Казиногийн тухай хуулийн төсөл болон хамт өргөн мэдүүлсэн бусад хуулийн төслүүд

Өргөн мэдүүлэгдсэн хуулийн төслийн мэдээлэл

МОНГОЛ УЛСЫН ХУУЛЬ

2022 оны 12-р сарын 25 өдөр

Ulaanbaatar city

Казиногийн тухай хуулийн төсөл болон хамт өргөн мэдүүлсэн бусад хуулийн төслүүд

НЭГДҮГЭЭР БҮЛЭГ
НИЙТЛЭГ ҮНДЭСЛЭЛ

1 дүгээр зүйл. Хуулийн зорилт

1.1. Энэ хуулийн зорилт нь Монгол Улсын нутаг дэвсгэрт казиногийн үйл ажиллагаа эрхлэх эрх зүйн үндсийг тогтоох, казиногийн үйл ажиллагаанд хяналт тавихтай холбоотой харилцааг зохицуулахад оршино.

0 0 0

2 дугаар зүйл. Казиногийн хууль тогтоомж

0 0 0

2.1. Казиногийн хууль тогтоомж нь Монгол Улсын Үндсэн хууль, Иргэний хууль, Зөвшөөрлийн тухай хууль, Хөрөнгө оруулалтын тухай хууль, Бооцоот таавар, хонжворт сугалааны тухай хууль, энэ хууль болон эдгээр хуультай нийцүүлэн гаргасан хууль тогтоомжийн бусад актаас бүрдэнэ.

0 0 0

3 дугаар зүйл. Хуулийн үйлчлэх хүрээ

0 0 0

3.1. Бооцоот таавар, хонжворт сугалааны үйл ажиллагаа эрхлэхтэй холбоотой харилцааг тусгайлсан хуулиар зохицуулна.

0 0 0

3.2. Монгол Улсын нутаг дэвсгэрт казиногийн тоглоомын үйл ажиллагааг зайнаас зохион байгуулахыг хориглоно. Энэ хуулийн дагуу казиногийн үйл ажиллагаа эрхлэх тусгай зөвшөөрөл олгосон нь мөрийтэй тоглоомыг зайнаас зохион байгуулах эрх олгохгүй.

0 0 0

4 дүгээр зүйл. Хуулийн нэр томьёоны тодорхойлолт

0 0 0

4.1. Энэ хуульд хэрэглэсэн дараах нэр томьёог доор дурдсан утгаар ойлгоно:

0 0 0

4.1.1. “зайнаас зохион байгуулах” гэж мэдээллийн систем, цахилгаан холбооны үйлчилгээ ашиглаж оролцогчтой биечлэн харилцахгүйгээр зохион байгуулахыг;

0 0 0

4.1.2. “зөвлөл” гэж Бооцоот таавар, хонжворт сугалааны тухай хуулийн 19 дүгээр зүйлд заасан мөрийтэй тоглоомын асуудал хариуцсан байгууллагыг;

0 0 0

4.1.3. “казиногийн үйл ажиллагаа” гэж ашиг олох зорилгоор казиногийн байгууламжид казиногийн тоглоом зохион байгуулах онцгой төрлийн бизнесийн үйл ажиллагааг;

0 0 0

4.1.4. “казиногийн байгууламж” гэж казиногийн үйл ажиллагаа явуулахад зориулан тохижуулж, казиногийн тоног төхөөрөмжийг суурилуулсан казиногийн цогцолбор дахь тусгай өрөө, танхим бүхий газрыг;

0 0 0

4.1.5. “казиногийн тоглоом” гэж казиногийн тоглоомын жагсаалтад орсон, казиногийн тоног төхөөрөмж, түүнтэй адилтгах тоног төхөөрөмжийг ашиглан тоглуулах мөрийтэй тоглоомыг;

0 0 0

4.1.6. “казиногийн тоног төхөөрөмж” гэж автомат тоглоом, зориулалтын ширээ, хожлыг үзүүлэх, мөрийг тооцоолох тоног төхөөрөмж зэрэг мөрийтэй тоглоом тоглуулах зориулалттай, эсхүл казиногийн үйл ажиллагааг хэвийн явуулахад ашиглагдах техник, хэрэгслийг;

0 0 0

4.1.7. “казиногийн цогцолбор” гэж энэ хуулиар тогтоосон журмын дагуу казиногийн тусгай зөвшөөрөл авсан хуулийн этгээдийн эзэмшиж байгаа казиногийн байгууламж болон аялал жуулчлал, амралт, соёл урлаг, бусад олон нийтийн үйлчилгээний зориулалттай байгууламжийг;

0 0 0

4.1.8. “мөрий” гэж аз туршсан таамаг нь таарсан тохиолдолд тоглоомын дүрмийн дагуу өсгөж авах, таамаг таараагүй тохиолдолд алдагдал хүлээх эрсдэлийг хүлээж тоглоом зохион байгуулагчид сайн дураараа шилжүүлж өгсөн мөнгө, эсхүл түүнтэй адилтгах зоос, чип, тасалбар зэргийг;

0 0 0

4.1.9. “тоглогч” гэж азаа туршиж, учирч болох эрсдэлээ хүлээн зөвшөөрч, казинод мөрий тавин казиногийн тоглоом тоглож байгаа хувь хүнийг;

0 0 0

4.1.10. “хонжвор” гэж мөрий тавьж аз туршсан таамаг нь таарсан тул тоглогчид казино эрхлэгчээс шилжүүлэх мөнгөн хөрөнгийг.

0 0 0

ХОЁРДУГААР БҮЛЭГ
КАЗИНОГИЙН ҮЙЛ АЖИЛЛАГАА ЭРХЛЭХ ТУСГАЙ ЗӨВШӨӨРӨЛ

5 дугаар зүйл. Казиногийн үйл ажиллагаа эрхлэх тусгай зөвшөөрөл

0 0 0

5.1. Хөшигийн хөндийн эдийн засгийн чөлөөт бүсэд казиногийн цогцолбор барьж, казиногийн үйл ажиллагаа эрхлэх тусгай зөвшөөрлийг Засгийн газар олгоно.

0 0 0

5.2. Энэ хуулийн 5.1-д заасан тусгай зөвшөөрлийг олгосноос хойш таван жилийн дараа энэ хуулийн 5.1-д зааснаас бусад байршилд тусгай зөвшөөрөл олгох эсэх асуудлаар Засгийн газар Улсын Их Хуралд саналаа хүргүүлж болно.

0 0 0

5.3. Энэ хуулийн 5.1-д заасан тусгай зөвшөөрөл /цаашид “казиногийн тусгай зөвшөөрөл” гэх/-ийг сонгон шалгаруулалтын үндсэн дээр олгоно. Төсөл сонгон шалгаруулалтыг үнэлэхдээ оролцогчдын санал болгосон үнийн саналыг 60 хувь, казиногийн цогцолбор барих төслийн техникийн саналыг 40 хувь гэж үнэлнэ.

0 0 0

5.4. Энэ хуулийн 5.3-т заасан тусгай зөвшөөрөл олгох сонгон шалгаруулалт зохион байгуулах, үнэлэх журмыг Засгийн газар батална.

0 0 0

5.5. Энэ хуульд заасан тусгай зөвшөөрөлгүй этгээд Монгол Улсын нутаг дэвсгэр дээр казиногийн үйл ажиллагаа эрхлэхгүй.

0 0 0

5.6. Тусгай зөвшөөрөл эзэмшигч нь гагцхүү тусгай зөвшөөрөлд заасан байршилд казиногийн цогцолбор барих, казиногийн үйл ажиллагаа эрхлэх эрхтэй байна.

0 0 0

6 дугаар зүйл. Казиногийн тусгай зөвшөөрлийн нөхцөл

0 0 0

6.1. Зөвлөлийн саналыг үндэслэн Засгийн газар казиногийн тусгай зөвшөөрлийг Монгол Улсын хууль тогтоомжийн дагуу байгуулагдсан компанид энэ хуулийн 5.4-т заасан журмын дагуу 30 жилийн хугацаагаар олгоно.

0 0 0

6.2. Энэ хуулийн 5.1-д заасан байршилд казиногийн цогцолборын зориулалтаар газар ашиглах эрхийг казиногийн тусгай зөвшөөрлийн хугацаатай ижил хугацаагаар тухайн байршилд газар олгох эрх бүхий этгээд олгож, сунгаж, хүчингүй болгоно.

0 0 0

6.3. Казиногийн тусгай зөвшөөрөл бүхий этгээд /цаашид “казино эрхлэгч” гэх/-ийн казиногийн байгууламж барих, казиногийн үйл ажиллагаа эрхлэхэд зориулсан хөрөнгө оруулалт нь 300 сая америк доллартай тэнцэх хэмжээний төгрөгөөс доошгүй байх бөгөөд тус хөрөнгө оруулалтыг тусгай зөвшөөрөл авснаас хойш гурван жилийн дотор Монгол Улсад оруулна.

0 0 0

6.4. Энэ хуулийн 6.1-д заасан тусгай зөвшөөрлийн хугацаа дуусгавар болсон бол казино эрхлэгч өөрийн хувьцааны 50 хувийг Засгийн газарт үнэ төлбөргүй шилжүүлнэ.

0 0 0

7 дугаар зүйл. Казиногийн тусгай зөвшөөрөл олгох

0 0 0

7.1. Зөвлөл нь энэ хуулийн 5.3-т заасан тусгай зөвшөөрөл олгох сонгон шалгаруулалтын ажиллагааг зохион байгуулах бөгөөд хүсэлт гаргагчаас казиногийн тусгай зөвшөөрөл авахаар ирүүлсэн баримт бичгийг үнэлж, дүгнэлтээ Засгийн газарт танилцуулна.

0 0 0

7.2. Казиногийн үйл ажиллагаа эрхлэх тусгай зөвшөөрөл хүсэгч нь дараах бичиг баримтыг бүрдүүлж Зөвлөлд ирүүлнэ:

0 0 0

7.2.1. тусгай зөвшөөрөл хүссэн өргөдөл;

0 0 0

7.2.2. улсын тэмдэгтийн хураамж төлсөн баримт;

0 0 0

7.2.3. хуулийн этгээдийн танилцуулга;

0 0 0

7.2.4. хөрөнгө оруулагч хуулийн этгээдийн эрхэлж байсан болон эрхэлж байгаа үйлдвэрлэл, үйлчилгээний танилцуулга, хувьцаа эзэмшигчдийн нэр, хаяг;

0 0 0

7.2.5. хуулийн этгээдийг удирдах, төлөөлөх эрх бүхий этгээд болон эцсийн өмчлөгчийн эцэг /эх/-ийн нэр, өөрийн нэр, хаяг, иргэний бүртгэлийн дугаар, намтар, гэмт хэрэгт холбогдож байсан эсэх талаар тодорхойлолт;

0 0 0

7.2.6. харилцагч банкны тодорхойлолт;

0 0 0

7.2.7. тусгай зөвшөөрөл хүсэгч энэ хуулийн 6.3-т заасан шаардлагыг хангаж ажиллах талаар баталгаа;

0 0 0

7.2.8. казиногийн цогцолбор, казиногийн байгууламжийн төсөл;

0 0 0

7.2.9. хөрөнгө оруулагчийн сүүлийн 3 жилийн санхүүгийн тайланг аудитын байгууллагаар баталгаажуулсан байх;

0 0 0

7.2.10. хүний нөөц, техник, тоног төхөөрөмж, ажлын байрны талаарх мэдээлэл;

0 0 0

7.2.11. казиногийн дүрэм;

0 0 0

7.2.12. казинод тоглуулах тоглоомын нэр, төрөл, тус бүрийн дүрэм;

0 0 0

7.2.13. казиногийн мөнгөн кассын дүрэм;

0 0 0

7.2.14. дэнчинг энэ хуулийн 5.4-т заасан журмын дагуу зохих дансанд байршуулсныг тодорхойлох баримт;

0 0 0

7.2.15. татварын өргүй тухай татварын байгууллагын тодорхойлолт;

0 0 0

7.2.16. үйл ажиллагаа явуулах барилга байгууламжийн гаднах орчны аюулгүй байдлыг хангах зорилгоор дуу-дүрс бичлэгийн төхөөрөмж суурилуулах төлөвлөгөө.

0 0 0

7.2. Казиногийн үйл ажиллагаа эрхлэх тусгай зөвшөөрөл хүсэгч энэ хуулийн 6.3-т заасан хөрөнгийн 10 хувьтай тэнцэх дэнчинг энэ хуулийн 5.4-т заасан журмын дагуу зохих дансанд байршуулна.

0 0 0

7.3. Сонгон шалгаруулалтын ялагчаас бусад оролцогчдын дэнчинг аливаа шимтгэлгүйгээр буцаан олгоно.

0 0 0

7.4. Хөрөнгө оруулалтыг энэ хуулийн 6.3-т заасан хугацаанд Монгол Улсад оруулаагүй бол дэнчинг буцаан олгохгүй.

0 0 0

7.5. Тусгай зөвшөөрөл эзэмшигчийн байршуулсан дэнчинг энэ хуулийн 6.3-т заасан хөрөнгө оруулалтын хэмжээнд оролцуулан тооцно.

0 0 0

8 дугаар зүйл. Казино эрхлэгчид тавигдах шаардлага

0 0 0

8.1. Казино эрхлэгч нь казиногийн цогцолбор, аялал жуулчлалын бүтээгдэхүүн, үйлчилгээ үзүүлэхтэй хамааралгүй үйл ажиллагаа болон бооцоот морин уралдаан, бооцоот таавар, хонжворт сугалааны үйл ажиллагааг хавсран эрхлэхийг хориглоно.

0 0 0

8.2. Казино эрхлэгч нь казиногийн бизнесийг эрхлэхэд хүрэлцэхүйц хангалттай хэмжээний санхүүгийн эх үүсвэртэй байна.

0 0 0

8.3. Казино эрхлэгч нь казиногийн үйл ажиллагааг явуулахдаа шудрагаар өрсөлдөх бөгөөд давамгай байдлаа хууль бусаар ашиглаж бусад аж ахуй эрхлэгчийг зах зээлд гарч ирэх нөхцөлийг хаан боогдуулах, үйл ажиллагааг хязгаарлах, саад учруулахыг хориглоно.

0 0 0

8.4. Казино эрхлэгч нь Монгол Улсын арилжааны банкаар төлбөр тооцоо хийж, өдөр тутмын орлогоо байршуулна.

0 0 0

8.5. Казино эрхлэгч цахим төлбөрийн баримтын систем, татварын бүртгэл, мэдээллийн нэгдсэн санд холбогдсон байна. Казиногийн мөрий, хонжворыг бүртгэх мэдээллийн систем нь татварын асуудал хариуцсан төрийн захиргааны байгууллагаас тогтоосон шаардлагыг хангасан байна.

0 0 0

8.6. Казиногийн цогцолбор нь дараах шаардлагыг хангасан байна:

0 0 0

8.6.1. олон улсын стандарт, шаардлагад нийцсэн зохистой дэд бүтэц бүхий казиногийн үйл ажиллагаа, аялал жуулчлал, амралт, соёл урлаг, бусад олон нийтийн үйлчилгээнд зориулагдсан байх;

0 0 0

8.6.2. казиногийн үйл ажиллагаанд зориулсан олон улсын стандартад нийцсэн, үйлдвэрийн баталгаа бүхий зориулалтын казиногийн тоног төхөөрөмж, техник, хэрэгслээр хангагдсан байх;

0 0 0

8.6.3. казиногийн ажилтан нь казиногийн үйл ажиллагаанд бэлтгэгдсэн байх;

0 0 0

8.6.4. зохион байгуулагчийн болон уулзалт, амралтын өрөө, олон нийтийн хэсэгт дуу-дүрс бичлэгийн төхөөрөмж (камер) суурилуулсан байх;

0 0 0

8.6.5. тоглогчдоос мөрий, бэлэн мөнгө авах, хонжвор олгох мөнгөн кассын хэсэг, мөрийтэй тоглоом тоглуулж байгаа өрөө болон ширээ бүрт дуу-дүрс бичлэгийн төхөөрөмж суурилуулсан байх;

0 0 0

8.6.6. Зөвлөлөөс баталсан шаардлагыг хангасан байх.

0 0 0

8.7. Казиногийн тоглоом нь дараах төрөлтэй байна:

0 0 0

8.7.1. ширээний тоглоом;

0 0 0

8.7.2. автомат тоглоом, слот машин.

0 0 0

8.8. Казино нь Зөвлөлийн тогтоосон стандартыг хангасан, зохих нууцлал бүхий, Монгол Улсын хуулийн дагуу байгуулагдсан хуулийн этгээдийн Монгол Улсад үйлдвэрлэсэн, импортолсон мөрийнд хэрэглэх зориулалттай зоос, чип, тасалбар болон казиногийн тоглоомонд ашиглах зориулалттай хөзөр, шоог хэрэглэнэ.

0 0 0

8.9. Казинод тоглогчийг зээлээр тоглуулах, казиногийн цогцолборт барьцаалан зээлдүүлэх үйлчилгээ эрхлэхийг хориглоно.

0 0 0

9 дүгээр зүйл. Казиногийн тусгай зөвшөөрлийг сунгах

0 0 0

9.1. Казино эрхлэгч тусгай зөвшөөрөл сунгуулах хүсэлтээ казиногийн тусгай зөвшөөрлийн хүчинтэй хугацаа дуусахаас нэг жилийн өмнө Зөвлөлд гаргана.

0 0 0

9.2. Казино эрхлэгч энэ хуулийн 6.4-т заасан үүрэг болон хуульд заасны дагуу татвар төлөх үүргээ зохих ёсоор биелүүлсэн бол Зөвлөлийн дүгнэлтийг үндэслэн Засгийн газар казиногийн тусгай зөвшөөрлийг 10 жилээр сунгана.

0 0 0

9.3. Казиногийн тусгай зөвшөөрлийн хугацааг Засгийн газар сунгасан бол чөлөөт бүсийн захирагч казиногийн цогцолборын зориулалтаар газар ашиглах эрхийг мөн хугацаагаар сунгана.

0 0 0

10 дугаар зүйл. Казиногийн тусгай зөвшөөрлийг түдгэлзүүлэх

0 0 0

10.1. Казино эрхлэгч тусгай зөвшөөрлийн нөхцөл, шаардлага, хууль тогтоомжид заасан үүргээ зөрчсөн бол Зөвлөл тухайн зөрчлийг арилгуулахаар албан шаардлага хүргүүлнэ.

0 0 0

10.2. Казино эрхлэгч Зөвлөлийн өгсөн албан шаардлагыг хугацаанд нь биелүүлээгүй тохиолдолд Зөвлөл казиногийн тусгай зөвшөөрлийг гурван сарын хугацаагаар түдгэлзүүлнэ.

0 0 0

10.3. Казино эрхлэгч нь татварын өр төлөх эцсийн хугацааг нэг, түүнээс дээш жилийн хугацаагаар хэтрүүлсэн тохиолдолд татварын асуудал хариуцсан төрийн захиргааны байгууллагаас тусгай зөвшөөрлийг түдгэлзүүлэх саналыг Зөвлөлд хүргүүлнэ. Энэ тохиолдолд Зөвлөл казиногийн тусгай зөвшөөрлийг гурван сарын хугацаагаар түдгэлзүүлнэ.

0 0 0

10.4. Энэ хуулийн 10.2, 10.3-т заасны дагуу казиногийн тусгай зөвшөөрлийг түдгэлзүүлсэн хугацаанд зөрчлийг арилгаагүй нь тусгай зөвшөөрлийг хүчингүй болгох үндэслэл болно.

0 0 0

10.5. Казиногийн тусгай зөвшөөрлийг түдгэлзүүлэх үндэслэл болсон зөрчлийг казино эрхлэгч тусгай зөвшөөрлийг түдгэлзүүлсэн хугацаанд арилгасан бол Зөвлөл тусгай зөвшөөрлийг сэргээнэ.

0 0 0

10.6. Казиногийн тусгай зөвшөөрлийг түдгэлзүүлсэн хугацаанд казиногийн үйл ажиллагааг зогсоох бөгөөд үүнд Зөвлөл хяналт тавина.

0 0 0

11 дүгээр зүйл. Казиногийн тусгай зөвшөөрлийг хүчингүй болгох

0 0 0

11.1. Казиногийн тусгай зөвшөөрлийг олгох эрх бүхий этгээд нь Зөвшөөрлийн тухай хуулийн 6.2 дугаар зүйлд зааснаас гадна дараах тохиолдолд тусгай зөвшөөрлийг хүчингүй болгоно:

0 0 0

11.1.1. энэ хуулийн 11.2-т заасан ноцтой зөрчил гаргасан;

0 0 0

11.1.2. татварыг энэ хуулийн 10.3-т заасан хугацаанд төлөөгүй.

0 0 0

11.2. Дараах зөрчлийг ноцтой зөрчилд тооцно:

0 0 0

11.2.1. Монгол Улсын иргэнийг казиногийн байгууламжид тоглуулахаар удаа дараа мэдсээр байж нэвтрүүлэх, тоглуулах;

0 0 0

11.2.2. казиногийн тусгай зөвшөөрлийг аливаа хэлбэрээр бусдад шилжүүлэх;

0 0 0

11.2.3. мөрийтэй тоглоомын үйл ажиллагааг казиногийн байгууламжаас гадна, эсхүл зайнаас зохион байгуулах;

0 0 0

11.2.4. энэ хуулийн 13.3, 13.4-т заасан зөрчил.

0 0 0

11.3. Зөвлөлийн дарга, гишүүн, төрийн албан хаагч, казиногийн ажилтан зэрэг Монгол Улсын иргэнийг ажил үүргийн дагуу казиногийн байгууламжид нэвтрүүлэхийг энэ хуулийн 11.2.1-д заасан ноцтой зөрчилд тооцохгүй.

0 0 0

11.4. Казиногийн тусгай зөвшөөрлийг хүчингүй болгох нөхцөл үүссэн бол Зөвлөл энэ тухай дүгнэлт үйлдэж, Засгийн газарт хүргүүлнэ.

0 0 0

11.5. Казиногийн тусгай зөвшөөрлийг энэ хуулийн 11 дүгээр зүйлд заасны дагуу хүчингүй болгосон бол казиногийн цогцолбор, казиногийн тоног төхөөрөмж болон казиногийн үйл ажиллагаатай хамааралтай бусад хөрөнгийг Засгийн газар нөхөн төлбөргүй хурааж авна.

0 0 0

ГУРАВДУГААР БҮЛЭГ
КАЗИНО ЭРХЛЭГЧ

12 дугаар зүйл. Казино эрхлэгчийн эрх, үүрэг

0 0 0

12.1. Казино эрхлэгч дараах эрх эдэлнэ:

0 0 0

12.1.1. хуульд заасан нөхцөл, шаардлагыг хангаж ажилласан тохиолдолд тусгай зөвшөөрлөө сунгуулах;

0 0 0

12.1.2. Хөрөнгө оруулалтын тухай хуульд заасан эрх;

0 0 0

12.1.3. казинод тоглогчдыг зуучлах талаар хөтөч-тайлбарлагчтай хамтран ажиллах;

0 0 0

12.1.4. хуульд заасан бусад.

0 0 0

12.2. Казино эрхлэгч нь дараах үүрэг хүлээнэ:

0 0 0

12.2.1. Монгол Улсын хууль тогтоомжийг сахин биелүүлэх, казиногийн үйл ажиллагааг шудрагаар явуулах;

0 0 0

12.2.2. энэ хуулийн 8.6-д заасан шаардлагыг хангахуйц казиногийн цогцолбор байгуулах;

0 0 0

12.2.3. казиногийн үйл ажиллагааг тусгай зөвшөөрөлд заасан байршилд энэ хуульд заасан нөхцөл, журмын дагуу шудрагаар эрхлэх;

0 0 0

12.2.4. казиногийн байгууламж доторх дуу-дүрсний бичлэгийг 30 хоногоос доошгүй хугацаанд хадгалах;

0 0 0

12.2.5. казиногийн байгууламжид нэвтрэх хүний бичиг баримтыг шалгах;

0 0 0

12.2.6. казиногийн байгууламж дахь мөрийтэй тоглоомын дүрэм, зааврыг тоглогчид харагдахаар байршуулах;

0 0 0

12.2.7. хожсон тоглогчийн хонжворыг бэлэн мөнгөөр, эсхүл тоглогчтой тохиролцсоны дагуу Монгол Улсад хүлээн зөвшөөрөгдсөн төлбөрийн хэрэгслээр олгох;

0 0 0

12.2.8. хууран мэхлэх, залилах, мөнгө угаах, терроризмыг санхүүжүүлэх болон бусад зохион байгуулалттай гэмт хэрэг үйлдэгдэхээс урьдчилан сэргийлэх;

0 0 0

12.2.9. мөнгө угаах болон терроризмыг санхүүжүүлэхтэй тэмцэх тухай хууль тогтоомжийг мөрдөх, мөнгө угаах, терроризмыг санхүүжүүлэхтэй тэмцэх үндэсний болон олон улсын байгууллагаас тавьж байгаа шаардлагыг биелүүлэх;

0 0 0

12.2.10. татварын асуудал хариуцсан төрийн захиргааны байгууллагаас тогтоосон шаардлага хангасан казиногийн мөрий, хонжворыг бүртгэх мэдээллийн систем хэрэглэж, казиногийн мөрий, хонжворын мэдээллийг татварын бүртгэл, мэдээллийн нэгдсэн санд тухай бүр мэдээлэх.

0 0 0

12.3. Казино хонжворыг олгоход зориулсан бэлэн мөнгөний байнгын нөөцтэй байх бөгөөд тус нөөц нь казиногийн сарын дундаж орлогын 50 хувиас доошгүй байна.

0 0 0

12.4. Казино жил бүр хөндлөнгийн аудитын байгууллагаар санхүүгийн аудит хийлгэнэ.

0 0 0

12.5. Хүндэтгэн үзэх нөхцөл байдлын улмаас казиногийн үйл ажиллагааг долоо хоногоос дээш хугацаагаар зогсоох шаардлагатай нөхцөл байдал үүссэн бол казино эрхлэгч энэ тухай Зөвлөлд мэдэгдэнэ. Зөвлөл тус хүсэлтийг даруй Засгийн газарт танилцуулж шийдвэрлүүлнэ.

0 0 0

13 дугаар зүйл. Казиногийн үйл ажиллагаанд хориглох зүйл

0 0 0

13.1. Казино эрхлэгчид дараах үйлдлийг хориглоно:

0 0 0

13.1.1. Монгол Улсын иргэнийг, эсхүл 18 насанд хүрээгүй гадаадын иргэн, харьяалалгүй хүнийг казиногийн байгууламжид нэвтрүүлэх, тоглуулах;

0 0 0

13.1.2. нийтэд хандсан зар сурталчилгаа явуулах;

0 0 0

13.1.3. зээл өгч, эсхүл тоглогчийн хөрөнгө, бичиг баримтыг барьцаалж тоглуулах;

0 0 0

13.1.4. шударгаар хожсон тоглогчид хонжворыг төлөхөөс зайлсхийх, татгалзах;

0 0 0

13.1.5. согтуурсан, мансуурсны улмаас өөрийгөө удирдах чадваргүй болсон тоглогчийг нэвтрүүлэх, тоглуулах;

0 0 0

13.1.6. үйл ажиллагаагаа долоо хоногоос дээш хугацаагаар хүндэтгэн үзэх шалтгаангүйгээр зогсоох;

0 0 0

13.1.7. тоглогчийг мэхлэх зорилгоор тоглоомын үр дүнг өөрчлөх, тоглоомын төхөөрөмжийн эд ангийг өөрчлөх, солих, тоглоомын төхөөрөмж болон программ хангамжийн хэвийн үйл ажиллагааг алдагдуулах;

0 0 0

13.1.8. Зөвлөлийн баталсан жагсаалтад заагаагүй мөрийтэй тоглоом тоглуулах;

0 0 0

13.1.9. галт зэвсэг, тэсэрч дэлбэрэх бодис, тэсэлгээний хэрэгсэл, мансууруулах эм, сэтгэцэд нөлөөлөх бодис үйлдвэрлэх, худалдах, хадгалах, хэрэглэх, дамжуулах;

0 0 0

13.1.10. хуульд заасан бусад.

0 0 0

13.2. Казино эрхлэгч мөрийтэй тоглоомын үйл ажиллагааг казиногийн байгууламжаас гадна, эсхүл зайнаас зохион байгуулахыг хориглоно.

0 0 0

13.3. Казино эрхлэгч болон казиногийн цогцолборын ажилтнууд тоглогчоор дамжуулан мөрий тавих, тоглогчийн мөрийний тухай шийдвэрт дотоод мэдээллийг ашиглуулах, давуу тал үүсгэх боломж олгохыг хориглоно.

0 0 0

13.4. Казино эрхлэгч болон казиногийн цогцолборын ажилтнууд шууд болон шууд бусаар биеэ үнэлэх, садар самууныг сурталчлах, зохион байгуулах, санал болгохыг хориглоно.

0 0 0

ДӨРӨВДҮГЭЭР БҮЛЭГ
ЗӨВЛӨЛИЙН ЭРХ, ҮҮРЭГ

14 дүгээр зүйл. Мөрийтэй тоглоомын асуудал хариуцсан зөвлөлийн чиг үүрэг

0 0 0

14.1. Зөвлөл нь казиногийн үйл ажиллагаатай холбоотойгоор дараах чиг үүргийг хэрэгжүүлнэ:

0 0 0

14.1.1. тусгай зөвшөөрөл хүсэгч зохих шалгуур хангасан эсэхийг хянаж, шалгуур хангаж байгаа эсэх талаар дүгнэлт гаргаж Засгийн газарт хүргүүлэх;

0 0 0

14.1.2. тоглогчдоос цаасаар болон цахимаар гомдол хүлээн авах, шийдвэрлэх, харьяаллын дагуу гомдлыг эрх бүхий байгууллагад шилжүүлэх;

0 0 0

14.1.3. тусгай зөвшөөрөл эзэмшигчээс шаардлагатай мэдээлэл, тайлан, тайлбар гаргуулж авах;

0 0 0

14.1.4. казиногийн тоног төхөөрөмжийн ажиллагааг шалгах;

0 0 0

14.1.5. тусгай зөвшөөрлийн нөхцөл шаардлага болон энэ хуулийн 8 дугаар зүйлд заасныг мөрдөж байгаа эсэхэд хяналт тавих;

0 0 0

14.1.6. казиногийн тусгай зөвшөөрлийг хүчингүй болгох саналыг Засгийн газарт хүргүүлэх, тусгай зөвшөөрлийг түдгэлзүүлэх, сэргээх;

0 0 0

14.1.7. хуульд заасан бусад.

0 0 0

14.2. Казинод тоглуулж болох мөрийтэй тоглоомын нэр төрлийн жагсаалтыг Зөвлөл батална.

0 0 0

14.3. Казиногийн мөнгөн кассын өрөөнд тавигдах шаардлага, казиногийн үйл ажиллагаа явуулах байранд тавигдах шаардлагыг Зөвлөл батална.

0 0 0

14.4. Зөвлөлийн дарга, гишүүд болон Зөвлөлийн ажлын албаны албан хаагч болон төрийн албан хаагч хуульд заасан чиг үүргийн дагуу албан ажлын шаардлагаар казинод нэвтрэх эрхтэй хэдий ч казинод тоглохыг хориглоно.

0 0 0

14.5. Энэ хуулийн 14.4-т заасныг зөрчиж казинод тоглосон Зөвлөлийн дарга, гишүүд болон албан хаагчийг төрийн албан хаагчийг ёс зүйн ноцтой зөрчил гаргасанд тооцож албан тушаалаас халах сахилгын шийтгэл ногдуулна.

0 0 0

15 дугаар зүйл. Казиногийн байгууламжид хийх хяналт шалгалт

0 0 0

15.1. Зөвлөлийн ажлын алба казиногийн үйл ажиллагаанд төлөвлөгөөт бус, эсхүл гүйцэтгэлийн хяналт шалгалт хийнэ.

0 0 0

15.2. Казиногийн үйл ажиллагааны талаар хувь хүн, хуулийн этгээдээс гомдол ирсэн тохиолдолд төлөвлөгөөт бус хяналт шалгалт хийх бөгөөд казино эрхлэгчид хүргүүлсэн хугацаатай албан шаардлагын биелэлтийг шалгах зорилгоор гүйцэтгэлийн хяналт шалгалт хийнэ.

0 0 0

15.3. Улсын байцаагчийн эрхтэй Зөвлөлийн албан хаагч казиногийн үйл ажиллагаатай холбоотойгоор дараах бүрэн эрхийг хэрэгжүүлнэ:

0 0 0

15.3.1. казиногийн хууль тогтоомжийн хэрэгжилтэд хяналт тавих;

0 0 0

15.3.2. хяналт шалгалтын ажилд шаардлагатай мэдээлэл, баримт бичгийг холбогдох байгууллага, албан тушаалтан, тусгай зөвшөөрөл эзэмшигчээс үнэ төлбөргүй гаргуулан авах;

0 0 0

15.3.3. хяналт шалгалт хийх обьектод саадгүй нэвтрэн орох, хяналт шалгалтын явцад зөрчлийн ул мөр, нотлох баримт цуглуулах, зөрчлийн талаарх ач холбогдол бүхий бусад байдлыг тодруулах зорилгоор шалгагдаж байгаа этгээдийн бие, албан тасалгаа, бичиг баримт, компьютер, эд зүйлд үзлэг хийх, шаардлагатай баримт материал, эд зүйлийг түр хураан авах;

0 0 0

15.3.4. хяналт шалгалтын явцад энэ хуулийн 11.1-д заасан зөрчил илэрсэн тохиолдолд казиногийн тусгай зөвшөөрлийг хүчингүй болгуулах хүсэлтийг Засгийн газарт хүргүүлэх талаар Зөвлөлд санал оруулах;

0 0 0

15.3.5. казиногийн үйл ажиллагааны явцын хяналтын дуу, дүрс, бичлэгийг шалгах;

0 0 0

15.3.6. хууль тогтоомжид заасан бусад эрх, үүрэг.

0 0 0

ТАВДУГААР БҮЛЭГ
БУСАД

16 дугаар зүйл. Казиногийн хууль тогтоомжийг зөрчигчид хүлээлгэх хариуцлага

0 0 0

16.1. Энэ хуулийг зөрчсөн албан тушаалтны үйлдэл нь гэмт хэргийн шинжгүй бол Хөдөлмөрийн тухай хууль, Төрийн албаны тухай хуульд заасан хариуцлага хүлээлгэнэ.

0 0 0

16.2. Энэ хуулийг зөрчсөн хүн, хуулийн этгээдэд Эрүүгийн хууль, эсхүл Зөрчлийн тухай хуульд заасан хариуцлага хүлээлгэнэ.

0 0 0

17 дугаар зүйл. Хууль хүчин төгөлдөр болох

0 0 0

17.1. Энэ хуулийг Бооцоот таавар, хонжворт сугалааны тухай хууль хүчин төгөлдөр болсон өдрөөс эхлэн дагаж мөрдөнө.

0 0 0