“28.6.4.сум, тосгон дахь төрийн болон орон нутгийн өмчийн шинжлэх ухаан, технологийн салбарын ажилтнуудад таван жил тутамд зургаан сарын үндсэн цалинтай тэнцэх хэмжээний мөнгөн тэтгэмжийг улсын төсвөөс олгох;
28.6.5.жилд 180 хоногоос дээш хугацаагаар байнга хөдөө орон нутагт ажилладаг эрдэм шинжилгээний ажилтанд орон нутгийн нэмэгдэл олгоно.
28.6.6.эрдэм шинжилгээний ажилтны цалин хөлс нь албан тушаалын цалин болон ур чадварын, төрийн алба хаасан хугацааны, зэрэг дэвийн, докторын, мэргэшлийн зэргийн нэмэгдлээс бүрдэх бөгөөд тэдгээрийн хувь, хэмжээг Засгийн газар тогтооно.”
6/29 дүгээр зүйлийн 29.5 дахь хэсэг:
29.5.Эрдэм шинжилгээний байгууллага нь өөрийн үйл ажиллагааны үндсэн чиглэлийн хүрээнд өндөр хүчин чадалтай, судалгааны нарийн үзүүлэлттэй олон улсад үйлдвэрлэгчийн тоо хязгаарлагдмал багаж, тоног төхөөрөмжийг гадаад улсын үйлдвэрлэгчид захиалж, үйлдвэрлүүлж авах бол шууд гэрээ байгуулан худалдан авалт хийнэ.
3/31 дүгээр зүйлийн 31.2, 31.5 дахь хэсэг:
“31.2.Засгийн газар шинжлэх ухаан технологийг хөгжүүлэх, судалгаа хөгжүүлэлтийн ажилд жил бүр тогтмол /суурь/ санхүүжилт олгоно.
31.5.Төрийн өмчит эрдэм шинжилгээний байгууллага нь энэ хуулийн 31.2.4-т заасан судалгаа хөгжүүлэлтийн ажлын санхүүжилтийг хүлээн авах, гүйлгээ хийх төрийн сангийн нэгдсэн данснаас гадуур банкны данс нээлгэх зөвшөөрлийг Төсвийн тухай хуулийн 35.3-д заасны дагуу санхүү, төсвийн асуудал эрхэлсэн төрийн захиргааны төв байгууллагаас авч, зориулалтын дагуу ашиглана.”
