1/4 дүгээр зүйлийн 4.1.1 дэх заалт:
“4.1.1.хүний эрх, эрх чөлөөг хангах хууль зүйн баталгааг бүрдүүлэх;”
2/12 дугаар зүйлийн 12.4 дэх хэсэг:
“12.4.Энэ хуулийн 12.1.3, 12.1.6-д заасан аргачлал нь Монгол Улсын Их Хурлын чуулганы хуралдааны дэгийн тухай хуулийн 33.1-д заасан хууль тогтоомжийн төсөл боловсруулахад хамаарахгүй.”
3/15 дугаар зүйлийн 15.13 дахь хэсэг:
“15.13.Хууль тогтоомжийн төслийн үзэл баримтлалд баталсан огноог тусгана.”
4/17 дугаар зүйлийн 17.3 дахь хэсэг:
“17.3.Тухайн хуулийн төслөөр хүний эрх, эрх чөлөөг хязгаарлах тохиолдолд дараах шаардлагыг хангасан эсэхийг энэ хуулийн 17.2.4-т заасан үнэлгээнд нэмж тусгана:
17.3.1.үндэсний аюулгүй байдал, бусад хүний эрх, эрх чөлөө, нийгмийн хэв журмыг хамгаалах зайлшгүй шаардлага бүхий байх;
17.3.2.нийтийн ашиг сонирхлыг хамгаалахад чиглэсэн байх;
17.3.3.ялгаварлан гадуурхаагүй, жендэрийн мэдрэмжтэй байх;
17.3.4.хязгаарлалтыг боломжит хамгийн бага түвшинд тогтоосон байх.”
5/18 дугаар зүйлийн 18.3 дахь хэсэг:
“18.3.Улсын Их Хурлын гишүүний санаачилсан хууль тогтоомжийн төсөлд Улсын Их Хурлын Тамгын газар, эсхүл судалгаа, шинжилгээний байгууллага, судлаач энэ хуулийн 18.1-д заасан зардлын тооцоог хийнэ.”
6/271 дүгээр зүйл:
“271 дугаар зүйл.Захиргааны хэм хэмжээний акт батлах эрх олгосон хуулийн төслийн зохицуулалтад тавигдах шаардлага
271.1.Хуулийн төсөлд захиргааны хэм хэмжээний акт батлах эрх олгосон зохицуулалт тусгахад дараах шаардлагыг хангана:
271.1.1.хуулийн тодорхой зүйл, хэсэг, заалтыг хэрэгжүүлэх, зохион байгуулалтын арга хэмжээ авахад чиглэсэн байх;
271.1.2.тухайн хуулийн зорилго, зорилтод нийцсэн байх;
271.1.3.захиргааны хэм хэмжээний акт батлахад баримтлах тухайлсан зарчмыг тодорхойлсон байх;
271.1.4.зорилго, зохицуулах харилцааны хүрээг тодорхой тусгасан байх;
271.1.5.захиргааны хэм хэмжээний акт батлах байгууллага, албан тушаалтныг тодорхойлсон, тухайн этгээдийн хуульд заасан үндсэн чиг үүрэгт хамааралтай байх;
271.1.6.хуулиар тогтоосон иргэн, хуулийн этгээдийн эрх зүйн байдлыг дордуулаагүй байх.
271.2.Захиргааны хэм хэмжээний акт батлах эрх олгосон зохицуулалтад дараах асуудлыг тусгахгүй:
271.2.1.Монгол Улсын Үндсэн хуульд заасан хүний эрх, эрх чөлөөг хязгаарлах, хариуцлага оногдуулах асуудал;
271.2.2.Монгол Улсын Үндсэн хуульд гагцхүү хуулиар зохицуулахаар заасан аливаа төрлийн харилцаа;
271.2.3.албан татвар, төлбөр, хураамж тогтоосон харилцаа;
271.2.4.эрх, хууль ёсны ашиг сонирхлоо хамгаалах гомдол гаргах хөөн хэлэлцэх хугацаа тогтоох асуудал;
271.2.5.гомдол, маргааныг урьдчилан шийдвэрлэх ажиллагааны журам тогтоох асуудал.
271.3.Захиргааны хэм хэмжээний акт гаргах хугацааг энэ хуулийн 27.1-д заасан хуулийг дагаж мөрдөх журамд тусгана.”
7/28 дугаар зүйлийн 28.3.6 дахь заалт:
“28.3.6.асуудал эрхэлсэн төрийн захиргааны төв болон бусад байгууллагын үйл ажиллагаа явуулах журам, бүрэн эрх;”
8/29 дүгээр зүйлийн 29.5 дахь хэсэг:
“29.5.Энэ хуулийн 12.2.2-т заасан хуулийн төслийг дагалдуулан бусад хууль тогтоомжийн төсөл өргөн мэдүүлэх тохиолдолд тухайн төслөөр зөвхөн төсөв, санхүүгийн харилцааг зохицуулна.”
9/33 дугаар зүйлийн 33.3.3, 33.3.4 дэх заалт:
“33.3.3.холбогдох төрийн байгууллага, иргэд, олон нийтээс хуулийн төсөлд өгсөн саналын товьёг, тухайн саналыг хуулийн төсөлд тусгасан, эс тусгасан талаарх нэг бүрчилсэн тайлбар, үндэслэл;
33.3.4.тухайн хууль тогтоомжийн төсөлтэй холбогдуулан гадаад орны хууль тогтоомжийн зохицуулалтад харьцуулалт хийж, тусгасан тохиолдолд тэдгээрийн талаарх тайлбар, дүгнэлт;”
10/38 дугаар зүйлийн 38.10 дахь хэсэг:
“38.10.Хууль санаачлагч эрх, хууль ёсны ашиг сонирхол нь хөндөгдөх иргэн, хуулийн этгээдийн төлөөллөөс энэ хуулийн 38.6.1, 38.6.2-д заасан хэлбэрээр санал авч хууль тогтоомжийн төслийн бүрдүүлбэрт хавсаргана.”
11/39 дүгээр зүйлийн 39.3 дахь хэсэг:
“39.3.Хүний эрх, эрх чөлөөг хязгаарласан, хэрэг хянан шийдвэрлэх ажиллагааны талаарх зохицуулалт бүхий хуулийн төсөлд Улсын дээд шүүх, Улсын ерөнхий прокурор, Хүний эрхийн Үндэсний Комиссоос санал авах ба ажлын 30 өдрийн хугацаанд санал ирүүлээгүй бол тусгайлан өгөх саналгүй гэж үзнэ.”
12/40 дүгээр зүйлийн 40.1.3 дахь заалт:
“40.1.3.хууль тогтоомжийн төслийн энэ хуулийн 33 дугаар зүйлд заасан шаардлагыг хангасан товч болон дэлгэрэнгүй танилцуулга;”
13/40 дүгээр зүйлийн 40.1.11, 40.1.12 дахь заалт:
“40.1.11.энэ хуулийн 13.2.6-д заасан судалгааны тайлан;
40.1.12.энэ хуулийн 271.1-д заасны дагуу гаргах захиргааны хэм хэмжээний актын жагсаалт, 271.3-т заасан мэдээлэл”
14/41 дүгээр зүйлийн 41.3.6 дахь заалт:
“41.3.6.Монгол Улсын Их Хурлын чуулганы хуралдааны дэгийн тухай хуулийн 36.15-д заасан хугацааг хангасан эсэх.”
15/41 дүгээр зүйлийн 41.4 дэх хэсэг:
“41.4.Улсын Их Хурлын Тамгын газрын судалгааны асуудал эрхэлсэн хүрээлэн энэ хуулийн 17.2.4-т заасан хууль тогтоомжийн төслийн хүний эрхэд нөлөөлөх байдлын үнэлгээ аргачлал, энэ хуулийн 17.3-т заасны дагуу хийгдсэн эсэхэд ажлын 5 өдрийн дотор дүгнэлт гаргана.”
16/44 дүгээр зүйлийн 44.3 дахь хэсэг:
“44.3.Холбогдох төрийн байгууллага нь хүний хувийн мэдээлэл, төрийн болон албаны нууцад хамаарахаас бусад хууль тогтоомжийн хувийн хэрэгтэй иргэд, олон нийт чөлөөтэй танилцах нөхцлийг бүрдүүлнэ.”
17/45 дугаар зүйлийн 45.5 дахь хэсэг:
“45.5.Хууль тогтоомжийн цахим сан нь хөгжлийн бэрхшээлтэй хүний онцлог хэрэгцээнд тохирсон хэлбэрээр ашиглах боломжтой байна.”
18/51 дүгээр зүйлийн 51.5, 51.6 дахь хэсэг:
“51.5.Тав ба түүнээс дээш жил дагаж мөрдөж байгаа хууль тогтоомжийг шинэчлэн найруулах, тэдгээрт нэмэлт, өөрчлөлт оруулах тохиолдолд хэрэгжилтийн үр дагаврын үнэлгээг хийж, энэ хуулийн 52 дугаар зүйлд заасны дагуу үнэлгээний үр дүнг хэлэлцүүлсэн байна.
51.6.Энэ хуулийн 49.1, 49.2-т заасан этгээд хууль тогтоомжийн хэрэгжилтийн үр дагаврын үнэлгээний тайланг энэ хуулийн 45.3-т заасан эрх зүйн мэдээллийн нэгдсэн санд тухай бүр байршуулна.”
