3.1.1. “валют” гэж Монгол Улсын үндэсний мөнгөн тэмдэгт, гадаад валют, төлбөр тооцоонд ашиглагддаг бусад хэрэгсэл, мөнгөжсөн алтыг;
3.1.2. “үндэсний мөнгөн тэмдэгт” гэж Монголбанкнаас гүйлгээнд гаргасан төлбөрийн хууль ёсны хэрэгсэл болох төгрөгийг хэлэх бөгөөд төгрөгийг англи хэл дээр “Togrog”, товчлолыг “MNT” гэж бичнэ;
3.1.3. “гадаад валют” гэж гадаад улсын эрх бүхий байгууллагаас гаргасан мөнгөн тэмдэгтийг;
3.1.4. “мөнгөжсөн алт” гэж гэж олон улсын жишигт хүргэн цэвэршүүлж, олон улсын санхүүгийн аль нэг төвд хадгалуулж байгаа, гадаад валютаар борлуулахад бэлэн болсон алтыг;
3.1.5. “валютын арилжаа” гэж нэг улсын мөнгөн тэмдэгтийг нөгөө улсын мөнгөн тэмдэгтээр худалдах, худалдан авах болон валютын үүсмэл санхүүгийн хэрэгслийн хэлцэл хийх үйл ажиллагааг;
3.1.6. ”валютын үүсмэл санхүүгийн хэрэгсэл” гэж опцион гэрээ, фьючерсийн гэрээ, форвард гэрээ, своп гэрээ болон бусад үүсмэл санхүүгийн хэрэгслийг;
3.1.7. ”гадаад зээл” гэж эдийн засгийн харьяатын эдийн засгийн харьяат бусаас авсан бүх төрлийн зээлийг;
3.1.8. ”гадаад хөрөнгө оруулалт” гэж эдийн засгийн харьяат бусаас авсан, эдийн засгийн харьяат буст оруулсан шууд болон багцын хөрөнгө оруулалтыг;
3.1.9. ”гадаад шууд хөрөнгө оруулалт” гэж эдийн засгийн харьяат бус болон эдийн засгийн харьяатын хооронд удирдлагад нөлөөлөхүйц эсвэл шууд удирдах эрх бүхий хэмжээний хөрөнгө буюу хувь нийлүүлсэн хөрөнгийн арван хувиас дээш оруулсан хөрөнгө оруулалтыг;
3.1.10. ”гадаад багцын хөрөнгө оруулалт” гэж эдийн засгийн харьяат бус болон эдийн засгийн харьяатын хооронд энгийн эсхүл саналын эрхтэй хувьцааны арван хувиас доош хувьд болон өрийн хэрэгсэлд оруулсан хөрөнгө оруулалтыг;
3.1.11. “тооцооны нэгж” гэж бараа, ажил, үйлчилгээний үнэ нь төгрөгийн валюттай харьцах ханштай уялдан өөрчлөгдөж байхаар илэрхийлсэн үнийн саналыг;
3.1.12. "эдийн засгийн харьяат" гэж дараах иргэн, хуулийн этгээдийг:
3.1.12.а. Монгол Улсын нутаг дэвсгэр дээр оршин сууж байгаа Монгол Улсын иргэн, гадаад оронд 1 жил хүртэлх хугацаагаар түр оршин сууж байгаа Монгол Улсын иргэн;
3.1.12.б. Монгол Улсад нэгээс дээш жилээсийн дээш хугацаагаар хууль ёсны дагуу оршин сууж байгаа гадаадын иргэн;
3.1.12.в. Монгол Улсын нутаг дэвсгэр дээр үйл ажиллагаа явуулж байгаа өмчийн бүх хэлбэрийн хуулийн этгээд тэдгээрийн салбар, төлөөлөгчийн газар,
3.1.12.г. Монгол Улсаас гадаад оронд суугаа элчин сайдын яам, консулын болон байнгын төлөөлөгчийн газар, тэдгээрт ажилладаг Монгол Улсын иргэн, эсхүл тусгай үүрэг гүйцэтгэж буй Монгол Улсын иргэн, тэдгээрийн гэр бүлийн гишүүн, гадаад оронд сурч, эмчлүүлж байгаа Монгол Улсын иргэн;
3.1.13. Энэ хуулийн 3.1.11 дахь хэсэгт зааснаас бусад Монгол Улсын болон гадаадын иргэн, хуулийн этгээд, гадаад улсын засгийн газар, түүний харьяа нэгж, гадаадын төв банкийг эдийн засгийн харьяат бус гэж ойлгоно.
3.1.14. “дотоод мэдээлэл” гэж валютын ханшид нөлөөлөхүйц нийтийн хүртээл болгоогүй мэдээллийг;
3.1.15. “гадаад гүйлгээ” гэж эдийн засгийн харьяат, харьяат бусын хооронд хийгдсэн бүх төрлийн гүйлгээг;
3.1.16. “дотоод гүйлгээ” гэж эдийн засгийн харьяат хооронд хийгдсэн валютын арилжаа, төлбөр тооцоог;
3.1.17. “Монгол Улсын нутаг дэвсгэр” гэж эдийн засгийн чөлөөт бүс, Монгол Улсад байгаа гадаад улсын дипломат төлөөлөгчийн болон консулын газрын байршлаас бусад Монгол Улсын газар нутгийг;
3.1.18. “гадаад валютын улсын нөөц” гэж Монголбанк Төв банк /Монголбанк/-ны тухай хуулийн 21 дүгээр зүйлийн 2 дахь хэсэгт заасан гадаад активыг хэлнэ.
