41.4. Энэ хуулийн 44.1-д заасан шаардлагыг үндэслэниргэний мэдлэг, боловсрол, мэргэжил, мэргэшил, ур чадвар, туршлагыг харгалзан ажлын тодорхой чиглэлээр төрийн захиргааны албаны удирдахаас бусад албан тушаалд 1 жил хүртэл хугацаагаар холбогдох гэрээгээр ажиллуулж болно. Шаардлагатай бол тухайн байгууллага иргэнийг ажиллуулах хугацааг 6 сар хүртэл хугацаагаар нэг удаа сунгаж болно. Иргэнийг тухайн байгууллагын нийт албан тушаалын 5-аас илүүгүй хувийн орон тоонд ажиллуулна.
41.5. Энэ хуулийн 41.4-т заасан иргэнийг ажиллуулахад мөн хуулийн 26, 27, 33 дугаар зүйлд заасан шалгуур, журам, шалгалт болон 57.2-т заасан төрийн албан хаагчийн цалин хөлс хамаарахгүй.
41.6. Иргэнийг гэрээгээр ажиллуулахжурмыг Засгийн газрын саналыг үндэслэн төрийн албаны төв байгууллага тогтооно.
41.7. Иргэнд олгох цалингийн хэмжээг тухайн ажлын байрны онцлогийг харгалзан хөдөлмөрийн асуудал эрхэлсэн төрийн захиргааны төв байгууллагын саналыг үндэслэн Засгийн газарбатална.
41.8. Энэ хуулийн 41.4-т заасан иргэнийгэрээгээр ажилласан хугацааг түүний ажлын гүйцэтгэлийг харгалзан төрийн албанд ажилласан хугацаанд дүйцүүлэн тооцно.
41.9. Энэ хуулийн 41.8-д зааснаас гадна Нэгдсэн Үндэстний Байгууллага, түүний төрөлжсөн байгууллага, Монгол Улсын нэгдэн орсон олон улсын гэрээний дагуу байгуулагдсан олон улсын бусад байгууллага болон төрийн чиг үүргийг хэрэгжүүлэхээр хуулиар байгуулагдсан нийтийн эрх зүйн этгээдэд ажилласан иргэний тухайн байгууллагад ажилласан хугацааг төрийн албанд ажилласан хугацаанд дүйцүүлэн тооцох журмыг Засгийн газрын саналыг үндэслэн Төрийн албаны зөвлөл батална.”