7.1. Эрдэс баялаг олборлох үйлдвэрлэлийн үйл ажиллагааны мэдээллийн сан
нь дараах мэдээллээс бүрдэх бөгөөд тус мэдээлэл нь байнга нээлттэй байна:
7.1.1. эрдэс баялаг олборлох үйлдвэрлэлтэй холбогдох хууль тогтоомж, олон улсын гэрээ, захиргааны хэм хэмжээний акт;
7.1.2. зөвшөөрөл, түүний бүртгэлийн мэдээлэл:
7.1.2.. олгох зөвшөөрөл, зөвшөөрөл хүссэн өргөдөл бүртгэсэн он, сар, өдөр, цаг, минут, бүртгэлийн дугаар, үйлчилгээний хөлс төлөлт, эдгээрийн бүртгэл, сонгон шалгаруулалтад оролцсон хуулийн этгээдийн нэрийн жагсаалт, сонгон шалгаруулалтын дүн;
7.1.2.. б.олгосон, сунгасан, шилжүүлсэн, түдгэлзүүлсэн, сэргээсэн, хүчингүй болгосон, зөвшөөрөл эзэмшигчээс хуульд заасны дагуу буцаан өгсөн, маргаантай зөвшөөрлийн бүртгэл, жагсаалт, зөвшөөрлийг олгосон, сунгасан, шилжүүлсэн, түдгэлзүүлсэн, хүчингүй болгосон он, сар, өдөр, зөвшөөрлийн хүчинтэй хугацаа, зөвшөөрөл эзэмшигчийн нэр, хаяг, зөвшөөрөлд орсон өөрчлөлт, зөвшөөрөл олгогдсон талбайн булангийн цэгийн солбицлууд, зураг зүйн бүртгэл, бүтээгдэхүүн хуваах гэрээ болон ашиглалтын тусгай зөвшөөрөлд холбогдох эрдэс баялаг;
7.1.2.. в.хайгуулын тусгай зөвшөөрөл олгоход өгсөн аймгийн Засаг даргын санал;
7.1.3. дараах гэрээ, хэлэлцээр, түүний нэмэлт, өөрчлөлт болон хэрэгжилтийн мэдээлэл:
7.1.3.а.бүтээгдэхүүн хуваах гэрээ;
7.1.3.б.орд ашиглах гэрээ;
7.1.3.в.хөрөнгө оруулалтын гэрээ, түүнтэй адилтгах гэрээ;
7.1.3.г.зөвшөөрөл олгогчоос зөвшөөрөл эзэмшигчтэй байгуулсан гэрээ;
7.1.3.д.нутгийн захиргааны байгууллагаас зөвшөөрөл эзэмшигчтэй байгуулсан гэрээ;
7.1.3.е.зөвшөөрөл эзэмшигчтэй байгуулсан газар ашиглах гэрээ;
7.1.3.ё.усан сан бүхий газрын энгийн хамгаалалтын бүсэд
олборлолт явуулж эхэлсэн, зөвшөөрөл бүхий талбайд холбогдох арга хэмжээ авах, нөхөн сэргээх үйл ажиллагааны гэрээ;
7.1.3.ж.зөвшөөрөл эзэмшигчтэй байгуулсан ус ашиглах гэрээ;
7.1.3.з.бичил уурхай эрхлэгчтэй байгуулсан гэрээ;
7.1.3.и.нөхөн сэргээлтийн гэрээ;
7.1.4. зөвшөөрөл эзэмшигчийн үйл ажиллагааны талаарх мэдээлэл:
7.1.4.. б.Ашигт малтмалын тухай хуульд заасны дагуу Эрдэс баялгийн мэргэжлийн зөвлөлөөр хянагдсан, ашигт малтмал ашиглах техник, эдийн засгийн үндэслэлийн нууцад хамааруулснаас бусад мэдээлэл, Эрдэс баялгийн мэргэжлийн зөвлөлийн дүгнэлт, зөвлөмж болон зохих байгууллагаар хянуулсан уулын ажлын төлөвлөгөө, холбогдох гүйцэтгэлийн тайлангийн нууцад хамааруулснаас бусад мэдээлэл;
7.1.4.. в.Байгаль орчны албаны зөвшөөрөл;
7.1.4.. г.Ашигт малтмалын тухай хуулийн 35.4-т заасан комиссын шийдвэр;
7.1.4.. д.палеонтологи, археологи, угсаатны мэргэжлийн байгууллагаар хийлгэсэн судалгааны ажлын тайлан, дүгнэлт;
7.1.4.. е.үүсмэл ордыг ашиглах тусгай зөвшөөрөл эзэмшигчийн үүсмэл орд ашиглах техник эдийн засгийн үндэслэлийг Эрдэс баялгийн мэргэжлийн зөвлөлөөр хэлэлцүүлсэн дүгнэлт, шийдвэр;
7.1.4.. ё.цацраг идэвхт ашигт малтмалын зөвшөөрөл эзэмшигчийн эрхлэх үйл ажиллагаанд холбогдох аюулгүй ажиллагааны олон улсын стандартын шаардлагад нийцсэн иж бүрэн хөтөлбөр, түүнийг хэрэгжүүлэх төлөвлөгөө, үйл ажиллагаа эрхлэх байрны цөмийн болон цацрагийн хамгаалалт, аюулгүйн стандартын шаардлага хангасан талаарх төрийн захиргааны байгууллагын үнэлгээ, цөмийн болон цацрагийн болзошгүй ослын үед авах арга хэмжээний төлөвлөгөө, цацрагийн түвшний 7 хоног тутмын мэдээлэл;
7.1.4.. ж.Зөвшөөрөл эзэмшигчийн үйл ажиллагаатай холбоотой эрх бүхий байгууллагаас тавьсан акт, албан шаардлага, маргаан урьдчилан шийдвэрлэх ажиллагаа, шүүхийн хэрэг маргаан, шийдвэрийн мэдээлэл;
7.1.5. эрдэс баялаг хайгуулын мэдээлэл:
7.1.5.. а.эрх бүхий байгууллагаар хянуулсан хайгуулын ажлын төлөвлөгөө, холбогдох гүйцэтгэлийн тайлангийн нууцад хамааруулснаас бусад мэдээлэл;
7.1.6. эрдэс баялаг олборлолт, борлуулалт, тээвэрлэлт, экспортын мэдээлэл:
7.1.6.. а.зөвшөөрөл эзэмшигчийн тухайн жилийн олборлосон, баяжуулсан, боловсруулсан эрдэс баялаг, баяжмал, бүтээгдэхүүний төрөл, төрөл тус бүрийн хэмжээ;
7.1.6.. б.тухайн жилд Монголбанк, түүнээс эрх олгосон арилжааны банканд тушаасан үнэт металл, тэдгээрийн сорьц, чанар, хэмжээ, худалдан авахад баримталсан олон улсын зах зээлийн үнэ, урамшуулалтай үнэ, төлбөр төлөлтийн мэдээлэл;
7.1.6.. в.зөвшөөрөл эзэмшигчийн тухайн жилд борлуулсан эрдэс баялгийн тоо хэмжээ, төрөл, борлуулалтын үнэ, тухайн үеийн олон улсын зах зээлийн үнийн ханш, борлуулалтын орлого, худалдан авагч этгээдийн нэр/иргэн бол эцэг/эх/- ийн нэр, өөрийн нэр, хуулийн этгээд бол хуулийн этгээдийн нэр/, хуулийн этгээдийн улсын бүртгэлийн дугаар, оршин байгаа хаяг/;
7.1.6.. г.зөвшөөрөл эзэмшигчийн тухайн жилд төлбөр тооцоонд шилжүүлэн өгсөн эрдэс баялгийн төрөл, хэмжээ, түүний төлбөр тооцооны үнэлгээ буюу борлуулсан үнэ, эрдэс баялгийн тухайн үеийн олон улсын зах зээлийн үнийн ханш, борлуулалтын орлого, төлбөр тооцоонд шилжүүлэн авсан этгээдийн нэр/иргэн бол эцэг/эх/-ийн нэр, өөрийн нэр, хуулийн этгээд бол хуулийн этгээдийн нэр/, хуулийн этгээдийн улсын бүртгэлийн дугаар, оршин байгаа хаяг;
7.1.6.. д.тухайн жилд борлуулсан, экспортолсон эрдэс баялгийн төрөл, төрөл тус бүрийн хэмжээ, орлого, борлуулалтын үнэ, хүлээн авагч улс;
7.1.6.. е.эрдэс баялгийн тээвэрлэлт гүйцэтгэгч этгээдийн жагсаалт, тэдгээрийн тухайн жилд олсон тээвэрлэлтийн орлого, тээвэрлэсэн бүтээгдэхүүний төрөл, тэдгээрийн тоо хэмжээ, тээвэрлэлтийн үнэ тариф, бусад төлбөр, тээвэрлэлт гүйцэтгэх арга, тээврийн хэрэгслийн төрөл, замын төрөл, төмөр зам, улсын болон орон нутгийн чанартай автозам ашигласны төлбөр, тээвэрлүүлэгч этгээдийн нэр/иргэн бол эцэг/эх/-ийн нэр, өөрийн нэр, хуулийн этгээд бол хуулийн этгээдийн нэр/, тээвэрлэлт гүйцэтгүүлэх хүсэлтийн бүртгэл, хүсэлтийг хүлээн авсан он, сар, өдөр, цаг, минут, хүсэлтийн дагуу тээвэрлэлт гүйцэтгэсэн эсэх талаарх мэдээлэл;
7.1.6.. ё.зөвшөөрөл эзэмшигчийн өөрөө тээвэрлэсэн болон бусдаар тээвэрлүүлсэн эрдэс баялгийн төрөл, хэмжээ, тээвэрлэлт гүйцэтгүүлсэн арга, тээврийн хэрэгсэл, замын төрөл, зардал, тээвэрлүүлсэн үнэ тариф, бусад төлбөр, тээвэрлэгч этгээдийн нэр/иргэн бол эцэг/эх/-ийн нэр, өөрийн нэр, хуулийн этгээд бол хуулийн этгээдийн нэр/;
7.1.7. төсвийн болон бусад орлого төвлөрүүлэлтийн мэдээлэл:
7.1.7.. а.эрдэс баялгийн нөөц ашигласны төлбөр ногдуулалтын тухайн жилийн дүн, төлөлтийн мэдээлэл, эрдэс баялгийн төрөл, төлөгч тус бүрээр;
7.1.7.. б.эрдэс баялаг экспортлогчид тухайн жилд ногдуулсан эрдэс баялгийн экспорттой холбоотой гаалийн бүрдүүлэлтийн хураамжийн дүн, төлөлтийн мэдээлэл;
7.1.7.. в.зөвшөөрөл эзэмшигчийн тухайн жилд улсын болон орон нутгийн төсөвт төлсөн албан татвар, төлбөр, хураамж, ногдол ашгийн төлөлтийн мэдээлэл;
7.1.7.. г.зөвшөөрөл эзэмшигчээс төлөх Цөмийн энергийн тухай хуулийн 18 дугаар зүйлийн 18.5.2-т заасан төлбөр, 28 дугаар зүйлийн 28.9-д заасан баталгааны мөнгөн хөрөнгө, Газрын тосны тухай хуулийн 34 дүгээр зүйлд заасан төлбөр, урамшуулал, үйлчилгээний хөлсний хэмжээ, төлөлтийн мэдээлэл;
7.1.7.. д.гадаад ажиллах хүчний тоо, Ажиллах хүчний шилжилт хөдөлгөөний тухай хуулийн 32.1-д заасны дагуу төлөх ажлын байрны төлбөр, түүний төлөлтийн мэдээлэл;
7.1.7.. е.ажил олгогчоос хариуцан төлөх нийгмийн даатгалын шимтгэлийн нийт дүн, төлөлтийн мэдээлэл;
7.1.7.. ё.улсын төсвийн хөрөнгөөр хайгуулын ажил хийж, нөөцийг нь тогтоон улсын нэгдсэн бүртгэлд бүртгэсэн орд газраас олборлолт явуулж байгаа зөвшөөрөл эзэмшигч хайгуулын ажилд улсын төсвөөс гаргасан зардлыг улсын төсөвт буцааж нөхөн төлөх төлбөрийн хэмжээ, төлөлтийн талаарх мэдээлэл, нөхөн төлбөр хийх гэрээ, түүний хэрэгжилтийн мэдээ;
7.1.7.. ж.хуульд заасны дагуу хувьчлагдсан хуулийн этгээдийн хувьд өмнө нь улсын төсвийн хөрөнгөөр хийгдсэн хайгуулын ажлын зардлын дүнгээс тухайн ордын нэгэнт ашиглагдсан ашигт малтмалын хэмжээнд ногдох хайгуулын зардлыг хувь тэнцүүлэн хасаж, үлдэгдэл нөөцөд ногдох хайгуулын зардлыг нөхөн төлөх төлбөрийн хэмжээ, төлөлтийн талаарх мэдээлэл, нөхөн төлбөр хийх гэрээ;
7.1.7.. .хайгуулын тусгай зөвшөөрөл эзэмшигч байгаль орчныг хамгаалах талаар хүлээсэн үүргээ биелүүлэх баталгаа болгон холбогдох сум, дүүргийн Засаг даргын нээсэн тусгай дансанд байгаль орчныг хамгаалах арга хэмжээнд шаардагдах тухайн жилийн зардлын 50 хувьтай тэнцэх хэмжээний мөнгөн хөрөнгийг шилжүүлсэн байдал, тус мөнгөн хөрөнгийн дүн, зарцуулалтын дүнг арга хэмжээ тус бүрээр;
7.1.7.. и.Ашигт малтмалын тухай хуулийн 39 дүгээр зүйлийн 39.3, 39.4-т заасан мөнгөн хөрөнгийг ашиглалтын тусгай зөвшөөрөл эзэмшигч тухайн жилд бүрэн шилжүүлж төлсөн эсэх мэдээлэл, тус мөнгөн хөрөнгийн дүнг зарцуулалт тус бүрээр;
7.1.7.. й.Ашиглалтын тусгай зөвшөөрөл эзэмшигчээс Ашигт малтмалын тухай хуулийн 43.2-т заасны дагуу төлсөн сар бүрийн төлбөр төлөлтийн байдал, төлбөрийн дүн;
7.1.7.. к.зөвшөөрлийн төлбөр, зохицуулалтын үйлчилгээний хөлс төлөлтийн мэдээлэл;
7.1.7.. л.хайгуулын ажлын зардлын доод хэмжээ, төлбөрийн мэдээлэл;
7.1.7.. м.зөвшөөрөл эзэмшигчээс орлого төвлөрүүлж байгаа сангийн жагсаалт, тухайн сангийн орлого, зарлага, санд хийсэн аудитын тайлан;
7.1.8. төсвийн орлогын хуваарилалтын мэдээлэл:
7.1.8.. эрдэс баялгийн олборлох үйлдвэрлэлээс төсөвт төвлөрөх орлогын төсвийн хуваарилалт, орон нутгийн хөгжлийн нэгдсэн сан болон орон нутгийн төсөвт шилжүүлсэн дүнгийн болон түүний зарцуулалтын мэдээлэл;
7.1.8.. б.сум, дүүргийн Засаг даргын нээсэн тусгай данс, тусгай зориулалтын сангийн орлого, зарлагын мэдээлэл;
7.1.9. зөвшөөрөл эзэмшигчээс нийгмийн хариуцлагын хүрээнд хийсэн зарцуулалт:
7.1.9.а.бусдад өгсөн хандив, дэмжлэг, тусламж, урамшууллын хэмжээ, хэлбэр, зориулалт, гэрээ;
7.1.9.б.нийгмийн хариуцлагын хүрээнд бусдаар гүйцэтгүүлсэн ажил, үйлчилгээний төлбөрийн нийт дүн;
7.1.9.в.нутгийн захиргааны байгууллагатай байгуулсан гэрээгээр хүлээсэн үүргийг хэрэгжүүлэх төлөвлөгөө, хэрэгжүүлэхэд гарсан зардлын хэмжээ;
7.1.9.г.Газрын тосны тухай хуулийн 40 дүгээр зүйлийн 40.1, Ашигт малтмалын тухай хуулийн 41 дүгээр зүйлийн 41.1-д заасны дагуу төлсөн хохирол нөхөн төлөлт, холбогдох бусад зардлын мэдээлэл;
7.1.10. уурхайн хаалт, байгаль орчин нөхөн сэргээлтийн мэдээлэл:
7.1.10.. а.хаасан уурхайн байршлын мэдээлэл, түүний ашиглалтын тусгай зөвшөөрлийг эзэмшиж байсан этгээдийн нэр, хаасан уурхайг хүлээн авсан эсэх мэдээлэл болон хүлээн авсан комиссын мэдээлэл;
7.1.10.. б.зөвшөөрөл эзэмшигчээс уурхайн талбайг нийтийн зориулалтаар ашиглахад аюулгүй болгосон арга хэмжээний тайлан;
7.1.10.. в.зөвшөөрөл эзэмшигчийн тухайн жилийн байгаль орчны менежментийн төлөвлөгөөг хэрэгжүүлэхэд гарсан зардлын дүн, хэрэгжилтийн тайлан, байгаль орчныг хамгаалах, нөхөн сэргээсэн арга хэмжээний зардлын дүн, тайлан;
7.1.10.. г.зөвшөөрөл эзэмшигчээс уурхайн эдэлбэр байсан газрыг нийтийн зориулалтаар ашиглахад аюул учирч болзошгүй бол түүнээс сэргийлэх арга хэмжээний тайлан;
7.1.10.. д.нөхөн сэргээлт хийх зөвшөөрөл эзэмшигчийн жагсаалт, зөвшөөрөл олгосон, сунгасан, түдгэлзүүлсэн, сэргээсэн, хүчингүй болсон зөвшөөрлийн мэдээлэл, зөвшөөрлийн хүчинтэй хугацаа;
7.1.10.. е.эвдэрсэн, нөхөн сэргээлт хийсэн газрын хэмжээ, нөхөн сэргээлтийн ангилал, байршил, нөхөн сэргээлтийг хийж гүйцэтгэсэн этгээд, түүний зөвшөөрөл, төсөл тус бүрээр;
7.1.10.. ё.эрдэс баялаг олборлох үйлдвэрлэлийн үйл ажиллагаанд өртсөн байгаль орчныг нөхөн сэргээх ажлын үр дүнг хүлээн авсан тайлан;
7.1.11. хувьцаа эзэмшигч, эцсийн өмчлөгчийн мэдээлэл:
7.1.11.. а.хувьцаа эзэмшигч, эцсийн өмчлөгч хүний эцэг/эх/-ийн нэр, өөрийн нэр, харьяалал, төрсөн огноо, улс төрд нөлөө бүхий этгээд эсэх мэдээлэл, улс төрд нөлөө бүхий этгээдэд тооцогдож эхэлсэн талаарх мэдээлэл.
Тайлбар: “хувьцаа эзэмшигч” гэж зөвшөөрөл эзэмшигч хуулийн этгээдийн хувьцааны тав болон түүнээс дээш хувийг дангаар болон бусад этгээдийн хамт эзэмшиж байгаа этгээд, тэдгээрийн эцсийн өмчлөгч хүнийг, ”эцсийн өмчлөгч” гэж Мөнгө угаах болон терроризмыг санхүүжүүлэхтэй тэмцэх тухай хуулийн 3.1.6-д заасан хүнийг, “улс төрд нөлөө бүхий этгээд” гэж Мөнгө угаах болон терроризмыг санхүүжүүлэхтэй тэмцэх тухай хуулийн 3.1.5 д заасан албан тушаалтныг тус тус ойлгоно.
7.1.12. эрдэс баялаг олборлох үйлдвэрлэл эрхэлж байгаа төрийн
болон орон нутгийн өмчит хуулийн этгээдтэй холбоотой мэдээлэл:
7.1.12.. а.урт богино хугацааны бизнес төлөвлөгөө, эдийн засгийн
зорилтот түвшин, үйл ажиллагааны болон хөрөнгө оруулалтын бодлого, төлөвлөгөө, шийдвэр, түүнтэй холбоотой техник-эдийн засгийн үнэлгээний нууцад хамааруулснаас бусад мэдээлэл, тооцоо, судалгаа, санхүүжилт, ногдол ашгийн бодлого, хуваарилалт;
7.1.12.. б.бусдаас авсан, бусдад өгсөн зээл, зээлийн гэрээ, зээлийн баталгаа, батлан даалтын мэдээлэл, үнэт цаас гаргах шийдвэр, гаргасан үнэт цаасны төрөл, хэмжээ, нөхцөл, эргэн төлөгдөх хуваарь, бусад дансны бус өр төлбөр, төлбөрийн үүргийн дэлгэрэнгүй мэдээлэл;
7.1.12.. в.санхүү, техникийн нөөц, хүний нөөцийн төлөвлөгөө, төсвийн зарцуулалтын тайлан;
7.1.12.. г.санхүүгийн тайлан, түүнд хийсэн аудитын тайлан, дүгнэлт, зөвлөмж, жил, улирал тутмын санхүү байдлын тайлан, орлого, үр дүнгийн тайлан, өмчийн өөрчлөлтийн тайлан, мөнгөн гүйлгээний тайлан, тэдгээрийн тодруулгыг жил, улирлаар;
7.1.12.. д.олборлолт, борлуулалт, тээвэрлэлт, экспорт, худалдан авалттай холбогдох гэрээ, түүний хэрэгжилтийн мэдээлэл;
7.1.12.. е.улсын төсвөөс авсан татаас, хөнгөлөлт, мөнгөн болон мөнгөн бус шилжүүлэг, төсвийн шинжтэй зарцуулалт, тэдгээртэй холбоотой шийдвэр;
7.1.12.. .төрийн өмчийн төлөөллийг хэрэгжүүлэх шийдвэр, гэрээ, түүний хэрэгжилтийн мэдээлэл, эрхийн мэдээлэл;
7.1.12.. ж.Засгийн газар, орон нутагт ногдох хувьцааны ногдол ашиг, ашигт газрын тосны хэмжээ, төлбөр, бусад орлого болон материаллаг үр өгөөж;
7.1.13. эрдэс баялаг олборлох үйлдвэрлэлээс төрд ногдох хувь хэмжээг зарж борлуулах, эсхүл бэлэн бус байдлаар олсон бусад орлогын мэдээлэл:
7.1.13.. .а.ашигт газрын тосны Засгийн газарт ногдох хэсгийг зөвшөөрөл эзэмшигчтэй харилцан тохиролцсоны үндсэн дээр газрын тос, уламжлалт бус газрын тосны биет бүтээгдэхүүн болон мөнгөн хэлбэрээр төвлөрүүлсэн орлого;
7.1.13.. б.газрын тосны борлуулалтын орлогоос Засгийн газарт ногдох орлого, Засгийн газрын ногдох ашигт газрын тос, хувьцааны ногдол ашиг;
7.1.13.. в.эрдэс баялгийн олборлох үйлдвэрлэлээс Засгийн газар болон орон нутагт ногдох хувь хэмжээг худалдан борлуулсны орлого, эсхүл бэлэн бус байдлаар олсон бусад орлогын мэдээлэл;
7.1.14. эрдэс баялаг олборлох үйлдвэрлэлээс эдийн засагт оруулах хувь нэмрийн талаарх мэдээлэл:
7.1.14.а.тухайн зөвшөөрөлд хамаарах эрдэс баялгийн олборлох үйлдвэрлэлийн мэдээлэл, эдийн засагт үзүүлэх үр өгөөж, таамаглал, тооцоолол;
7.1.14.б.газрын тос, уламжлалт бус газрын тосны ашиглалтын ажлын жилийн төлөвлөгөө, орд ашиглах үйл ажиллагааны төлөвлөгөө;
7.1.14.в.эрдэс баялаг олборлох үйлдвэрлэлийн нийт ажилтны тоонд гадаад ажилтны эзлэх хувь, ажиллах байршил, ажлын байрны нэр, холбогдох зөвшөөрөл, Монгол Улсын иргэдийн хүйс, боловсрол, ажиллаж байгаа хөдөлмөрийн нөхцөл, ажлын байрны нэр;
7.1.14.г.зөвшөөрөл эзэмшигчийн тухайн жилийн хөрөнгө оруулалт, зардлын мэдээлэл;
7.1.15. эрдэс баялаг олборлох үйлдвэрлэлээс байгаль орчинд үзүүлж байгаа нөлөөлөл:
7.1.15.. а.зөвшөөрөл эзэмшигчийн эрх бүхий байгууллагаар батлуулсан байгаль орчны менежментийн төлөвлөгөө, байгаль орчинд нөлөөлөх байдлын үнэлгээ, түүний биелэлтийн тайлан;
7.1.15.. б.ашиглалтын тусгай зөвшөөрөл бүхий талбайн хайгуулаар тогтоогдсон ашигт малтмалын нөөцийн хэмжээ, үнэлгээ нь олборлолтоос үүсэж болох экологийн хохирлыг нөхөн сэргээхэд хүрэлцэх эсэх талаарх тодруулсан мэдээлэл;
7.1.15.. в.төслийн орчны хяналт шинжилгээний хөтөлбөрийн хүрээнд авсан дээж, шинжилгээний дүн, түүний мөрөөр авсан арга хэмжээний тайлан, мэдээлэл;
7.1.15.. г.байгаль орчны хяналт шалгалтын дүн, дүгнэлт, зөвлөмж,
хэрэгжилтийн мэдээлэл, байгаль орчны аудитын гүйцэтгэлийн талаарх мэдээлэл;
7.1.15.. д.ундны болон үйлдвэрлэлийн зориулалтаар хэрэглэх усны зөвшөөрөгдсөн ба хэрэглэсэн хэмжээ, дахин ашигласан усны мэдээлэл, орчны хяналт шинжилгээний хөтөлбөрийн хэрэгжилтийн мэдээлэл;
7.1.15.. е.байгаль орчны стратегийн үнэлгээ, хуримтлагдах нөлөөллийн үнэлгээ, байгаль орчны төлөв байдлын үнэлгээ, түүний тайланг тусгай зөвшөөрөл эзэмшигч, төсөл тус бүрээр;
7.1.15.. ё.ус ашиглах дүгнэлт, гадаргын болон гүний ус ашиглалт, дахин ашигласан усны хэмжээ, ус бохирдуулсны төлбөрийн хэмжээг зөвшөөрөл тус бүрээр.
