүрэгт ажлаа гүйцэтгэх боломжгүй болсон;

0 0 0

20.5.3.бүрэн эрхийн хугацаа дуусгавар болсон.

0 0 0

20.6.Цагдаагийн төв байгууллагын дарга гэмт хэрэг үйлдсэн нь нотлогдож, шүүхийн шийтгэх тогтоол хүчин төгөлдөр болсон бол энэ өдрөөс эхлэн түүнийг албан тушаалаас нь огцруулсанд тооцно.

0 0 0

20.7.Хуульд зааснаас бусад үндэслэлээр Цагдаагийн төв байгууллагын даргыг үүрэгт ажлаас нь чөлөөлөх, бүрэн эрхийг нь түдгэлзүүлэх буюу огцруулахыг хориглоно.

0 0 0

20.8.Цагдаагийн төв байгууллагын дарга нөхөн томилогдвол тэдгээрийн бүрэн эрх нь томилогдсон өдрөөс эхлэн энэ хуулийн 20.1-т заасан бүрэн эрхийн хугацаа дуустал үргэлжилнэ.”

0 0 0

2/36 дугаар зүйлийн 36.3, 36.4, 36.5, 36.6, 36.7, 36.8, 36.9, 36.10 дахь хэсэг:

0 0 0

“36.3.Цагдаагийн алба хаагч дараах тохиолдолд замын хөдөлгөөнийг биечлэн зохицуулна:

0 0 0

36.3.1.Төрийн тусгай хамгаалалтын тухай хуульд заасан төрийн тусгай хамгаалалтад байх албан тушаалтан, иргэн замын хөдөлгөөнд оролцоход;

0 0 0

36.3.2.замын хөдөлгөөнд оролцогчдод аюултай нөхцөл байдал үүсэхэд

0 0 0

36.3.3.эрх бүхий байгууллагын гаргасан шийдвэрийн дагуу нийтийг хамарсан арга хэмжээ зохион байгуулахад;

0 0 0

36.3.4.зам тээврийн осол, гэмт хэрэг, нийтийг хамарсан эмх замбараагүй байдал үүссэн, байгалийн гамшиг, гал түймэр зэрэг шаардлагатай үед;

0 0 0

36.3.5.тусгай дуут болон гэрлэн дохио ажиллуулан хойшлуулшгүй албан үүргээ гүйцэтгэж байгаа тээврийн хэрэгсэл буюу цуваа өнгөрөхөд.

0 0 0

36.4.Замын хөдөлгөөн зохицуулах техник, хэрэгсэл гэмтсэн, буруу, дутуу ажилласан, эсхүл зохицуулдаггүй уулзвар, гарц, явган хүний гарц, төмөр замын гарам дээр түгжрэл саатал үүссэн тохиолдолд биечлэн зохицуулж болох бөгөөд энэ тухайгаа харьяалах эрх бүхий байгууллага, албан тушаалтанд мэдэгдэнэ.

0 0 0

36.5.Цагдаагийн алба хаагч энэ хуулийн 36.1-д заасан арга хэмжээ цуцлагдсаны дараа явган зорчигч, тээврийн хэрэгслийн хөдөлгөөнийг биечлэн зохицуулж, хөдөлгөөнийг хэвийн байдалд оруулна.

0 0 0

36.6.Алба хаагч энэхүү хуулийн 36.1, 36.3-д зааснаас бусад тохиолдолд замын хөдөлгөөнийг биечлэн зохицуулахыг хориглох бөгөөд замын хөдөлгөөнд оролцогчдод хяналт тавьж ажиллана.

0 0 0

36.7.Замын хөдөлгөөний дараах байдлаар зохицуулна:

0 0 0

36.7.1.түр тэмдэг, тэмдэглэл, хаалт, хашилт, гэрлэн дохио, телекамерын удирдлага бүхий нэгдсэн систем, тусгай дуут болон гэрлэн дохиогоор тоноглосон автомашин, чанга яригч хэрэгсэл зэрэг техник, хэрэгсэл ашиглан;

0 0 0

36.7.2.Замын хөдөлгөөний дүрэмд заасны дагуу албан хаагч биечлэн гар, дохиурын хөдөлгөөн, биеийн байрлалаар.

0 0 0

36.8.аж ахуйн нэгж, байгууллага нь өөрийн эзэмшлийн зам, талбайд энэ хуулийн 36.7.2 дахь хэсэгт заасан зохицуулалтыг хийж болно.

0 0 0

36.9.Биечилсэн зохицуулалт хийхдээ шүглийн чимээгээр хөдөлгөөнд оролцогчдын анхаарлыг өндөржүүлэн өөрийн болон бусдын аюулгүй байдлыг хангана.

0 0 0

36.10.Харанхуй буюу үзэгдэлт хангалтгүй нөхцөлд гэрэлтдэг дохиуртай, гэрэл ойлгогч бүхий хантаазтай байх бөгөөд бусад нөхцөлд дохиуртай, эсхүл цагаан өнгийн бээлийтэйгээр замын хөдөлгөөн зохицуулж болно.”

0 0 0

3/55 дугаар зүйлийн 55.3, 55.4, 55.5, 55.6, 55.7 дахь хэсэг:

0 0 0

“55.3.Тээврийн хэрэгслийг албадан зогсооход дугуйг хагалж хийг гаргах, дугуйн эргэлтийг сааруулах, дугуйг түгжиж хөдөлгөөнийг хязгаарлах зориулалт бүхий төхөөрөмж, албаны тоноглол бүхий тээврийн хэрэгслийг ашиглана.

0 0 0

55.4.Тээврийн хэрэгслийг дараах байдлаар албадан зогсооно:

0 0 0

55.4.1.тээврийн хэрэгсэлтэй зэрэгцэн очиж зогсох дохио өгч, хашиж хөдөлгөөнийг хязгаарлах;

0 0 0

55.4.2.дугуй хагалах зориулалттай багаж /зараа/-ийг зугатаж яваа чиглэлийг хааж тавих;

0 0 0

55.4.3.том оврын тээврийн хэрэгслээр саад хийх;

0 0 0

55.4.4.дугуйны эргэлтийг сааруулах, түгжих зориулалт бүхий төхөөрөмж ашиглан хөдөлгөөнийг хязгаарлах.

0 0 0

55.5.Цагдаагийн алба хаагч нь тээврийн хэрэгслийг албадан зогсоохдоо боломжтой бүх тохиолдолд зугтсан тээврийн хэрэгслийн марк, улсын дугаар, өнгө, явсан чиглэл, бусад шаардлагатай мэдээллийг харьяалах эрх бүхий байгууллага, албан тушаалтанд даруй мэдэгдэж, шаардлагатай арга хэмжээ авна.

0 0 0

55.6.Энэ хуулийн 55.4.3 дахь хэсэгт заасан саад тавихдаа бүхээгт нь буюу түүний тэвш, чиргүүл дээр жолооч, зорчигч байлгахыг хориглоно.

0 0 0

55.7.Тээврийн хэрэгслийг албадан зогсоох үед иргэн, хуулийн этгээдэд учирсан хохирлыг гэм буруутай этгээд хариуцна.”

0 0 0

4/59 дүгээр зүйлийн 59.5, 59.6 дахь хэсэг:

0 0 0

“59.5.Гэмт хэрэг, зөрчлийн талаар олон нийтэд сэрэмжлүүлэх, анхааруулах, шуурхай эрэн сурвалжлах зорилгоор мэдээ, мэдээлэл хүргэх тохиолдолд хүний хувийн мэдээлэл болон тухайн гэмт хэрэг, зөрчлийн үйлдлийн арга хэлбэрийг дурдахгүйгээр мэдээлж болно. Энэ тохиолдолд эрх бүхий байгууллага, албан тушаалтнаас зөвшөөрөл авахгүй.

0 0 0

59.6.Цагдаагийн алба хаагч албан үүргээ гүйцэтгэхдээ энэ хуулийн 59.1-д заасан үүргээ хэрэгжүүлснээс үүссэн үр дагаврын төлөө хариуцлага хүлээхгүй.”

0 0 0

5/69 дүгээр зүйлийн 69.1.13 дахь заалт:

0 0 0

“69.1.13.хөдөлмөрийн маргаан зохицуулах зорилгоор албан үүргээ орхих;”

0 0 0

6/80 дугаар зүйлийн 80.4 дэх хэсэг:

0 0 0

“80.4.Энэ хуулийн 80.1-д заасан үндэслэлээр бүрэн эрх нь түдгэлзсэн цагдаагийн алба хаагчийн албан үүргийг эрх бүхий албан тушаалтан цагдаагийн өөр алба хаагчаар түр орлон гүйцэтгүүлж болно.”

0 0 0

2 дугаар зүйл. Цагдаагийн албаны тухай хуулийн 20 дугаар зүйлийн 20.1 дэх хэсгийн “Засгийн газар” гэсний дараа “6 жилийн хугацаагаар” гэж, 22 дугаар зүйлийн 22.2 дахь хэсгийн “мэдүүлэг өгөхгүй байх” гэсний дараа “, хууль зүйн туслалцаа авах” гэж, 23 дугаар зүйлийн 23.3 дахь хэсгийн “байрлахыг” гэсний дараа “, эсхүл эрх бүхий байгууллагад хамт очихыг” гэж, 36 дугаар зүйлийн “хаах” гэсний дараа “, замын хөдөлгөөн зохицуулах” гэж, 89 дүгээр зүйлийн 89.1 дэх хэсгийн “хангах үүргийг” гэсний дараа “тухайн аймаг, сумын Засаг дарга болон” гэж, 89 дүгээр зүйлийн 89.2 дахь хэсгийн “суманд” гэсний дараа “болон суурин бус газарт” гэж, 93 дугаар зүйлийн 93.2 дахь хэсгийн “тусгай хэрэгсэл,” гэсний дараа “дууны, дүрсний, дуу-дүрсний бичлэг хийх техник, хэрэгсэл,” гэж, 97 дугаар зүйлийн 97.2 дахь хэсгийн “заналхийлсэн” гэсний дараа “, зөвшөөрөлгүйгээр дууны, дүрсний, дуу-дүрсний бичлэг хийсэн” гэж тус тус нэмсүгэй.

0 0 0

3 дугаар зүйл. Цагдаагийн албаны тухай хуулийн 17 дугаар зүйлийг дор дурдсанаар өөрчлөн найруулсугай:

0 0 0

1/17 дугаар зүйл:.

0 0 0

“17 дугаар зүйл.Цагдаагийн албаны сургалт.

0 0 0

17.1.Цагдаагийн албаны сургалт нь мэргэшүүлэх, ур чадвар хөгжүүлэх, албан тушаалын буюу ажлын байрны сургалтаас бүрдэнэ:

0 0 0

17.1.1.цагдаагийн алба хаагчийн албан тушаалын онцлог, хариуцсан ажил, үндсэн чиг үүргийг гүйцэтгэхтэй холбоотой сургалтыг мэргэшүүлэх сургалт;

0 0 0

17.1.2.цагдаагийн алба хаагчийн хуульд заасан үндсэн чиг үүргээ хэрэгжүүлэхдээ хүний эрх, эрх чөлөөг хүндэтгэх, хамгаалах, тусгай хэрэгсэл хэрэглэхэд зайлшгүй шаардлагатай мэдлэг, дадал, ур чадварыг эзэмшүүлэх чиглэлээр зохион байгуулах сургалтыг ур чадвар хөгжүүлэх сургалт;

0 0 0

17.1.3.энэ хуулийн 17.1.1, 17.1.2-д зааснаас бусад сургалтыг албан тушаалын буюу ажлын байрны сургалт.

0 0 0

17.2.Цагдаагийн албанд анх томилогдох болон албан тушаал дэвших, өөрчлөгдөх тохиолдолд богино болон дунд хугацааны сургалтад хамруулна.

0 0 0

17.3.Энэ хуулийн 17.1-д заасан сургалтын хөтөлбөр, агуулга, журмыг дотоод хэргийн асуудал эрхэлсэн Засгийн газрын гишүүн батална.

0 0 0

17.4.Цагдаагийн алба хаагчийг мэргэшүүлэх, ур чадвар хөгжүүлэх, албан тушаалын буюу ажлын байрны сургалт явуулах төвийг аймаг, нийслэлд бүсчлэн байгуулж болно.

0 0 0

17.5.Энэ хуулийн 17.4-д заасан төв нь албаны нохой ашиглах болон Галт зэвсгийн тухай хуулийн 10.4-т заасан болон гэрээт харуул хамгаалалтын сургалтыг төлбөртэй зохион байгуулж болно.

0 0 0

17.6.Энэ хуулийн 17.5-д заасан сургалтын төлбөрийн хэмжээг дотоод хэргийн болон санхүүгийн асуудал эрхэлсэн Засгийн газрын гишүүн хамтран тогтооно.”

0 0 0

4 дүгээр зүйл. Цагдаагийн албаны тухай хуулийн 22 дугаар зүйлийн 22.5 дахь хэсгийн “ойлгомжтой хэлбэрээр илэрхийлэх үүрэгтэй.” гэснийг “ойлгомжтой хэлбэрээр илэрхийлж, итгэл төрүүлэхүйц байдлаар харилцах үүрэгтэй.”, мөн зүйлийн 22.7 дахь хэсгийн “тээврийн хэрэгсэлд дуу-дүрсний бичлэг хийх техник, хэрэгслийг суурилуулан ашиглаж болно.” гэснийг “тээврийн хэрэгсэлд дууны, дүрсний, дуу-дүрсний бичлэг хийх техник, хэрэгслийг суурилуулан ашиглана.”, 28 дугаар зүйлийн 28.2.1 дэх заалтын “гэмт хэргийг” гэснийг “гэмт хэрэг, зөрчлийг” гэж, 30 дугаар зүйлийн 30.3 дахь хэсгийн “үйлдэнэ.” гэснийг “үйлдэж, гэмт хэрэг, зөрчлийн шинжгүй бол даруй буцаан хүлээлгэн өгнө.” гэж, 38 дугаар зүйлийн 38.1 дэх хэсгийн “хэрэг бүртгэгч, мөрдөн байцаагчийн” гэснийг “мөрдөгч, эрх бүхий албан тушаалтны” гэж тус тус өөрчилсүгэй.

0 0 0

5 дугаар зүйл. Цагдаагийн албаны тухай хуулийн 21 дүгээр зүйлийн 21.1.12 дахь заалтын “дээд цолноос бусад” гэснийг, 80 дугаар зүйлийн 80.1 дэх хэсгийн 80.1.1 дэх заалтын “хэрэг бүртгэгч, мөрдөн байцаагч, прокурор,” гэснийг, 88 дугаар зүйлийн 88.3 дахь хэсгийн “дээд цолтой алба хаагчийн дүрэмт хувцасны загварыг Монгол Улсын Ерөнхийлөгч, цагдаагийн бусад” гэснийг, 91 дүгээр зүйлийн 91.1.4 дэх заалтын “цагдаагийн дээд цолтой алба хаагч 57 нас;” гэснийг тус тус хассугай.

0 0 0

6 дугаар зүйл. Цагдаагийн албаны тухай хуулийн 91 дүгээр зүйлийн 91.1 дэх хэсгийн 91.1.4 дэх заалтыг хүчингүй болсонд тооцсугай.

0 0 0

7 дугаар зүйл. Цагдаагийн албаны тухай хуулийн 69 дүгээр зүйлийн “69.1.13” дахь заалтын дугаарыг “69.1.14” гэж, 91 дүгээр зүйлийн “91.1.5” дахь заалтын дугаарыг “91.1.4” гэж тус тус өөрчилсүгэй.

0 0 0

8 дугаар зүйл. Энэ хууль нь 2024 оны ... дугаар сарын ...-ны өдрөөс дагаж мөрдөнө.

0 0 0

ГАРЫН ҮСЭГ

0 0 0

Төслийн файлууд

1. Өргөн мэдүүлэх -Төслийн документ файл /DOC, DOCX/

2. Өргөн мэдүүлэх -Үзэл баримтлал

3. Өргөн мэдүүлэх -Танилцуулга

4. Өргөн мэдүүлэх -Хууль тогтоомжийн хэрэгцээ шаардлагын урьдчилан тандан судалгаа

5. Өргөн мэдүүлэх -Тухайн харилцааг зохицуулж байгаа хууль тогтоомжийн хэрэгжилтийн үр дагаврын үнэлгээ

Төслийн хэрэглэгчид

Санал үлдээх

You can leave your comment after you sign in. Нэвтрэх

Боловсруулж байгаа хуулийн төслийн мэдээлэл

ЦАГДААГИЙН АЛБАНЫ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

Төслийн файлууд

Хуулийн төсөл download file

Үзэл баримтлал download file

Танилцуулга download file

Тандан судалгаа download file

Үр дагаврын үнэлгээ download file

download file

Төслийн хэрэглэгчид

Санал үлдээх