“15 дугаар зүйл.Инновацийн бүтээгдэхүүн
15.1. Дараах шаардлагыг хангасан бүтээгдэхүүнийг инновацийн бүтээгдэхүүнээр бүртгэнэ:
15.1.1. шинэ мэдлэгт суурилсан, инновацийн үйл ажиллагааны үр дүнд бий болсон байх;
15.1.2. эрдэм шинжилгээ, судалгааны үр дүнд бий болсон байх;
15.1.3. технологийн шийдэлд хүрсэн байх;
15.1.4. эдийн засгийн эргэлтэд орох, гарааны компани хөгжих, хөрөнгө оруулалт татах, импортыг орлох, экспортыг нэмэгдүүлэх боломжтой байх;
15.1.5. эдийн засаг, нийгэмд үр дүн, ач холбогдолтой, хүний эрүүл мэнд, байгаль орчинд сөрөг нөлөөгүй байх;
15.1.6. зах зээл дээрх ижил төстэй бүтээгдэхүүн, үйлчилгээнээс техник, эдийн засгийн үзүүлэлт, шинжлэх ухааны багтаамж, нэмүү өртөг бий болгох болон өрсөлдөх чадвараар илүү байх;
15.1.7. оюуны өмчийн эрхээр баталгаажсан байх;
15.1.8. бүтээгдэхүүн үйлдвэрлэгч нь оюуны өмчийн эзэмшигч байх, эсхүл түүний эзэмшигчтэй лицензийн гэрээ байгуулсан байх, эсхүл оюуны өмчийг компанийн биет бус хөрөнгөөр бүртгүүлж, дүрмийн санд байршуулсан байх.
15.2. Инновацийн бүтээгдэхүүн энэ хуульд заасан шаардлагад нийцэж байгаа эсэх талаарх дүгнэлтийг мэргэжлийн шинжээчийн баг материал хүлээн авснаас хойш ажлын 10 өдрийн дотор гаргах бөгөөд тус дүгнэлтийг үндэслэн өндөр технологи, үндэсний инновацийг хөгжүүлэх асуудал эрхэлсэн төрийн захиргааны төв байгууллага инновацийн бүтээгдэхүүнийг ажлын 5 өдрийн дотор бүртгэнэ.
15.3. Олон улсын хэмжээнд хүлээн зөвшөөрөгдсөн патент авсан бүтээгдэхүүнийг мэргэжлийн шинжээчийн дүгнэлт шаардахгүйгээр цахим хэлбэрээр, ажлын 10 өдөрт багтаан инновацийн бүтээгдэхүүний бүртгэлд бүртгэнэ.”
