ТӨСВИЙН ХӨРӨНГӨ ОРУУЛАЛТЫН УДИРДЛАГЫН ТУХАЙ

Өргөн мэдүүлэгдсэн хуулийн төслийн мэдээлэл

МОНГОЛ УЛСЫН ХУУЛЬ

2026 оны 10-р сарын 07 өдөр

Ulaanbaatar city

ТӨСВИЙН ХӨРӨНГӨ ОРУУЛАЛТЫН УДИРДЛАГЫН ТУХАЙ

НЭГДҮГЭЭР БҮЛЭГ НИЙТЛЭГ ҮНДЭСЛЭЛ

1 дүгээр зүйл. Хуулийн зорилго

1.1.Энэ хуулийн зорилго нь хөгжлийн бодлогын зорилго, зорилтыг хэрэгжүүлэх хүрээнд нийгэм, эдийн засгийн дэд бүтцийг бүрдүүлэхэд төсвийн хөрөнгө оруулалтын төслийн төлөвлөлт, хэрэгжилт, санхүүжилт, хяналт, тайлагналт болон хөрөнгийн удирдлага, ашиглалтыг ил тод, үр ашигтай хэрэгжүүлэхтэй холбогдуулан төсвийн хөрөнгө оруулалтын удирдлагын эрх зүйн нэгдмэл орчныг бүрдүүлэхэд оршино.

0 0 0

2 дугаар зүйл. Төсвийн хөрөнгө оруулалтын удирдлагын хууль тогтоомж

0 0 0

2.1.Төсвийн хөрөнгө оруулалтын удирдлагын хууль тогтоомж нь Монгол Улсын Үндсэн хууль, Төсвийн тухай хууль, Хөгжлийн бодлого, төлөвлөлт, түүний удирдлагын тухай хууль, Өрийн удирдлагын тухай хууль, Төр, хувийн хэвшлийн түншлэлийн тухай хууль, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль, Төрийн хэмнэлтийн тухай хууль, энэ хууль болон эдгээр хуультай нийцүүлэн гаргасан хууль тогтоомжийн бусад актаас бүрдэнэ.

0 0 0

2.2.Монгол Улсын олон улсын гэрээнд энэ хуульд зааснаас өөрөөр заасан бол олон улсын гэрээний заалтыг дагаж мөрдөнө.

0 0 0

3 дугаар зүйл. Хуулийн үйлчлэх хүрээ

0 0 0

3.1.Энэ хууль нь төсвийн хөрөнгө оруулалтын төслийг үнэлэх, эрэмбэлэн сонгох замаар оновчтой төлөвлөх, төслийн хэрэгжилт, санхүүжилт, хяналт, тайлагналт болон хөрөнгийн удирдлага, ашиглалтыг үр дүнтэй хэрэгжүүлэхтэй холбогдсон харилцаанд үйлчилнэ.

0 0 0

3.2.Улсын болон орон нутгийн төсөв, орон нутгийн хөгжлийн сан, гадаад зээл, тусламж, төр, хувийн хэвшлийн түншлэлд хамаарах төсвийн хөрөнгө оруулалтын удирдлагын болон Төсвийн хөрөнгө оруулалтын удирдлагын сангийн харилцааг энэ хуулиар зохицуулах ба энэ хуулиар зохицуулаагүй харилцааг бусад хуулиар зохицуулна.

0 0 0

3.3.Төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтыг төсвийн хөрөнгө оруулалтын мэдээллийн нэгдсэн санд бүртгүүлэх, мэдээлэл хүргүүлэхтэй холбогдсон харилцааг энэ хуулиар зохицуулна.

0 0 0

3.4.Төсвийн хөрөнгө оруулалтын төслийн худалдан авах ажиллагааг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулиар, төрийн нууцад хамаарах төсвийн хөрөнгө оруулалтын харилцааг холбогдох хууль тогтоомжоор зохицуулна.

0 0 0

3.5.Төсвийн хөрөнгө оруулалтын удирдлагын төлөвлөлт, хэрэгжилт болон тайлагналтын цаглаврыг энэ хуулиар, бусад харилцаанд мөрдөх цаглаврыг Төсвийн тухай хуулиар зохицуулна.

0 0 0

3.6.Төсвийн хөрөнгө оруулалтын удирдлагыг хэрэгжүүлэхээс бусад хөрөнгө оруулалтын харилцаанд энэ хууль үйлчлэхгүй.

0 0 0

4 дүгээр зүйл. Нэр томьёоны тодорхойлолт

0 0 0

4.1.Энэ хуульд хэрэглэсэн дараах нэр томьёог доор дурдсан утгаар ойлгоно:

0 0 0

4.1.1.“ашиглагч” гэж төсвийн хөрөнгө оруулалтаар бий болох, эсхүл бий болсон эдийн болон эдийн бус хөрөнгийг холбогдох хуульд заасны дагуу, гэрээний үндсэн дээр, тогтоосон зориулалт, хугацаагаар ашиглах эрх бүхий хүн, хуулийн этгээдийг;

0 0 0

4.1.2.“гадаад зээлийн гэрээ” гэж төсвийн хөрөнгө оруулалтын төслийг гадаад зээлийн хөрөнгөөр хэрэгжүүлэх зорилгоор Монгол Улсын Засгийн газар болон гадаад улс, олон улсын байгууллага, гадаад улсын болон олон улсын банк, санхүүгийн байгууллага хооронд Олон улсын гэрээний тухай хуулийн 3.1.1-д заасны дагуу байгуулсан зээлийн ерөнхий болон тусгайлсан гэрээг;

0 0 0

4.1.3.“гадаад тусламжийн гэрээ” гэж хөгжлийн хамтын ажиллагааны хүрээнд буцалтгүй тусламж, техник туслалцааны хөрөнгөөр төсөл, арга хэмжээг хэрэгжүүлэх зорилгоор Монгол Улсын Засгийн газар болон гадаад улсын Засгийн газар, олон улсын байгууллага, олон улсын банк, санхүүгийн байгууллага, хөгжлийн түнш хооронд Олон улсын гэрээний тухай хууль болон холбогдох бусад хууль тогтоомжийн дагуу байгуулсан гэрээ, хэлэлцээрийг;

0 0 0

4.1.4.“гүйцэтгэгч” гэж захиалагчтай байгуулсан төсвийн хөрөнгө оруулалтын төсөл хэрэгжүүлэх гэрээний дагуу бараа нийлүүлэх, ажил гүйцэтгэх, үйлчилгээ үзүүлэх үүрэг хүлээсэн хүн, хуулийн этгээдийг;

0 0 0

4.1.5.“зөвлөх үйлчилгээ” гэж төсвийн хөрөнгө оруулалтын төслийн төлөвлөлт, хэрэгжилт, санхүүжилт, хяналт, тайлагналт болон хөрөнгийн удирдлага, ашиглалтын талаар мэргэжлийн мэдлэг, ур чадвар, туршлагад суурилан зөвлөгөө өгөх, дүн шинжилгээ хийх, баримт бичиг боловсруулах, сургалт зохион байгуулах зэргээр захиалагч, гүйцэтгэгчид гэрээний үндсэн дээр үзүүлж байгаа мэргэжлийн үйлчилгээг;

0 0 0

4.1.6.“их засвар” гэж хөрөнгийн үндсэн хийц, бүтээц, систем, зангилааг сэргээн засварлах, шинэчлэх, солих замаар ашиглалтын хэвийн нөхцөл, аюулгүй байдал, ашиглалтын хугацааг сэргээх цогц ажлыг;

0 0 0

4.1.7.“их өгөгдөл” гэж төрөл бүрийн эх сурвалжаас өндөр хурдтай, их хэмжээ, өргөн цар хүрээтэйгээр үүсдэг бөгөөд өгөгдөл, статистикт суурилсан дүн шинжилгээ, шийдвэр гаргалтад ашиглах боломж бүхий мэдээллийн цогцыг;

0 0 0

4.1.8.“нийгмийн ач холбогдол, эдийн засгийн үр ашиг” гэж төсвийн хөрөнгө оруулалтын төслийг хэрэгжүүлсний үр дүнд нийгэм, эдийн засаг болон бусад салбарт бий болох үр өгөөжийг мөнгөн болон мөнгөн бус хэлбэрээр хэмжиж, үнэлсэн нэгдсэн дүнг;

0 0 0

4.1.9.“техникийн хяналт” гэж төсвийн хөрөнгө оруулалтын төслийг зураг төсөл, төсөв, холбогдох норм, норматив, техникийн баримт бичиг болон гэрээнд заасны дагуу хэрэгжүүлж байгаа эсэхэд хяналт тавих, шаардлагатай арга хэмжээг авч хэрэгжүүлэх үйл ажиллагааг;

0 0 0

4.1.10.“техник, эдийн засгийн үндэслэл” гэж төсвийн хөрөнгө оруулалтын төслийг хэрэгжүүлэх боломж, технологийн шийдэл, байршил, хүчин чадал, нийт санхүүжилтийн хэмжээ, эдийн засгийн үр ашиг, нийгмийн ач холбогдол, байгаль орчны нөлөөлөл, эрсдэлийг үнэлж тооцсон, хөрөнгө оруулалтын шийдвэр гаргахад ашиглагдах судалгаа, шинжилгээнд суурилсан баримт бичгийн бүрдлийг;

0 0 0

4.1.11.“тоног төхөөрөмж” гэж нэг жилээс дээш хугацаанд ашиглах, төслийн зорилго, хүчин чадал, үйл ажиллагааг хангах зориулалттай машин, техник хэрэгсэл, төхөөрөмж, программ хангамж болон тэдгээрийн салшгүй бүрдэл, дагалдах хэрэгслийг;

0 0 0

4.1.12.“төсвийн хөрөнгө оруулалт” гэж төрөөс хөгжлийн бодлого, төлөвлөлтийн баримт бичигт тусгасан зорилго, зорилтыг хангах, нийгэм, эдийн засгийн дэд бүтцийг бүрдүүлэх, сайжруулах, төрийн үйлчилгээний чанар, хүртээмжийг нэмэгдүүлэх зорилгоор төсвийн эх үүсвэрийг төсвийн хөрөнгө оруулалтын төсөлд хуваарилан зарцуулах үйл ажиллагааг;

0 0 0

4.1.13.“төсвийн хөрөнгө оруулалтын мэдээллийн сан” /цаашид “мэдээллийн сан” гэх/ гэж төсвийн хөрөнгө оруулалтын өгөгдөл, мэдээллийг төвлөрүүлсэн мэдээллийн цогцыг;

0 0 0

4.1.14.“төсвийн хөрөнгө оруулалтын төсөл” гэж хөгжлийн бодлого, төлөвлөлтийн баримт бичигт тусгагдсан зорилго, зорилтыг хэрэгжүүлэх, нийгэм, эдийн засгийн дэд бүтцийг бүрдүүлэх, сайжруулахад болон төрийн чиг үүргийг хангахад шаардлагатай чадавхыг бий болгох, хөгжүүлэх зорилгоор төсвийн хөрөнгөөр санхүүжиж, үндсэн хөрөнгө бий болгох, сайжруулахад чиглэсэн, тодорхой хугацаанд хэрэгжих төслийг;

0 0 0

4.1.15.“төсвийн хөрөнгө оруулалтын удирдлага” гэж төсвийн хөрөнгө оруулалтын төслийг төлөвлөх, санхүүжүүлэх, хэрэгжүүлэх, хянах, тайлагнах болон хөрөнгийн удирдлага, ашиглалт, үр өгөөжийг тооцох, нэгдсэн удирдлагаар үр дүнтэй хэрэгжүүлэх үйл ажиллагааг;

0 0 0

4.1.16.“төсвийн хөрөнгө оруулалтын удирдлагын цахим систем” /цаашид “цахим систем” гэх/ гэж мэдээллийн технологид суурилсан төсвийн хөрөнгө оруулалтын удирдлагыг хэрэгжүүлэх, өгөгдөл цуглуулах, боловсруулах, дүн шинжилгээ хийх, төсвийн хөрөнгө оруулалтын үйл ажиллагаанд оролцогч талуудын мэдээлэл солилцох, хадгалах, нийтэд ил тод мэдээлэхэд ашиглах, шийдвэр гаргахад дэмжлэг үзүүлэх зорилго бүхий программ хангамж, техник хангамжийн нэгдлийг;

0 0 0

4.1.17.“төслийн гүйцэтгэл” гэж төслийн зураг төсөл, төсөв, төлөвлөгөө болон гэрээнд заасан ажил, бараа, үйлчилгээний биет хэмжээ, чанар, үе шат, хугацааны хэрэгжилтийг эрх бүхий этгээд хянан, холбогдох баримт бичгээр баталгаажуулсныг;

0 0 0

4.1.18.“төслийн нийт зардал” гэж хөрөнгийн зардал, төсөлд ашиглагдах тоног төхөөрөмжийн зардал болон төслийн ашиглалтын үеийн урсгал зардлыг;

0 0 0

4.1.19.“төсөвт өртөг” гэж төсвийн хөрөнгө оруулалтын төслийг зорилгод нь нийцүүлэн, хамрах хүрээтэй нь уялдуулан, баталсан хугацаанд нь хэрэгжүүлэхэд шаардагдах нийт санхүүжилтийн хэмжээг тооцож тогтоосон дүнг;

0 0 0

4.1.20.“төсөл хэрэгжүүлэгч байгууллага” гэж гадаад зээл, тусламжийн гэрээ, хэлэлцээр болон төслийн баримт бичигт заасны дагуу гадаад зээл, тусламжийн төслийн хэрэгжилтийг хариуцах эрх бүхий байгууллагыг;

0 0 0

4.1.21.“төсөл хэрэгжүүлэх гэрээ” гэж төсөл хэрэгжүүлэх зорилгоор захиалагч болон гүйцэтгэгчийн хооронд байгуулсан ажлын даалгавар, гүйцэтгэл, санхүүжилт, хугацаа, хариуцлага, хяналт, бусад нөхцөлийг тодорхойлсон гэрээг;

0 0 0

4.1.22.“үр өгөөж” гэж төсвийн хөрөнгө оруулалтын төслийг хэрэгжүүлснээр нийгэм, эдийн засгийн хөгжилд шууд болон шууд бусаар бий болох эерэг үр дүн, ашиг тусыг;

0 0 0

4.1.23.“хөгжлийн түнш” гэж хөгжлийн хамтын ажиллагааны хүрээнд нийгэм, эдийн засгийн хөгжлийг дэмжих зорилгоор Монгол Улсад зээл, тусламж олгож байгаа түнш орон, олон улсын байгууллагыг.

0 0 0

5 дугаар зүйл. Төсвийн хөрөнгө оруулалтын удирдлагын зарчим

0 0 0

5.1.Төсвийн хөрөнгө оруулалтын удирдлагыг хэрэгжүүлэхэд Төсвийн тогтвортой байдлын тухай хууль, Төсвийн тухай хуульд заасан зарчмаас гадна доор дурдсан зарчмыг баримтална:

0 0 0

5.1.1.нийцлийн зарчим;

0 0 0

5.1.2.үр ашигтай байх зарчим;

0 0 0

5.1.3.эрэмбийн зарчим;

0 0 0

5.1.4.үр дүнтэй байх зарчим;

0 0 0

5.1.5.ил тод байдлын зарчим;

0 0 0

5.1.6.хяналтын зарчим;

0 0 0

5.1.7.хариуцлагатай байх зарчим;

0 0 0

5.1.8.цахим удирдлагын зарчим

0 0 0

5.1.9.оновчтой төлөвлөлтийн зарчим;

0 0 0

5.1.10.хөрөнгийн үр өгөөжийг хадгалах зарчим;

0 0 0

5.1.11.ногоон санхүүжилтийн зарчим;

0 0 0

5.1.12.тэгш, хүртээмжтэй байх зарчим.

0 0 0

5.2.Энэ хуулийн 5.1-д заасан зарчмыг дараах байдлаар хэрэгжүүлнэ:

0 0 0

5.2.1.төсвийн хөрөнгө оруулалтыг Монгол Улсын Үндсэн хууль, хөгжлийн бодлого, төлөвлөлтийн баримт бичиг, энэ хууль болон холбогдох бусад хууль тогтоомжид нийцүүлэн төлөвлөж, энэ хуулийн 5.1.1-д заасан нийцлийн зарчмыг хэрэгжүүлэх;

0 0 0

5.2.2.төсвийн хөрөнгө оруулалтын төслийг хэрэгжүүлсний үр дүнд бий болох эдийн засгийн үр ашиг, нийгмийн ач холбогдлыг бодитой үнэлэгдэхүйц байхаар төлөвлөж, энэ хуулийн 5.1.2-т заасан үр ашигтай байх зарчмыг хэрэгжүүлэх;

0 0 0

5.2.3.үргэлжлүүлэх буюу он дамжин хэрэгжиж байгаа төсвийн хөрөнгө оруулалтын төслийг улсын болон орон нутгийн төсвийн төсөлд тэргүүн ээлжид тусгах замаар энэ хуулийн 5.1.3-т заасан эрэмбийн зарчмыг хэрэгжүүлэх;

0 0 0

5.2.4.төсвийн хөрөнгө оруулалтын төслийг төсөл хэрэгжүүлэх гэрээнд заасан хугацаанд нь чанартай, төсөвт өртөгт багтаан хариуцлагатай, үр дүнтэй хэрэгжүүлж дуусгах байдлаар энэ хуулийн 5.1.4-т заасан үр дүнтэй байх зарчмыг хэрэгжүүлэх;

0 0 0

5.2.5.төсвийн хөрөнгө оруулалтын бүх үе шатанд олон нийтийн оролцоог хангаж, төлөвлөлт, хэрэгжилт, санхүүжилт, хяналт, тайлагналт, хөрөнгийн удирдлага, ашиглалтын талаарх төрийн нууцад хамаарахаас бусад мэдээллийн ил тод, нээлттэй байдлыг бүрдүүлэх байдлаар энэ хуулийн 5.1.5-д заасан ил тод байдлын зарчмыг хэрэгжүүлэх;

0 0 0

5.2.6.төсвийн хөрөнгө оруулалтад захиалагчийн хяналт, захиалагчийн техникийн болон зураг төсөл зохиогчийн хяналт, хөндлөнгийн хяналт, үнэлгээ, дотоод болон хөндлөнгийн аудитын тогтолцоог бүрдүүлэх байдлаар энэ хуулийн 5.1.6-д заасан хяналтын зарчмыг хэрэгжүүлэх;

0 0 0

5.2.7.төсвийн хөрөнгө оруулалтын удирдлагын харилцаанд оролцогч эрх бүхий албан тушаалтан, албан хаагч, мэргэжилтэн нь хуульд заасан бүрэн эрх, чиг үүргээ төсвийн сахилга бат, мэргэжлийн ёс зүйг баримтлан, хууль ёсны дагуу, ашиг сонирхлын зөрчилгүй, авлигаас ангид, хараат бус, бие даан гүйцэтгэж, санхүүгийн хариуцлагыг чанд баримтлах замаар энэ хуулийн 5.1.7-д заасан хариуцлагатай байх зарчмыг хэрэгжүүлэх;

0 0 0

5.2.8.төсвийн хөрөнгө оруулалтыг их өгөгдөл, дижитал дэд бүтцэд тулгуурлан, шаардлагатай тохиолдолд хиймэл оюуныг шийдвэр гаргахад дэмжих хэрэгсэл болгон ашиглаж, цахим системээр төлөвлөх, хэрэгжүүлэх, санхүүжүүлэх, хянах, тайлагнах, хөрөнгийн удирдлага, ашиглалтыг тооцох байдлаар энэ хуулийн 5.1.8-д заасан цахим удирдлагын зарчмыг хэрэгжүүлэх;

0 0 0

5.2.9.нийтийн зориулалттай бус, хувийн хэвшил бие даан хэрэгжүүлэх боломжтой буюу ашиг олох зорилготой, улс, орон нутгийн өмчид бүртгэх боломжгүй төслийг төсвийн хөрөнгө оруулалтаар санхүүжүүлэхгүй, төлөвлөлтөд тусгахгүй байх замаар энэ хуулийн 5.1.9-д заасан оновчтой төлөвлөлтийн зарчмыг хэрэгжүүлэх;

0 0 0

5.2.10.төсвийн хөрөнгө оруулалтаар бий болсон хөрөнгийг төрийн болон орон нутгийн өмчид бүртгэж, ашиглалтын хэвийн нөхцөлийг хангах, засвар үйлчилгээг тогтмол хийх, хөрөнгийн үр өгөөжийг тооцох байдлаар энэ хуулийн 5.1.10-т заасан хөрөнгийн үр өгөөжийг хадгалах зарчмыг хэрэгжүүлэх;

0 0 0

5.2.11.төсвийн хөрөнгө оруулалтын төслийг байгаль орчинд ээлтэй, ногоон хөгжлийг дэмжсэн, хүрээлэн байгаа орчинд үзүүлэх сөрөг нөлөөллийг бууруулахаар төлөвлөж, хэрэгжүүлэх, санхүүжүүлэх байдлаар энэ хуулийн 5.1.11-д заасан ногоон санхүүжилтийн зарчмыг хэрэгжүүлэх;

0 0 0

5.2.12.төсвийн хөрөнгө оруулалтын удирдлагын хүрээнд төслийг төлөвлөх, санхүүжүүлэх, хэрэгжүүлэх бүх үе шатанд олон нийтийн оролцоо, тэгш боломжийг хангах, нийгмийн бүлгийн ялгаатай хэрэгцээг харгалзах байдлаар энэ хуулийн 5.1.12-т заасан тэгш, хүртээмжтэй байх зарчмыг хэрэгжүүлэх.

0 0 0

5.3.Төсвийн хөрөнгө оруулалтын үйл ажиллагаанд оролцогч аливаа этгээд нь төсвийн хөрөнгө оруулалтын удирдлагын зарчмыг мөрдөж, хэрэгжүүлэх үүрэгтэй.

0 0 0

Тайлбар: - Энэ зүйлийн 5.2.11-д заасан “ногоон санхүүжилт” гэж Уур амьсгалын өөрчлөлтийн тухай хуулийн 4.1.8-д заасныг ойлгоно.

0 0 0

6 дугаар зүйл. Төсвийн хөрөнгө оруулалтын үе шат

0 0 0

6.1.Төсвийн хөрөнгө оруулалтын удирдлагыг дараах үе шатаар хэрэгжүүлнэ:

0 0 0

6.1.1.төслийн бэлтгэл ажлыг хангах буюу төслийн төлөвлөлтийн үе шат;

0 0 0

6.1.2.төслийн хэрэгжилтийн үе шат;

0 0 0

6.1.3.төслийн санхүүжилтийн үе шат;

0 0 0

6.1.4.төслийн хэрэгжилтийн хяналт, тайлагналтын үе шат;

0 0 0

6.1.5.төсвийн хөрөнгө оруулалтын үр дүнд бий болсон өмч, хөрөнгийн удирдлагыг хэрэгжүүлэх, үр өгөөжийг тооцох, ашиглалтыг удирдах буюу өмч, хөрөнгийн удирдлага, ашиглалтын үе шат.

0 0 0

6.2.Төлөвлөлтийн үе шатанд олон нийтийн саналыг авах, хэрэгцээ, шаардлагыг тодорхойлох, төслийн ангилал, төрөлтэй уялдуулан нийгмийн ач холбогдол, эдийн засгийн үр ашгийн шинжилгээ хийх, техник, эдийн засгийн үндэслэл, зураг төслийг боловсруулах, төсөвт өртгийг тооцох, улс, бүс, орон нутгийн хөгжлийн бодлого, төлөвлөлтөд нийцүүлэн, санхүүжилтийн эх үүсвэрийг оновчтой тодорхойлж, үнэлж эрэмбэлсний дагуу төсвийн төсөлд тусгана.

0 0 0

6.3.Хэрэгжилтийн үе шатанд төсвийн хөрөнгө оруулалтаар батлагдсан төслийн эрх шилжүүлэх, багц хуваарилах, худалдан авах ажиллагааг зохион байгуулах, төсөл хэрэгжүүлэх гэрээ байгуулах, гэрээний хэрэгжилтийг хангах бөгөөд төслийн хэрэгжилтийн явцад захиалагчийн хяналт, захиалагчийн техникийн болон зураг төсөл зохиогчийн хяналт тавина.

0 0 0

6.4.Санхүүжилтийн үе шатанд гүйцэтгэгч, захиалагчийн хүсэлтээр төслийн санхүүжилтийг улсын төсөв, бусад эх үүсвэрээс батлагдсан төлөвлөгөөг баримтлан гэрээний гүйцэтгэлд үндэслэн гүйцэтгэгчид шилжүүлнэ.

0 0 0

6.5.Хяналт, тайлагналтын үе шатанд төсөл нь төсөл хэрэгжүүлэх гэрээ, ажлын даалгавар, зураг төсөл, холбогдох норм, нормативын баримт бичгийн дагуу хэрэгжиж байгаа эсэхийг тухай бүр хянах, шалгах, төсвийн ерөнхийлөн захирагч, захиалагчаас төслийн хэрэгжилт, гүйцэтгэлийн талаарх мэдээ, тайланг энэ хуульд заасны дагуу эрх бүхий байгууллагад хүргүүлэх бөгөөд төсөлд хяналт-шинжилгээ, үнэлгээ хийнэ.

0 0 0

6.6.Өмч, хөрөнгийн удирдлага, ашиглалтын үе шатанд төсвийн хөрөнгө оруулалтаар бий болсон хөрөнгийг ашиглалтад оруулах, ашиглах, төрийн болон орон нутгийн өмчид бүртгэх, ашиглагч байгууллагад шилжүүлэх, өмч, хөрөнгөд засвар, үйлчилгээ хийх бөгөөд хөрөнгийн үр өгөөжийг тооцож үнэлнэ.

0 0 0

7 дугаар зүйл. Төсвийн хөрөнгө оруулалтын төслийн ангилал, төрөл

0 0 0

7.1.Төсвийн хөрөнгө оруулалтын төслийг төсөвт өртөг, хэрэгжих хугацаанд үндэслэн дараах байдлаар ангилна:

0 0 0

№	Төслийн ангилал	Төсөвт өртөг /төгрөг/	Хэрэгжих хугацаа /жил/
1.	I ангилал буюу жижиг	5 тэрбум хүртэл	Хоёр хүртэл
2.	II ангилал буюу дунд	5 тэрбумаас дээш 20 тэрбум хүртэл	Гурав хүртэл
3.	III ангилал буюу том	20 тэрбумаас дээш 100 тэрбум хүртэл	Дөрөв хүртэл
4.	IV ангилал буюу хөгжлийн	100 тэрбумаас дээш 350 тэрбум хүртэл	Тав хүртэл
5.	V ангилал буюу мега	350 тэрбумаас дээш	Таваас дээш

0 0 0

7.2.Энэ хуулийн 7.1-д заасан төслийн ангиллыг тогтооход төсөвт өртөг болон төсөл хэрэгжих хугацааны хувьд зөрүү үүсэх тохиолдолд төсөвт өртгийг үндэслэнэ.

0 0 0

7.3.Төсвийн хөрөнгө оруулалтын төсөл нь дараах төрөлтэй байна:

0 0 0

7.3.1.боловсрол, эрүүл мэнд, соёл, спорт, байгаль орчин, нийгмийн хамгаалал зэрэг хүний хөгжлийг дэмжих, төрийн үйлчилгээний чанар, хүртээмжийг сайжруулахад чиглэсэн нийгмийн салбарын төсөл;

0 0 0

7.3.2.барилга, хот байгуулалт, эрчим хүч, зам, тээвэр, усан хангамж, ариутгах татуурга, харилцаа холбоо, инженерийн шугам сүлжээ, шинжлэх ухаан, цахим хөгжил, инновац, аялал жуулчлал, хүнс, хөдөө аж ахуй, хөнгөн болон хүнд аж үйлдвэр зэрэг эдийн засгийн салбарын төсөл;

0 0 0

7.3.3.үндэсний болон хүн амын аюулгүй байдлыг хангах, батлан хамгаалах, онцгой байдал, гадаад бодлогыг хэрэгжүүлэх зорилго бүхий аюулгүй байдал, гадаад бодлогын салбарын төсөл;

0 0 0

7.3.4.шүүх засаглал, хууль зүй, дотоод хэрэг, төрийн бодлого боловсруулж, хэрэгжүүлэх үйл ажиллагааг захиргааны удирдлага, зохион байгуулалтаар хангахад чиглэсэн төрийн захиргааны салбарын төсөл.

0 0 0

Тайлбар: - Энэ зүйлийн 7.1 дэх хэсгийн хүснэгтийн 5-д бичигдсэн “мега төсөл” гэж улсын нийгэм, эдийн засгийн хөгжилд стратегийн ач холбогдол бүхий, урт хугацаанд олон салбарыг хамран хэрэгжих, олон улсын болон үндэсний түвшний, техник, эдийн засгийн үндэслэлээр баталгаажсан төслийг ойлгоно.

0 0 0

8 дугаар зүйл. Төсвийн хөрөнгө оруулалтад хориглох зүйл

0 0 0

8.1.Энэ хуулийн 20 дугаар зүйлд заасан төсөлд тавигдах нийтлэг шаардлагыг хангаагүй төслийг төсвийн хөрөнгө оруулалтаар хэрэгжүүлэхээр төлөвлөх, төсвийн төсөлд тусгах, хэрэгжүүлэх, санхүүжүүлэхийг хориглоно.

0 0 0

8.2.Хуульд өөрөөр заагаагүй бол төсвийн хөрөнгө оруулалтаар төсөл төлөвлөх, батлах, хэрэгжүүлэх, зөвлөх үйлчилгээ, инженер-геологи, зураг төслийн ажлыг өр төлбөр үүсгэх байдлаар боловсруулах, санхүүжилтийг давхардуулан олгохыг хориглоно.

0 0 0

8.3.Энэ хуулийн 38, 39 дүгээр зүйлд зааснаас бусад тохиолдолд төсвийн хөрөнгө оруулалтын төслийн код, нэр, хүчин чадал, байршил, зориулалтыг өөрчлөх, төслийн санхүүжилтийг эдийн засгийн ангилал хооронд шилжүүлэх, батлагдсан төсөвт өртгийн хэмжээнээс хэтрүүлсэн дүнгээр худалдан авах ажиллагаа зарлах, зохион байгуулах, гэрээ байгуулах, санхүүжүүлэхийг хориглоно.

0 0 0

8.4.Хуульд өөрөөр заагаагүй бол энэ хуульд заасан төслийн ангиллаас хамааран техник, эдийн засгийн үндэслэл, эсхүл нийгмийн ач холбогдол, эдийн засгийн үр ашгийн шинжилгээ, зураг төсөл, төсөв хийгдээгүй, хуульд заасан баримт бичгийн бүрдэл хангаагүй, холбогдох зөвшөөрөл аваагүй тохиолдолд гэрээ байгуулах, санхүүжилт олгохыг хориглоно.

0 0 0

8.5.Хуульд өөрөөр заагаагүй бол төслийн худалдан авах ажиллагааг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн дагуу зохион байгуулаагүй тохиолдолд төсвөөс санхүүжүүлэхийг хориглоно.

0 0 0

8.6.Энэ хуулийн 39 дүгээр зүйлд зааснаас бусад тохиолдолд төсвийн хөрөнгө оруулалтын төсөлд төсвөөс нэмэлт санхүүжилт төлөвлөх, олгохыг хориглоно.

0 0 0

8.7.Түүх, соёлын дурсгалт зүйлийн эх төрх, бүрэн бүтэн байдал, хийц бүтээц, түүх, соёл, шинжлэх ухааны үнэ цэн, ач холбогдлыг алдагдуулах, бууруулах төслийг төсвийн хөрөнгө оруулалтаар санхүүжүүлэхийг хориглоно.

0 0 0

8.8.Олон улсын гэрээнд өөрөөр заасан тохиолдолд гадаад зээл, тусламжийн хөрөнгөөр хэрэгжүүлэх төслийн хувьд энэ хуулийн 8.4, 8.5 дахь хэсэг хамаарахгүй.

0 0 0

ХОЁРДУГААР БҮЛЭГ. ТӨСВИЙН ХӨРӨНГӨ ОРУУЛАЛТЫН УДИРДЛАГЫН ТАЛААРХ ТӨРИЙН БАЙГУУЛЛАГЫН БҮРЭН ЭРХ, ЧИГ ҮҮРЭГ

0 0 0

9 дүгээр зүйл. Улсын Их Хурлын бүрэн эрх

0 0 0

9.1.Улсын Их Хурал төсвийн хөрөнгө оруулалтын удирдлагын талаар дараах бүрэн эрхийг хэрэгжүүлнэ:

0 0 0

9.1.1.хөгжлийн бодлого, төлөвлөлтийн баримт бичиг батлахад энэ хуулийн 18.3-т зааснаар төсвийн хөрөнгө оруулалтын тэргүүлэх салбарыг тогтоох;

0 0 0

9.1.2.тухайн жилийн төсвийн төслийг хэлэлцэн батлахад шаардлагатай гэж үзвэл төсвийн хөрөнгө оруулалтын бүх эх үүсвэрээр хэрэгжүүлэх төслийн нэгдсэн мэдээлэл, төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын мэдээлэлтэй танилцах, чиглэл өгөх;

0 0 0

9.1.3.тухайн жилийн төсвийн төсөл, төсвийн гүйцэтгэлийг хэлэлцэхэд шаардлагатай гэж үзвэл төсвийн хөрөнгө оруулалтын бүх эх үүсвэрээр хэрэгжүүлсэн төслийн нэгдсэн мэдээлэл болон төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын хэрэгжилт, үр дүнгийн талаарх мэдээлэлтэй танилцах, чиглэл өгөх.

0 0 0

10 дугаар зүйл. Засгийн газрын бүрэн эрх

0 0 0

10.1.Засгийн газар төсвийн хөрөнгө оруулалтын удирдлагын талаар дараах бүрэн эрхийг хэрэгжүүлнэ:

0 0 0

10.1.1.төсвийн ерөнхийлөн захирагчийн тухайн жилийн батлагдсан төсвийн багцын дүнд багтаан хөрөнгийн зохицуулалт хийх;

0 0 0

10.1.2.төсвийн хөрөнгө оруулалтын бүх эх үүсвэрээр хэрэгжүүлэх төслийн нэгдсэн мэдээлэл болон төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын мэдээллийг тухайн жилийн төсвийн төслийн танилцуулгад тусгаж, Улсын Их Хуралд танилцуулах;

0 0 0

10.1.3.төсвийн хөрөнгө оруулалтын бүх эх үүсвэрээр хэрэгжүүлсэн төслийн нэгдсэн мэдээлэл болон төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын хэрэгжилт, үр дүнгийн талаарх мэдээллийг тухайн жилийн төсвийн гүйцэтгэлийн танилцуулгад тусгаж, Улсын Их Хуралд танилцуулах;

0 0 0

10.1.4.төсвийн хөрөнгө оруулалтын удирдлагын үйл ажиллагааны журмыг батлах;

0 0 0

10.1.5.төсвийн хөрөнгө оруулалтын удирдлагын сангийн үйл ажиллагааны журмыг батлах.

0 0 0

10.2.Энэ хуулийн 10.1.4-т заасан төсвийн хөрөнгө оруулалтын удирдлагын үйл ажиллагааны журмаар дараах харилцааг зохицуулна:

0 0 0

10.2.1.төсвийн хөрөнгө оруулалтын төслийн техник, эдийн засгийн үндэслэл, зураг төсөл, суурь судалгааны ажлын даалгавар боловсруулах, гүйцэтгүүлэх, хүлээн авах, баталгаажуулах;

0 0 0

10.2.2.улсын болон орон нутгийн төсвийн хөрөнгө оруулалтаар хэрэгжүүлэх төслийг шаталсан үнэлгээгээр үнэлж эрэмбэлэх;

0 0 0

10.2.3.төсвийн хөрөнгө оруулалтын төслийг хэрэгжүүлэх, санхүүжүүлэх, төслийн хэрэгжилтэд хяналт тавих, хяналт хэрэгжүүлэгчид тавигдах шаардлага, чиг үүргийг тогтоох;

0 0 0

10.2.4.төсвийн хөрөнгө оруулалтын төслийг хэрэгжүүлэх, санхүүжүүлэх, хяналт тавих, тайлагнах, цахим системээр хэрэгжүүлэх;

0 0 0

10.2.5.гадаад зээл, тусламжийн хөрөнгөөр төсөл төлөвлөх, хэрэгжүүлэх, зохион байгуулах, санхүүжүүлэх, хяналт тавих, үнэлэх, тайлагнах, цахим системээр хэрэгжүүлэх;

0 0 0

10.2.6.энэ хуульд заасны дагуу хөрөнгийн зохицуулалт хийх;

0 0 0

10.2.7.төсвийн хөрөнгө оруулалтын төслийн үр дүн, хөрөнгийн үр өгөөжийг тооцох, үнэлэх;

0 0 0

10.2.8.төслийн гүйцэтгэгчийг үнэлэх, бүртгэх, урамшуулах;

0 0 0

10.2.9.цахим системийн удирдлагыг хэрэгжүүлэх.

0 0 0

10.3.Засгийн газар нь төсвийн хөрөнгө оруулалтын үйл ажиллагаанд салбар хоорондын уялдааг нэгдсэн удирдлагаар хангаж ажиллана.

0 0 0

11 дүгээр зүйл. Санхүү, төсвийн асуудал эрхэлсэн Засгийн газрын гишүүний бүрэн эрх

0 0 0

11.1.Санхүү, төсвийн асуудал эрхэлсэн Засгийн газрын гишүүн төсвийн хөрөнгө оруулалтын удирдлагын талаар дараах бүрэн эрхийг хэрэгжүүлнэ:

0 0 0

11.1.1.улсын хэмжээнд төсвийн хөрөнгө оруулалтын үйл ажиллагааг нэгдсэн удирдлага, зохицуулалтаар хангах;

0 0 0

11.1.2.төсвийн хөрөнгө оруулалтын удирдлага, зохицуулалтыг боловсронгуй болгох талаар санал боловсруулан, эрх бүхий байгууллагаар шийдвэрлүүлэх;

0 0 0

11.1.3.улсын төсвийн хөрөнгө оруулалтаар багц дүнгээр батлагдсан төсвийг хуваарилах шийдвэрийг салбарын асуудал эрхэлсэн Засгийн газрын гишүүнтэй хамтран гаргах;

0 0 0

11.1.4.төслийн нийгмийн ач холбогдол, эдийн засгийн үр ашиг, төсвийн эрсдэлийн үнэлгээ тооцох журам, аргачлалыг батлах.

0 0 0

12 дугаар зүйл. Эдийн засаг, хөгжлийн асуудал эрхэлсэн төрийн захиргааны төв байгууллагын бүрэн эрх

0 0 0

12.1.Эдийн засаг, хөгжлийн асуудал эрхэлсэн төрийн захиргааны төв байгууллага төсвийн хөрөнгө оруулалтын удирдлагын талаар дараах бүрэн эрхийг хэрэгжүүлнэ:

0 0 0

12.1.1.урт, дунд, богино хугацааны хөгжлийн бодлого, төлөвлөлтийн баримт бичиг боловсруулахад төсвийн хөрөнгө оруулалтын тэргүүлэх салбарыг тусгах;

0 0 0

12.1.2.салбарын асуудал эрхэлсэн төрийн захиргааны төв байгууллагын I, II болон III ангиллын төсөлд техник, эдийн засгийн үндэслэл боловсруулах саналыг энэ хуулийн 23.2, 23.3-т заасны дагуу шийдвэрлэх;

0 0 0

12.1.3.энэ хуулийн 23.4-т заасны дагуу техник, эдийн засгийн үндэслэл боловсруулах зардлын дээд хэмжээг салбарын асуудал эрхэлсэн төрийн захиргааны төв байгууллагатай хамтран тогтоох.

0 0 0

13 дугаар зүйл. Санхүү, төсвийн асуудал эрхэлсэн төрийн захиргааны төв байгууллагын бүрэн эрх

0 0 0

13.1.Санхүү, төсвийн асуудал эрхэлсэн төрийн захиргааны төв байгууллага төсвийн хөрөнгө оруулалтын удирдлагын талаар дараах бүрэн эрхийг хэрэгжүүлнэ:

0 0 0

13.1.1.төсвийн хөрөнгө оруулалтын бодлого, зохицуулалтыг нэгдсэн удирдлагаар хангах, энэ хуулийн хэрэгжилтийг хангаж ажиллах;

0 0 0

13.1.2.төсвийн хөрөнгө оруулалтын төлөвлөлтийг хөгжлийн бодлого, төлөвлөлт, дунд хугацааны төсвийн хүрээний мэдэгдэлтэй нийцүүлэх, санхүүжилтийн эх үүсвэрийн боломж, урсгал зардлын төсөвт үзүүлэх нөлөөлөл, нийгмийн ач холбогдол, эдийн засгийн үр ашгийг харгалзан хөрөнгө оруулалтын төслүүдийг харьцуулан эрэмбэлэх ажлыг нэгтгэн зохион байгуулах;

0 0 0

13.1.3.энэ хуульд заасны дагуу улсын төсвийн хөрөнгө оруулалтын төслийн саналыг үнэлж, эрэмбэлэн тухайн жилийн төсвийн төсөлд тусгах нэгдсэн жагсаалтыг боловсруулах;

0 0 0

13.1.4.төслийг төсвийн төсөлд тусгахад энэ хуулийн 28.5-д заасны дагуу төслийг үргэлжлүүлэх, эсхүл дахин төлөвлөх эсэхийг шийдвэрлэх;

0 0 0

13.1.5.төсвийн хөрөнгө оруулалтын бүх эх үүсвэрээр хэрэгжүүлэх төслийн нэгдсэн мэдээлэл болон төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын мэдээллийг бэлтгэж, тухайн жилийн төсвийн төслийн танилцуулгад тусгах;

0 0 0

13.1.6.төсвийн хөрөнгө оруулалтын бүх эх үүсвэрээр хэрэгжүүлсэн төслийн нэгдсэн мэдээлэл болон төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын хэрэгжилт, үр дүнгийн талаарх мэдээллийг тухайн жилийн төсвийн гүйцэтгэлийн тайлангийн танилцуулгад тусгах;

0 0 0

13.1.7.төсвийн ерөнхийлөн захирагч, төрийн байгууллага, холбогдох бусад этгээдээс төсвийн хөрөнгө оруулалтын төслийг төлөвлөх, хэрэгжүүлэхэд шаардлагатай баримт бичиг, мэдээллийг гаргуулж авах;

0 0 0

13.1.8.цахим системийн удирдлагыг хэрэгжүүлэх, хэвийн үйл ажиллагааг хангах;

0 0 0

13.1.9.тухайн жилийн төсвийн тухай хуулиар батлагдсан төслийн санхүүжилт, хэрэгжилтийг нэгдсэн удирдлага, зохицуулалтаар хангах;

0 0 0

13.1.10.шаардлага хангасан төслийн гүйцэтгэлийн санхүүжилтийн эрхийг нээх, шаардлага хангаагүй төслийн санхүүжилтийг олгохгүй байх;

0 0 0

13.1.11.гадаад зээл, тусламжийн удирдлага зохицуулалтын хүрээнд энэ хуульд заасан бүрэн эрхийг хэрэгжүүлэх;

0 0 0

13.1.12.төсвийн нийт хөрөнгө оруулалтын төслийн үр дүнг тооцох, нэгдсэн тайланг боловсруулах, тайлагнах;

0 0 0

13.1.13.төсвийн хөрөнгө оруулалтын удирдлагын үйл ажиллагааны журмыг боловсруулах, хэрэгжилтийг хангах;

0 0 0

13.1.14.төслийн нийгмийн ач холбогдол, эдийн засгийн үр ашиг, төсвийн эрсдэлийн үнэлгээ болон төслийн үр дүн, хөрөнгийн ашиглалт, түүний үр өгөөжийг тооцох журам, аргачлалыг боловсруулах, хэрэгжилтийг хангах;

0 0 0

13.1.15.төсвийн хөрөнгө оруулалтын удирдлагын санг энэ хуульд зааснаар удирдах, сангийн хөрөнгийн эх үүсвэрийг бүрдүүлэх, зарцуулалтын ил тод байдлыг хангаж, мэдээлэх;

0 0 0

13.1.16.төсвийн хөрөнгө оруулалтын чиглэлээр холбогдох албан тушаалтан, байгууллагад мэргэжил, арга зүйн зөвлөмж, зөвлөгөө өгөх, сургалт, хэлэлцүүлэг зохион байгуулах, чадавхжуулах;

0 0 0

13.1.17.төсвийн ерөнхийлөн захирагч болон төсвийн хөрөнгө оруулалтын асуудал хариуцсан нэгжийн үйл ажиллагаанд хяналт тавих, зохих арга хэмжээ авах, үр дүнг үнэлэх, зөвлөмж, чиглэл өгөх;

0 0 0

13.1.18.төсвийн хөрөнгө оруулалтын бүх эх үүсвэрээр хэрэгжүүлж байгаа төслийн нэгдсэн мэдээлэл болон төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын мэдээллийг нэгтгэх, дүгнэлт гаргах, танилцуулах.

0 0 0

14 дүгээр зүйл. Төсвийн ерөнхийлөн захирагчийн бүрэн эрх

0 0 0

14.1.Төсвийн ерөнхийлөн захирагч төсвийн хөрөнгө оруулалтын удирдлагын талаар Төсвийн тухай хуульд зааснаас гадна дараах бүрэн эрхийг хэрэгжүүлнэ:

0 0 0

14.1.1.төсвийн хөрөнгө оруулалтын үргэлжлүүлэх буюу он дамжин хэрэгжих болон шинээр хэрэгжүүлэх төсөлд энэ хуулийн 27.2.4-т заасны дагуу үнэлгээ хийх, санхүү, төсвийн асуудал эрхэлсэн төрийн захиргааны төв байгууллагад хүргүүлэх;

0 0 0

14.1.2.төслийн төсвийн эрсдэлийн үнэлгээг хийх, тухайн төслийг санхүүжүүлэх хөрөнгийн эх үүсвэр, төслийн нийт зардлыг тооцож, дүгнэлт гаргах;

0 0 0

14.1.3.төслийн хэрэгжилт, санхүүжилт, хяналт, тайлагналт болон өмч, хөрөнгийн удирдлага, ашиглалтыг бүрэн хариуцах;

0 0 0

14.1.4.төслийн санхүүжилтэд хяналт тавих, санхүүжилтийг хянан баталгаажуулах;

0 0 0

14.1.5.төслийн ажлын даалгаврыг батлах, энэ хуулийн 21.3-т заасны дагуу төслийн ажлын даалгавар, зураг төсөл, төсвийг иж бүрэн боловсруулахад хяналт тавих, зураг төсөл, төсөвт энэ хуулийн 26 дугаар зүйлд заасны дагуу зураг төсөл, төсвийг баталгаажуулж, магадлал хийлгэх эсэхийг шийдвэрлэх;

0 0 0

14.1.6.төслийн хэрэгжилтийг хангах, хэрэгжилтэд гүйцэтгэлийн болон захиалагчийн хяналт хэрэгжүүлэх;

0 0 0

14.1.7.тухайн салбарт төсвийн хөрөнгө оруулалтын эх үүсвэрээр хэрэгжүүлж байгаа төслийн холбогдох мэдээллийг хагас жил тутам мэдээллийн нэгдсэн сан, цахим системд бүртгэх, төслийн хэрэгжилтийн явц, үр дүнгийн мэдээлэл, тайланг санхүү, төсвийн асуудал эрхэлсэн төрийн захиргааны төв байгууллагад хүргүүлэх;

0 0 0

14.1.8.төслийг эх үүсвэр давхардуулан төлөвлөхгүй, хэрэгжүүлэхгүй байх;

0 0 0

14.1.9.төслийн үр дүнд бий болсон өмч, хөрөнгийн удирдлага, ашиглалт, хадгалалт, хамгаалалтыг хариуцах;

0 0 0

14.1.10.тухайн салбарт төсвийн хөрөнгө оруулалтын бүх эх үүсвэрээр хэрэгжүүлэх төслийн нэгдсэн мэдээлэл болон төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын мэдээллийг бэлтгэж, тухайн жилийн төсвийн төслийн санал, танилцуулгад тусгах, санхүү, төсвийн асуудал эрхэлсэн төрийн захиргааны төв байгууллагад хүргүүлэх;

0 0 0

14.1.11.тухайн салбарт төсвийн хөрөнгө оруулалтын бүх эх үүсвэрээр хэрэгжүүлсэн төслийн нэгдсэн мэдээлэл болон төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын гүйцэтгэл, үр дүнгийн тайлан, хэрэгжилтийн талаарх мэдээллийг тухайн жилийн төсвийн гүйцэтгэлийн тайлангийн танилцуулгад тусгах, санхүү, төсвийн асуудал эрхэлсэн төрийн захиргааны төв байгууллагад хүргүүлэх;

0 0 0

14.1.12.төсвийн хөрөнгө оруулалтын талаар судалгаа, дүн шинжилгээ хийх, танилцуулга, мэдээлэл бэлтгэх;

0 0 0

14.1.13.энэ хуулийн 23.4-т заасны дагуу техник, эдийн засгийн үндэслэлийн зардлын дээд хэмжээг эдийн засаг, хөгжлийн асуудал эрхэлсэн төрийн захиргааны төв байгууллагатай хамтран тогтоох;

0 0 0

14.1.14.санхүүжилт нь батлагдсан төслийн гүйцэтгэлд захиалагчийг төлөөлж гарын үсэг зурах эрх бүхий албан тушаалтныг томилох, уг шийдвэрийг санхүү, төсвийн асуудал эрхэлсэн төрийн захиргааны төв байгууллагад тухай бүр хүргүүлэх;

0 0 0

14.1.15.тухайн салбарын төсвийн хөрөнгө оруулалтын мэдээллийн нэгдсэн санг цахим системд бүртгэх, тайлагнах, хөрөнгийн удирдлагыг хэрэгжүүлэх, ил тод байдлыг хангах.

0 0 0

15 дугаар зүйл. Аймаг, нийслэл, сум, дүүргийн иргэдийн Төлөөлөгчдийн Хурал, улсын болон орон нутгийн зэрэглэлтэй хот, тосгоны Зөвлөлийн бүрэн эрх

0 0 0

15.1.Аймаг, нийслэл, сум, дүүргийн иргэдийн Төлөөлөгчдийн Хурал, улсын болон орон нутгийн зэрэглэлтэй хот, тосгоны Зөвлөл орон нутгийн төсвийн хөрөнгө оруулалтын удирдлагын талаар дараах бүрэн эрхийг хэрэгжүүлнэ:

0 0 0

15.1.1.орон нутгийн төсвийн хөрөнгө оруулалтаар хэрэгжүүлэх төслийн жагсаалтыг Засаг дарга, улсын болон орон нутгийн зэрэглэлтэй хот, тосгоны Захирагчийн өргөн мэдүүлснээр хэлэлцэж, энэ хуульд заасан зарчим, төсөлд тавигдах нийтлэг шаардлагыг баримтлан Монгол Улсын бүсчилсэн хөгжлийн бодлого, орон нутгийн хөгжлийн бодлого, төлөвлөлтөд нийцүүлэн батлах;

0 0 0

15.1.2.орон нутгийн төсөв болон орон нутгийн хөгжлийн сангийн төсвийг батлах, хэрэгжүүлэхэд энэ хуульд зааснаар Улсын Их Хурлаас өгсөн чиглэлийг баримтлах;

0 0 0

15.1.3.орон нутгийн төсвийн хөрөнгө оруулалтын удирдлагын төлөвлөлт, санхүүжилт, хэрэгжилт, тайлагналт болон хөрөнгийн удирдлага, ашиглалтын үе шатуудад хяналт тавих, хууль тогтоомжийн хэрэгжилтийг хангах;

0 0 0

15.1.4.орон нутгийн төсвийн хөрөнгө оруулалтаар хэрэгжүүлж байгаа төслийн гүйцэтгэл, үр дүнд хяналт тавих, гүйцэтгэлийн тайланг Засаг даргын өргөн мэдүүлснээр хэлэлцэх;

0 0 0

15.1.5.энэ хуулийн 9.1.2, 9.1.3-т заасныг үндэслэн орон нутгийн төсвийн гүйцэтгэл, үр дүнгийн тайлантай холбогдуулан Засаг даргад чиглэл өгөх.

0 0 0

16 дугаар зүйл. Аймаг, нийслэл, сум, дүүргийн Засаг дарга, улсын болон орон нутгийн зэрэглэлтэй хот, тосгоны Захирагчийн бүрэн эрх

0 0 0

16.1.Аймаг, нийслэлийн Засаг дарга, улсын болон орон нутгийн зэрэглэлтэй хот, тосгоны Захирагч төсвийн хөрөнгө оруулалтын удирдлагын талаар дараах бүрэн эрхийг хэрэгжүүлнэ:

0 0 0

16.1.1.улсын төсвийн хөрөнгө оруулалтаар шинээр хэрэгжүүлэх төслийг энэ хуулийн 27.2.3-т заасны дагуу үнэлж, эрэмбэлэн тухайн асуудал эрхэлсэн төсвийн ерөнхийлөн захирагчид хүргүүлэх;

0 0 0

16.1.2.энэ хуулийн 16.1.5-д зааснаас бусад төсвийн хөрөнгө оруулалтаар хэрэгжүүлсэн төсөл, түүний гүйцэтгэлийн талаарх тайлан мэдээллийг нэгтгэх, тайлагнах;

0 0 0

16.1.3.орон нутгийн төсөв, орон нутгийн хөгжлийн сан, аймаг, нийслэлд төр, хувийн хэвшлийн түншлэл, орон нутгийн өмчит болон орон нутгийн өмчийн оролцоотой хуулийн этгээдийн хөрөнгө оруулалтаар хэрэгжүүлэх IV, V ангиллын төслийн танилцуулга, мэдээллийг тухайн төсөлд хамаарах салбарын төсвийн ерөнхийлөн захирагчид хүргүүлэх;

0 0 0

16.1.4.орон нутгийн төсөв, орон нутгийн хөгжлийн сан, аймаг, нийслэлд төр, хувийн хэвшлийн түншлэлээр хэрэгжүүлэх, орон нутгийн өмчит болон орон нутгийн өмчийн оролцоотой хуулийн этгээдийн хөрөнгөөр хэрэгжүүлсэн IV, V ангиллын төслийн үр дүнг төсвийн гүйцэтгэлийн тайлангийн хамт тухайн төсөлд хамаарах салбарын төсвийн ерөнхийлөн захирагчид хүргүүлэх;

0 0 0

16.1.5.улсын төсвийн хөрөнгө оруулалтын эрх шилжүүлсэн төслийн хэрэгжилт, санхүүжилт, хяналт, тайлагналтыг хариуцах;

0 0 0

16.1.6.орон нутгийн төсвийн хөрөнгө оруулалтаар хэрэгжүүлсэн төслийн үр дүнд бий болсон хөрөнгийн удирдлага, ашиглалтыг хариуцах;

0 0 0

16.1.7.орон нутгийн төсөв, орон нутгийн хөгжлийн сангийн хөрөнгөөр хэрэгжүүлэх төслийн төлөвлөлт, хэрэгжилт, санхүүжилт, хяналт, тайлагналт болон хөрөнгийн удирдлага, ашиглалтад энэ хуульд заасан зарчим, нийтлэг шаардлага болон журам, аргачлалыг мөрдөх;

0 0 0

16.1.8.цахим системд төсвийн хөрөнгө оруулалтын төслийн мэдээллийг эх үүсвэр тус бүрээр бүртгэх, тайлагнах, дүгнэх;

0 0 0

16.1.9.төслийн төлөвлөлт, хэрэгжилт, санхүүжилтийн баримт бичгийн иж бүрдлийг хангаж, архивын нэгж бүрдүүлэх;

0 0 0

16.1.10.орон нутгийн өмчит, орон нутгийн өмчийн оролцоотой хуулийн этгээд болон орон нутгийн түншлэлээр хэрэгжүүлж байгаа төслийн мэдээллийг хагас жил тутам мэдээллийн нэгдсэн сан, цахим системд бүртгэх, төслийн хэрэгжилтийн явц, үр дүнгийн талаарх мэдээлэл, тайланг төсвийн ерөнхийлөн захирагчид хүргүүлэх;

0 0 0

16.1.11.энэ хуулийн 14.1.2, 14.1.4, 14.1.5, 14.1.6, 14.1.8, 14.1.12, 14.1.14, 14.1.15-д заасан бүрэн эрх.

0 0 0

16.2.Сум, дүүргийн Засаг дарга төсвийн хөрөнгө оруулалтын удирдлагын талаар дараах бүрэн эрхийг хэрэгжүүлнэ:

0 0 0

16.2.1.улсын төсвийн хөрөнгө оруулалтаар шинээр хэрэгжүүлэх төсөлд энэ хуулийн 27.2.1, 27.2.2-т заасны дагуу иргэд, олон нийтийн саналыг авч, хэрэгцээ, шаардлагын үнэлгээг хийх, аймаг, нийслэлийн Засаг даргад хүргүүлэх;

0 0 0

16.2.2.энэ хуулийн 16.1.6, 16.1.7, 16.1.9-д заасан бүрэн эрх.

0 0 0

17 дугаар зүйл. Захиалагч, түүний чиг үүрэг

0 0 0

17.1.Төсвийн хөрөнгө оруулалтын удирдлагын харилцаанд төсвийн хөрөнгө оруулалтын төсөл хэрэгжүүлэх гэрээ байгуулсан төсвийн захирагч нь захиалагч байна.

0 0 0

17.2.Захиалагч нь төсвийн хөрөнгө оруулалтын удирдлагын хүрээнд дараах чиг үүргийг хэрэгжүүлнэ:

0 0 0

17.2.1.төслийн төлөвлөлт, хэрэгжилтийг холбогдох хууль тогтоомж, гэрээнд заасан хугацаа, шаардлагын дагуу зохион байгуулах;

0 0 0

17.2.2.энэ хуульд өөрөөр заагаагүй бол гэрээ байгуулсан төслийн зураг төсөлд засвар оруулах, шинэчлэх байдлаар төслийн төсөвт өртгийг нэмэгдүүлэх аливаа шийдвэр гаргахгүй байх;

0 0 0

17.2.3.гүйцэтгэгчтэй төсөл хэрэгжүүлэх гэрээ байгуулах, гэрээний хэрэгжилтийг хангах, төслийн гүйцэтгэлд хяналт тавих, хянан баталгаажуулах;

0 0 0

17.2.4.гэрээний үүргээ биелүүлээгүй тохиолдолд гүйцэтгэгчид хариуцлага тооцох, гэрээг цуцлах арга хэмжээг гэрээнд заасны дагуу авч хэрэгжүүлэх;

0 0 0

17.2.5.төслийн хэрэгжилт, гүйцэтгэлийг батлагдсан төсөвт өртөг, гэрээний нийт дүн, холбогдох норм, нормативын баримт бичиг, зураг төсөл болон төсөв, төсөл хэрэгжүүлэх гэрээнд тусгасан барилгын ажлын үе шатны болон санхүүжилтийн хуваарийн дагуу тулган нягталж, хянан баталгаажуулах;

0 0 0

17.2.6.төслийн гүйцэтгэлийн мэдээллийг гаргаж, цахим системд бүртгэх;

0 0 0

17.2.7.захиалагчийн техникийн хяналт болон зураг төсөл зохиогчийн хяналт хэрэгжүүлэгчтэй гэрээ байгуулах;

0 0 0

17.2.8.зураг төсөл зохиогчийн хяналт хэрэгжүүлэх гэрээнд төслийн байршил, онцлогоос хамааран зохиогчийн хяналтыг гүйцэтгэх хэлбэр, хугацаа, хариуцлага зэргийг нарийвчлан тусгах;

0 0 0

17.2.9.төслийн санхүүжилт хүссэн гүйцэтгэлийн баримт бичиг, иж бүрдэл, тэдгээрийн үнэн зөв байдлыг хариуцах.

0 0 0

17.3.Захиалагч энэ хуулийн 17.2.4, 17.2.5-д заасан чиг үүргээ төсөл хэрэгжүүлэх гэрээ, энэ хууль болон холбогдох хууль тогтоомжид заасны дагуу хэрэгжүүлээгүйн улмаас тухайн төслийн хэрэгжих хугацаа болон төсөвт өртгийг нэмэгдүүлсэн нь аудитын дүгнэлтээр тогтоогдсон тохиолдолд төсөвт учруулсан хохирлыг гэм буруутай этгээдээр нөхөн төлүүлнэ.

0 0 0

ГУРАВДУГААР БҮЛЭГ. ТӨСВИЙН ХӨРӨНГӨ ОРУУЛАЛТЫН ТӨЛӨВЛӨЛТ, ТӨСЛИЙН ҮНЭЛГЭЭ, ТАВИГДАХ ШААРДЛАГА

0 0 0

18 дугаар зүйл. Төсвийн хөрөнгө оруулалтын бодлого, тэргүүлэх салбар

0 0 0

18.1.Төсвийн хөрөнгө оруулалтын бодлого нь хөгжлийн бодлогын зорилт, төсвийн санхүүжилтийн боломжид нийцүүлэн хөрөнгө оруулалтын төслийг эрэмбэлж, эх үүсвэрийг оновчтой хуваарилах, нийгэм, эдийн засгийн дэд бүтцийг бүрдүүлэх, төсвийн хөрөнгө оруулалтын үр өгөөжийг нэмэгдүүлэхэд чиглэнэ.

0 0 0

18.2.Төсвийн хөрөнгө оруулалтын бодлого нь Монгол Улсын хөгжлийн бодлого, төлөвлөлтийн баримт бичиг болон дунд хугацааны төсвийн хүрээний мэдэгдэлтэй нийцсэн байна.

0 0 0

18.3.Төсвийн хөрөнгө оруулалтын тэргүүлэх салбарыг хөгжлийн бодлого, төлөвлөлтийн баримт бичигт тусгана.

0 0 0

19 дүгээр зүйл. Төсвийн хөрөнгө оруулалтын эх үүсвэр, зориулалт

0 0 0

19.1.Төсвийн хөрөнгө оруулалтын эх үүсвэрт улс болон орон нутгийн төсөв, орон нутгийн хөгжлийн сан, гадаад зээл, гадаад тусламж, төр, хувийн хэвшлийн түншлэлийн төслийн төсвөөс санхүүжүүлэх санхүүжилт болон хуульд заасан бусад эх үүсвэр хамаарна.

0 0 0

19.2.Төсвийн хөрөнгө оруулалтын төслийн санхүүжилтийн эх үүсвэрийг төслийн хамрах хүрээ, нийгэм, эдийн засагт үзүүлэх нөлөөлөл, бий болох хөрөнгийн өмчлөл, төслийн нийт өртөг, төсвийн санхүүгийн боломжийг харгалзан дараах байдлаар санхүүжүүлнэ:

0 0 0

19.2.1.улсын төсвийн хөрөнгө оруулалтаар улсын болон бүс нутгийн хэмжээний хөгжлийг дэмжих, стратегийн ач холбогдолтой, эдийн засгийн өсөлтийг хангах, эсхүл орон нутгийн төсвөөс санхүүжүүлэх боломжгүй II-V ангиллын төслийг;

0 0 0

19.2.2.орон нутгийн төсвийн хөрөнгө оруулалтаар Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд заасан орон нутгийн чиг үүрэг, хэрэгцээг хангах, орон нутгийн төсвөөс санхүүжүүлэх боломжтой I-III ангиллын төслийг;

0 0 0

19.2.3.орон нутгийн хөгжлийн сангийн хөрөнгөөр орон нутгийн хөгжлийг дэмжих, ажлын байр нэмэгдүүлэх, иргэд, олон нийтийн саналд үндэслэн төлөвлөсөн I ангиллын төслийг;

0 0 0

19.2.4.гадаад зээлийн хөрөнгөөр Монгол Улсын хөгжлийн бодлого, төлөвлөлтөд нийцсэн, хөгжлийн түнш, олон улсын байгууллагын хамтын ажиллагааны бодлоготой уялдсан, эдийн засгийн үр ашиг, нийгмийн ач холбогдолтой, II-V ангиллын төслийг;

0 0 0

19.2.5.гадаад тусламжийн санхүүжилтээр хөгжлийн бодлого, тэргүүлэх чиглэлтэй уялдуулан салбар, зориулалт хязгаарлахгүй, нийгэм, эдийн засгийн ач холбогдолтой, төсвийн хөрөнгө оруулалтын бүх ангиллын төслийг;

0 0 0

19.2.6.Төр, хувийн хэвшлийн түншлэлийн тухай хуульд заасны дагуу төр, хувийн хэвшлийн түншлэлийн төслийг.

0 0 0

19.3.Орон нутагт төсвийн хөрөнгө оруулалтаар IV, V ангиллын төслийг хэрэгжүүлэх нөхцөлд Улсын Их Хурлаас чиглэл авна.

0 0 0

19.4.Төслийг хоёр болон түүнээс дээш эх үүсвэрээс хэрэгжүүлэх асуудлыг төслийн үнэлгээ, нийгмийн ач холбогдол, эдийн засгийн үр ашгийн шинжилгээнд үндэслэн шийдвэрлэнэ.

0 0 0

20 дугаар зүйл. Төсвийн хөрөнгө оруулалтын төсөлд тавигдах шаардлага

0 0 0

20.1.Төсвийн хөрөнгө оруулалтын төсөл нь дараах нийтлэг шаардлагыг хангасан байна:

0 0 0

20.1.1.төслийн хэрэгцээ, шаардлага, зорилго, төсөл хэрэгжүүлэх төлөвлөгөө, үе шатыг тодорхойлсон байх;

0 0 0

20.1.2.төсөл хэрэгжих газрын эзэмшил, ашиглалттай холбоотой болон холбогдох хуульд заасан дүгнэлт, зөвшөөрлийг авсан байх;

0 0 0

20.1.3.барилга байгууламжийн төсөл нь холбогдох норм, нормативын баримт бичгийн дагуу боловсруулсан зураг төсөл, төсөвтэй байх;

0 0 0

20.1.4.IV, V ангиллын төсөлд техник, эдийн засгийн үндэслэл боловсруулсан байх;

0 0 0

20.1.5.нийгмийн ач холбогдолтой, эдийн засгийн үр ашигтай болох нь тогтоогдсон байх;

0 0 0

20.1.6.төслийн нийт зардлыг тооцсон байх;

0 0 0

20.1.7.хөгжлийн бодлогын зорилго, зорилтод нийцсэн, түүнийг хангахад чиглэсэн байх;

0 0 0

20.1.8.их өгөгдөлд суурилсан, цахим системээр төлөвлөсөн байх;

0 0 0

20.1.9.олон нийтээр хэлэлцүүлж, санал авсан байх;

0 0 0

20.1.10.барилга байгууламж, дэд бүтцийн бүтээн байгуулалт нь хүртээмжтэй, хэрэгцээнд нийцсэн байх;

0 0 0

20.2.Хууль тогтоомжид тусгайлан заасан тохиолдолд төсвийн хөрөнгө оруулалтын төслийг эрчим хүчний хэмнэлттэй, ногоон санхүүжилтийг дэмжсэн, жендэрт суурилж төлөвлөсөн байх нь тухайн төслийг үнэлж, эрэмбэлэхэд давуу талд тооцогдоно.

0 0 0

20.3.Түүх, соёлын дурсгалт зүйлийг хамгаалах, сэргээн засварлах төсөлд энэ хуулийн 20.1.1, 20.1.2, 20.1.8-д зааснаас бусад нийтлэг шаардлага хамаарахгүй байж болно.

0 0 0

20.4.Энэ хуулийн 20.1.3-т заасан зураг төсөл, төсөв гэдэгт төсвийн хөрөнгө оруулалтын төслийн зураг төсөл болон төсвийг мэргэжлийн үйл ажиллагаа эрхлэх эрх бүхий этгээд холбогдох хууль тогтоомж, норм, нормативын баримт бичгийн дагуу боловсруулж, үнэн зөв байдал, үр дагаврыг нь мэргэжлийн хувьд бие даан хариуцан баталгаажуулсан баримт бичгийг ойлгоно.

0 0 0

Тайлбар: Энэ зүйлийн 20.4-т заасан “мэргэжлийн үйл ажиллагаа эрхлэх эрх бүхий этгээд” гэдэгт Барилгын тухай хууль болон холбогдох бусад хууль тогтоомжид заасан мэргэжлийн шаардлага, шалгуурыг хангасан, мэргэжлийн хариуцлагын даатгалд хамрагдсан зураг төсөл зохиогч, төсөвчнийг ойлгоно.

0 0 0

21 дүгээр зүйл. Төслийн төлөвлөлт, бэлтгэл ажлыг хангах

0 0 0

21.1.Төсвийн хөрөнгө оруулалтын төлөвлөлт, бэлтгэл ажлын үе шатанд төслийн суурь судалгаа, техник, эдийн засгийн үндэслэл, зураг төсөл, төсвийг боловсруулах, нийгмийн ач холбогдол, эдийн засгийн үр ашгийг тооцох ажлыг гүйцэтгэнэ.

0 0 0

21.2.Төсвийн хөрөнгө оруулалтын төслийг төлөвлөхөд энэ хуулийн 18.3-т заасан төслийн тэргүүлэх салбарыг баримтална.

0 0 0

21.3.Төсвийн ерөнхийлөн захирагч нь төслийн төлөвлөлтийн үе шатанд төслийн ажлын даалгавар, зураг төсөл, төсвийг иж бүрэн боловсруулахад хяналт тавина.

0 0 0

21.4.Орон нутгийн төсөв, орон нутгийн хөгжлийн сангийн санхүүжилтээр хэрэгжүүлэх хөрөнгө оруулалтын төслийн төлөвлөлт, иж бүрдэлд улсын төсвийн хөрөнгө оруулалтын төсөлд тавигдах шаардлага нэгэн адил хамаарна.

0 0 0

21.5.Төсвийн хөрөнгө оруулалтын төслийн зураг төсөл боловсруулах шийдвэрийг тухайн асуудал хариуцсан төсвийн ерөнхийлөн захирагч гаргана.

0 0 0

21.6.Улсын болон орон нутгийн төсвийн хөрөнгө оруулалтаар барьж ашиглалтад оруулсан барилга байгууламжийн ашиглалтын хугацааны норм дуусахаас өмнө ижил төрлийн барилга байгууламж дахин шинээр барих төслийн санал гаргахыг хориглоно.

0 0 0

21.7.Түүх, соёлын дурсгалт зүйлийг хамгаалах, сэргээн засварлах төслийг дараах журмаар төлөвлөнө:

0 0 0

21.7.1.дурсгалт зүйлийн бүртгэл, хамгаалалтын зэрэглэл, Соёлын өвийг хамгаалах тухай хуулийн 46.3, 46.9-д заасан Мэргэжлийн зөвлөлийн дүгнэлт, соёлын асуудал эрхэлсэн Засгийн газрын гишүүний зөвшөөрөлд үндэслэх;

0 0 0

21.7.2.түүх, соёлын дурсгалт зүйлийг хамгаалах, сэргээн засварлах төслийг төсвийн төсөлд тусгахад энэ хуулийн 28.2-т заасан эрэмбэ хамаарахгүй бөгөөд тэргүүн эрэмбэд эрэмбэлэх.

0 0 0

22 дугаар зүйл. Гадаад зээл, тусламжийн төслийг төлөвлөх, эх үүсвэрийн ашиглалтыг төсвийн төсөлд тусгах

0 0 0

22.1.Гадаад зээл, тусламжийн хөрөнгөөр хэрэгжүүлэх төслийг санаачлах, төлөвлөх, үнэлэх, шийдвэрлэхэд энэ хууль болон холбогдох бусад хууль тогтоомжид заасан зарчим, шаардлагыг баримтална.

0 0 0

22.2.Гадаад зээл, тусламжийн хөрөнгөөр хөгжлийн түнш, олон улсын байгууллагын хамтын ажиллагааны бодлого, зорилготой уялдсан, хөгжлийн бодлого, төлөвлөлтийн зорилтод нийцсэн, эдийн засгийн үр ашиг өндөртэй, нийгмийн ач холбогдолтой, байгаль орчинд сөрөг нөлөөлөл багатай төслийг хэрэгжүүлнэ.

0 0 0

22.3.Гадаад тусламж нь хөгжлийн хамтын ажиллагааны хүрээнд Монгол Улсын нийгэм, эдийн засгийн хөгжлийг дэмжих зорилгоор хөгжлийн түншээс үзүүлж байгаа Төсвийн тухай хуулийн 4.1.53-т заасан эх үүсвэр байна.

0 0 0

22.4.Гадаад зээл, тусламжийн хөрөнгөөр төсөл хэрэгжүүлэх гэрээ, хэлэлцээр байгуулах, гэрээнд нэмэлт, өөрчлөлт оруулахтай холбоотой харилцааг холбогдох хууль тогтоомжоор зохицуулна.

0 0 0

22.5.Санхүү, төсвийн асуудал эрхэлсэн төрийн захиргааны төв байгууллага нь төсвийн ерөнхийлөн захирагчаас ирүүлсэн саналд үндэслэн гадаад зээл, тусламжийн хөрөнгөөр санхүүжүүлэх төслийн тухайн жилийн ашиглалтыг холбогдох гэрээ, хэлэлцээр, төслийн хэрэгжилттэй уялдуулан төсвийн төсөлд тусгана.

0 0 0

22.6.Гадаад зээл, тусламжийн хөрөнгөөр хэрэгжүүлэх төслийн санхүүжилтийг гэрээ, хэлэлцээрт үндэслэн тухайн жилийн батлагдсан санхүү, худалдан авах ажиллагаа болон үйл ажиллагааны төлөвлөгөөнд нийцүүлэн санхүүжүүлнэ.

0 0 0

22.7.Гадаад зээл, тусламжийн гэрээ, хэлэлцээрт санхүүжүүлэхээр тусгагдаагүй боловч тухайн төслийг бүрэн хэрэгжүүлэхэд зайлшгүй шаардлагатай урсгал болон хөрөнгө оруулалтын зардлыг гэрээ, хэлэлцээрт өөрөөр заагаагүй бол улс, орон нутгийн төсөвт тусгаж, санхүүжүүлнэ.

0 0 0

22.8.Гадаад зээл, тусламжийн гэрээнд өөрөөр заагаагүй бол гадаад зээл, тусламжийн төслийн эх үүсвэрийг төрийн сангийн нэгдсэн дансанд байршуулна.

0 0 0

22.9.Санхүү, төсвийн асуудал эрхэлсэн төрийн захиргааны төв байгууллага нь тухайн жилийн төсвийн тухай хуулиар гадаад зээл, тусламжийн санхүүжилтээр хэрэгжүүлэхээр батлагдсан төслийн санхүүжих дүнд хөрөнгийн зохицуулалт хийх асуудлыг Төсвийн тухай хуулийн 42 дугаар зүйлд заасны дагуу шийдвэрлэнэ.

0 0 0

23 дугаар зүйл. Техник, эдийн засгийн үндэслэл

0 0 0

23.1.Энэ хуулийн 7.1-д заасан IV, V ангиллын төсөлд техник, эдийн засгийн үндэслэл боловсруулах бөгөөд төслийн онцлогоос шалтгаалан техник, эдийн засгийн үндэслэл хийх шаардлагагүй тохиолдолд энэ хуулийн 23.2-т заасныг баримтална.

0 0 0

23.2.Энэ хуулийн 7.1-д заасан I, II болон III ангиллын төсөл нь дараах шалгуурын аль нэгийг хангасан нөхцөлд тухайн төсөлд техник, эдийн засгийн үндэслэл боловсруулж болно:

0 0 0

23.2.1.шинэ техник технологи, инновац нэвтрүүлэх;

0 0 0

23.2.2.төслийг хэрэгжүүлэхэд өндөр эрсдэлтэй байх;

0 0 0

23.2.3.төсөл хэрэгжүүлэх байршил, хүчин чадал, технологийн шийдэл, санхүүжилтийн эх үүсвэрийн хэд хэдэн хувилбарыг харьцуулан сонгох шаардлагатай байх;

0 0 0

23.2.4.байгаль орчин, нийгэмд үзүүлж болзошгүй сөрөг нөлөөлөл ихтэй байх.

0 0 0

23.3.Салбарын асуудал эрхэлсэн төрийн захиргааны төв байгууллагаас энэ хуулийн 23.2-т зааснаар техник, эдийн засгийн үндэслэл боловсруулахаар ирүүлсэн төслийн саналыг эдийн засаг, хөгжлийн асуудал эрхэлсэн төрийн захиргааны төв байгууллага судлан үзэж, тухайн төсөлд техник, эдийн засгийн үндэслэл хийлгэх эсэхийг хөгжлийн бодлого, төлөвлөлтийн баримт бичигт нийцүүлэн шийдвэрлэнэ.

0 0 0

23.4.Эдийн засаг, хөгжлийн болон холбогдох салбарын асуудал эрхэлсэн төрийн захиргааны төв байгууллага нь төслийн техник, эдийн засгийн үндэслэл боловсруулах зардлын дээд хэмжээг тухайн төслийн суурь судалгаа болон хэрэгжүүлсэн ижил төстэй төслийн төсөвт өртөгт үндэслэн нийт өртгийн 3 хувьд багтаан тухай бүр хамтран тогтооно.

0 0 0

23.5.Техник, эдийн засгийн үндэслэлээр нийгмийн ач холбогдол, эдийн засгийн үр ашигтай төслийг эрэмбэлж, түүний дагуу зураг төсөл, төсвийг боловсруулна.

0 0 0

23.6.Техник, эдийн засгийн үндэслэл болон зураг төсөл боловсруулах ажлыг холбогдох хууль тогтоомжийн дагуу сонгон шалгаруулалтын үндсэн дээр хэрэгжүүлнэ.

0 0 0

23.7.Техник, эдийн засгийн үндэслэл боловсруулах ажлын өртгийг тооцох, хүлээн авах, баталгаажуулах харилцааг энэ хуулийн 10.1.4-т заасан журмаар зохицуулна.

0 0 0

23.8.Олон улсын гэрээнд өөрөөр заасан тохиолдолд гадаад зээл, тусламжийн төслийн техник, эдийн засгийн үндэслэл боловсруулах асуудлыг хөгжлийн түншийн журам, дүрэмд зааснаар зохицуулж болно.

0 0 0

24 дүгээр зүйл. Техник, эдийн засгийн үндэслэлийн тайлан

0 0 0

24.1.Техник, эдийн засгийн үндэслэлийн тайлан дараах үндсэн агуулгатай байна:

0 0 0

24.1.1.төслийн нэр, зорилго, хамрах хүрээ, төслийн хэрэгцээ, шаардлага, нөхцөл байдлын болон хууль зүйн дүн шинжилгээ, хүрэх үр дүн, ач холбогдол, зах зээлийн эрэлт, нийлүүлэлт, өрсөлдөөн, бусад хүчин зүйлсийн шинжилгээ;

0 0 0

24.1.2.төсөл хэрэгжүүлэх хувилбар, техник технологийн сонголт, тоног төхөөрөмжийн үзүүлэлт, үйлдвэрлэлийн хүчин чадал, дэд бүтэц, талбайн мэдээллийг агуулсан техник технологийн шийдэл, урьдчилсан зураг төсөл, шаардагдах мэргэжлийн болон бусад ажиллах хүчний тооцоо судалгаа;

0 0 0

24.1.3.төслийн орлого, нийт зардал, эдийн засгийн үр ашиг, эдийн засагт үзүүлэх нөлөөлөл зэргийг тооцсон санхүүгийн болон эдийн засгийн нарийвчилсан тооцоо судалгаа, шинжилгээ;

0 0 0

24.1.4.төслийн нөлөөлөлд өртөх хүн амын бүлэг, иргэд, оролцогч тал болон зорилтот хэрэглэгчийг тодорхойлж, тэдний эрх, хууль ёсны ашиг сонирхлыг хангах, хамгаалах асуудлыг тусгасан нийгмийн нөлөөллийн нарийвчилсан үнэлгээ;

0 0 0

24.1.5.холбогдох хуульд заасан тохиолдолд байгаль орчин, уур амьсгалд үзүүлэх нөлөөлөл, байгаль орчныг хамгаалах, урьдчилан сэргийлэх болон нөхөн сэргээх арга хэмжээг тусгасан байгаль орчны нөлөөллийн нарийвчилсан үнэлгээ;

0 0 0

24.1.6.төсөл хэрэгжих боломж, эрсдэл, эрсдэлийг бууруулах төлөвлөгөө бүхий төслийн эрсдэлийн үнэлгээ;

0 0 0

24.1.7.төсөл, бүрэлдэхүүн хэсгийн ажлын үе шатны хуваарь, үе шат бүрд тодорхойлсон хүрэх үр дүн, шалгуур үзүүлэлт, төслийн удирдлагын бүтэц, хяналт-шинжилгээ, үнэлгээний асуудлыг тусгасан төсөл хэрэгжүүлэх төлөвлөгөө;

0 0 0

24.1.8.төсвийн хөрөнгө оруулалтын төслийн онцлогоос хамаарч холбогдох бусад хууль тогтоомжид заасан бусад баримт бичиг.

0 0 0

24.2.Төрийн болон албаны нууцын тухай хуулийн 5.1.1-д заасан төрийн нууцад хамаарахаас бусад төслийн техник, эдийн засгийн үндэслэл боловсруулах ажлын даалгавар болон техник, эдийн засгийн үндэслэлийн тайлан, нэгдсэн дүгнэлт олон нийтэд ил тод, нээлттэй байна.

0 0 0

24.3.Техник, эдийн засгийн үндэслэл боловсруулсан этгээд болон баталгаажуулсан төсвийн ерөнхийлөн захирагч нь үнэн зөв байдал, үр дагаврыг өөрсдийн хамаарах чиг үүргийн хүрээнд хариуцна.

0 0 0

24.4.Техник, эдийн засгийн үндэслэл боловсруулах ажлын даалгаварт технологийн боломжит хувилбар, ногоон санхүүжилтийг ашиглах боломж болон ашиглалтын үеийн зардлыг хэмнэлттэй төлөвлөх чиглэлийг баримтална.

0 0 0

25 дугаар зүйл. Төслийн нийгмийн ач холбогдол, эдийн засгийн үр ашиг

0 0 0

25.1.Энэ хуулийн 23.1, 23.2-т зааснаас бусад төсвийн хөрөнгө оруулалтын төсөлд энэ хуулийн 11.1.4-т заасан журам, аргачлалын дагуу төслийн нийгмийн ач холбогдол, эдийн засгийн үр ашгийг тооцох шинжилгээ хийнэ.

0 0 0

25.2.Энэ хуулийн 25.1-д заасан шинжилгээ нь дараах үндсэн шаардлагыг хангасан байна:

0 0 0

25.2.1.үнэн зөв, бодит, бүрэн мэдээлэлд үндэслэсэн байх;

0 0 0

25.2.2.төслийн нийт зардал, үр ашиг, эрсдэлийг харгалзсан байх;

0 0 0

25.2.3.төслийг хэрэгжүүлээгүй тохиолдолд үүсэх нөхцөл байдлыг харьцуулан тооцсон байх;

0 0 0

25.2.4.нийгмийн зорилтот бүлэгт үзүүлэх нөлөөллийг тусгасан байх;

0 0 0

25.2.5.байгаль орчин, тогтвортой хөгжил, уур амьсгалын өөрчлөлтөд үзүүлэх нөлөөллийг холбогдох хууль тогтоомжид зааснаар үнэлсэн байх;

0 0 0

25.2.6.төсвийн хөрөнгө оруулалтын төслийн онцлогоос шалтгаалан холбогдох хууль тогтоомжид заасан бусад шаардлагыг хангасан байх.

0 0 0

25.3.Төслийн нийгмийн ач холбогдол, эдийн засгийн үр ашгийг тооцох шинжилгээний үр дүнг төслийн иж бүрдэлд тусгаж, төсөлд үнэлгээ хийх, төсөл эрэмбэлэх, сонгох үе шатанд ашиглана.

0 0 0

Тайлбар: - Энэ зүйлийн 25.3-т заасан “Төслийн иж бүрдэл” гэж төслийг төлөвлөх, хэрэгжүүлэхэд шаардлагатай техник, эдийн засгийн үндэслэл, зураг төсөл, төсөвт өртгийн тооцоолол болон холбогдох бусад баримт бичгийг ойлгоно.

0 0 0

26 дугаар зүйл. Зураг төсөл, төсвийн боловсруулалт, баталгаажуулалт

0 0 0

26.1.Зураг төсөл, төсөв боловсруулах шийдвэрийг тухайн төслийн техник, эдийн засгийн үндэслэл, нийгмийн ач холбогдол, эдийн засгийн үр ашгийн шинжилгээнд үндэслэн гаргана.

0 0 0

26.2.Энэ хуулийн 26.1-д заасны дагуу барилга байгууламжийн төсөлд зураг төсөл, төсвийг энэ хуулийн 20.4-т зааснаар мэргэжлийн үйл ажиллагаа эрхлэх эрх бүхий этгээд холбогдох хууль тогтоомж, норм, нормативын баримт бичгийн дагуу боловсруулж, өөрийн боловсруулсан зураг төслийн шийдэл, төсвийн тооцооны үнэн зөв байдал, түүний үр дагаврыг мэргэжлийн хувьд бие даан хариуцан баталгаажуулна.

0 0 0

26.3.Энэ хуулийн 26.2-т заасан мэргэжлийн үйл ажиллагаа эрхлэх эрх бүхий этгээд нь боловсруулсан зураг төсөл, төсвийг захиалагчид хүлээлгэн өгөхөд тухайн зураг төсөл, төсөвт магадлал хийлгэх шаардлагатай эсэх санал, дүгнэлтийг гаргана.

0 0 0

26.4.Захиалагч нь энэ хуулийн 26.3-т заасны дагуу боловсруулсан зураг төсөл, төсвийг хүлээн авч, ажлын даалгаварт нийцсэн эсэхийг нягталж, магадлал хийлгэх эсэхийг шийдвэрлэнэ.

0 0 0

26.5.Энэ хуулийн 26.4-т заасан шийдвэрт үндэслэн зураг төсөл, төсөвт тухайн төслийн зураг төсөл, төсвийг боловсруулах, барилгын ажил гүйцэтгэх үйл ажиллагаанд оролцоогүй, төслийн гүйцэтгэгчтэй нэгдмэл сонирхолтой бус, ашиг сонирхлын зөрчилгүй, хөндлөнгийн, хараат бус мэргэжлийн эрх бүхий этгээд магадлал хийж, дүгнэлт гаргана.

0 0 0

26.6.Энэ хуулийн 26.5-д зааснаас бусад тохиолдолд зураг төсөл, төсөвт магадлал хийхгүй байж болно.

0 0 0

26.7.Зураг төсөл, төсөв боловсруулсан болон энэ хуулийн 26.5-д заасны дагуу магадлалын дүгнэлт гаргасан этгээд нь өөрийн боловсруулсан шийдэл, тооцоо, гаргасан дүгнэлтийн хууль ёсны, алдаагүй, үнэн зөв байдлыг бүрэн хариуцах бөгөөд үүнийг зөрчсөн тохиолдолд хуулийн хариуцлага хүлээнэ.

0 0 0

26.8.Гадаад зээл, тусламжийн хөрөнгөөр санхүүжих төслийн зураг төсөл, төсвийг боловсруулах, баталгаажуулахад олон улсын гэрээ болон хөгжлийн түншийн журамд заасныг баримталж болно.

0 0 0

27 дугаар зүйл. Төслийг үнэлж, эрэмбэлэх

0 0 0

27.1.Улсын болон орон нутгийн төсвийн хөрөнгө оруулалтаар хэрэгжүүлэх төслийн төлөвлөлт нь шаталсан үнэлгээний тогтолцоотой байх бөгөөд төслийг энэ хуулийн 10.1.4-т заасан журмын дагуу үнэлж эрэмбэлнэ.

0 0 0

27.2.Шинээр хэрэгжүүлэх төсвийн хөрөнгө оруулалтын төслийн шаталсан үнэлгээг дараах байдлаар хэрэгжүүлнэ:

0 0 0

27.2.1.тухайн жилийн 3 дугаар сарын 1-ний өдрөөс 3 дугаар сарын 31-ний өдрийн дотор олон нийтийн саналыг авна;

0 0 0

27.2.2.сум, дүүргийн Засаг дарга төслийн хэрэгцээ, шаардлагыг энэ хуульд заасан аргачлал, журмын дагуу үнэлж, эрэмбэлэн жил бүрийн 4 дүгээр сарын 30-ны өдрийн дотор аймаг, нийслэлийн Засаг даргад хүргүүлнэ;

0 0 0

27.2.3.аймаг, нийслэлийн Засаг дарга, төсвийн төвлөрүүлэн болон төсвийн шууд захирагч төслийн ач холбогдлыг бүс нутгийн түвшинд үнэлж, орон нутгийн болон салбарын хөгжлийн бодлоготой уялдуулан нийгэм, эдийн засгийн үр өгөөжийг үнэлэн, байгаль орчин, дэд бүтцийн нөхцөлд суурилсан үнэлгээг хийх бөгөөд төслийг эрэмбэлэн жил бүрийн 6 дугаар сарын 25-ны өдрийн дотор харьяалагдах төсвийн ерөнхийлөн захирагчид хүргүүлнэ;

0 0 0

27.2.4.төсвийн ерөнхийлөн захирагч нь аймаг, нийслэлийн Засаг дарга, төсвийн төвлөрүүлэн болон төсвийн шууд захирагчаас ирүүлсэн төслийн саналыг нэгтгэж, салбарын болон улсын хөгжлийн бодлоготой уялдуулж, нийгмийн ач холбогдол, эдийн засгийн үр ашгийг тооцох бөгөөд төслийг үнэлж, эрэмбэлэн, жил бүрийн 7 дугаар сарын 25-ны өдрийн дотор санхүү, төсвийн асуудал эрхэлсэн төрийн захиргааны төв байгууллагад хүргүүлнэ;

0 0 0

27.2.5.санхүү, төсвийн асуудал эрхэлсэн төрийн захиргааны төв байгууллага нь төсвийн ерөнхийлөн захирагчаас ирүүлсэн төслийн саналыг хөгжлийн бодлого, төсвийн хүрээний мэдэгдэлтэй нийцсэн эсэхийг хянаж, санхүүжилтийн болон төсвийн хязгаар, урсгал зардлын төсөвт үзүүлэх нөлөөлөлд суурилан улсын төсвийн хөрөнгө оруулалтын нийт төслийг эрэмбэлэн төсвийн төсөлд тусгах санал боловсруулах;

0 0 0

27.2.6.энэ хуулийн 27.2.5-д заасан төслийн жагсаалтад тусгагдаагүй төслийн мэдээллийг тухайн жилийн 9 дүгээр сарын 5-ны өдрийн дотор төслийн санал үүсгэсэн этгээдэд цахим системээр буцаана;

0 0 0

27.2.7.сум, дүүргийн Засаг дарга энэ хуулийн 27.2.6-д заасан төсөл болон орон нутгийн төсвийн хөрөнгө оруулалтаар хэрэгжүүлэх төслийг дахин эрэмбэлж, бэлтгэл ажлыг ханган жил бүрийн 11 дүгээр сарын 1-ний өдрийн дотор аймаг, нийслэлийн Засаг даргад хүргүүлнэ;

0 0 0

27.2.8.аймаг, нийслэлийн Засаг дарга нь орон нутгийн төсвийн хөрөнгө оруулалтаар хэрэгжүүлэх төслийн саналыг нэгтгэн боловсруулж, Төсвийн тухай хуульд заасан цаглаврын дагуу иргэдийн Төлөөлөгчдийн Хуралд өргөн мэдүүлнэ.

0 0 0

27.3.Төсвийн хөрөнгө оруулалтын төслийн саналыг энэ хуулийн 27.2-т зааснаар үнэлж, эрэмбэлсэн тайлан болон төсвийн төсөлд тусгах төслийн нэгдсэн саналыг цахим системээр ил тод, нээлттэй мэдээлнэ.

0 0 0

28 дугаар зүйл. Төслийг улс, орон нутгийн төсвийн төсөлд тусгах

0 0 0

28.1.Санхүү, төсвийн асуудал эрхэлсэн төрийн захиргааны төв байгууллага, аймаг, нийслэлийн Засаг дарга нь энэ хуульд заасан шаардлага хангасан төслийг улсын болон орон нутгийн төсвийн хөрөнгө оруулалтаар хэрэгжүүлэхээр энэ хуулийн 28.2-т заасан эрэмбийн дагуу төсвийн төсөлд тусгана.

0 0 0

28.2.Төсвийн хөрөнгө оруулалтын төслийг улсын болон орон нутгийн төсвийн төсөлд тусгахад дараах эрэмбийг баримтална:

0 0 0

28.2.1.үргэлжлүүлэх буюу он дамжин хэрэгжүүлж байгаа төсөл;

0 0 0

28.2.2.их засвар, засвар арчлалтын төсөл;

0 0 0

28.2.3.шинээр хэрэгжүүлэх төсөл.

0 0 0

28.3.Шинээр хэрэгжүүлэх төслийн тухайн жилийн санхүүжилтийг төлөвлөхөд энэ хуулийн 7.1-д заасан төслийн ангиллыг үндэслэн тооцно.

0 0 0

28.4.Барилга байгууламжийн төслийн хувьд тухайн төсөлд ашиглагдах тоног төхөөрөмжийн зардлыг бүрэн тооцож төсвийн төсөлд тусгах бөгөөд барилга байгууламж ашиглалтад орох жилд нь тоног төхөөрөмжийн зардлыг санхүүжүүлнэ.

0 0 0

28.5.Санхүү, төсвийн асуудал эрхэлсэн төрийн захиргааны төв байгууллага нь энэ хуулийн 28.2.1-д заасан төслийг төсвийн төсөлд тусгахад холбогдох хууль тогтоомж зөрчсөн, эсхүл төсөл хэрэгжүүлэх гэрээнд зааснаар хэрэгжээгүй, хэрэгжилт удааширсан нөхцөлд тухайн төслийг үргэлжлүүлэх, эсхүл дахин төлөвлөх эсэхийг шийдвэрлэнэ.

0 0 0

28.6.Түүх, соёлын дурсгалт зүйлийг хамгаалах, сэргээн засварлах төслийг соёлын асуудал эрхэлсэн төрийн захиргааны төв байгууллагын Мэргэжлийн зөвлөлийн дүгнэлт, Соёлын өвийг хамгаалах тухай хуульд заасан зөвшөөрлийг үндэслэн төсвийн төсөлд тусгана.

0 0 0

28.7.Энэ хуульд заасан нийтлэг шаардлагыг хангаагүй, эсхүл баримт бичгийн иж бүрдэл, мэдээллийг албан бичгээр болон цахим системээр хүргүүлээгүй нь төсвийн хөрөнгө оруулалтын төслийг төсвийн төсөлд тусгахаас татгалзах үндэслэл болно.

0 0 0

ДӨРӨВДҮГЭЭР БҮЛЭГ. ТӨСВИЙН ХӨРӨНГӨ ОРУУЛАЛТЫН ТӨСЛИЙН ХЭРЭГЖИЛТ, САНХҮҮЖИЛТ, ХЯНАЛТ, ТАЙЛАГНАЛТ

0 0 0

29 дүгээр зүйл. Төсвийн хөрөнгө оруулалтын төслийн хэрэгжилт

0 0 0

29.1.Төсвийн хөрөнгө оруулалтын төслийн хэрэгжилтийн үе шатанд эрх шилжүүлэх, багц хуваарилах, худалдан авах ажиллагааг зохион байгуулах, гэрээ байгуулах, санхүүжүүлэх, хэрэгжилтийг хянах, тайлагнах үйл ажиллагаа хамаарна.

0 0 0

29.2.Төсөл хэрэгжүүлэх гэрээний хэрэгжилтийг хангаж, төслийн гүйцэтгэлд энэ хууль, холбогдох хууль тогтоомжид заасны дагуу захиалагчийн техникийн болон зураг төсөл зохиогчийн хяналтыг хэрэгжүүлнэ.

0 0 0

29.3.Төсвийн ерөнхийлөн захирагч, захиалагч болон гүйцэтгэгч буюу төсөл хэрэгжүүлэгч нь төсвийн хөрөнгө оруулалтын төслийг төлөвлөсөн хугацаанд үр дүнтэй хэрэгжүүлж, төслийн санхүүжилтийг зориулалтын дагуу үр ашигтай зарцуулах бөгөөд төслийн хэрэгжилт, гүйцэтгэлд хяналт тавьж, холбогдох хууль тогтоомж, гэрээний дагуу хэрэгжилтийг хангаж ажиллана.

0 0 0

29.4.Орон нутгийн хөгжлийн сангийн санхүүжилтээр төсөл хэрэгжүүлэхэд Төсвийн тухай хуулийн 63 дугаар зүйлд заасан иргэд, олон нийтийн оролцоог хангах зохицуулалтыг мөрдөнө.

0 0 0

29.5.Орон нутгийн хөгжлийн сангийн санхүүжилттэй холбоотой энэ хуульд зааснаас бусад харилцааг Төсвийн тухай хуулиар зохицуулна.

0 0 0

29.6.Гадаад зээл, тусламжийн хөрөнгөөр төсөл хэрэгжүүлэх, зохион байгуулах, санхүүжүүлэх, хяналт тавих, үнэлэхтэй холбоотой харилцааг энэ хуулийн 10.1.4-т заасан журмаар зохицуулна.

0 0 0

29.7.Төр, хувийн хэвшлийн түншлэлийн төслийг төлөвлөх, үнэлэх, төсвийн хөрөнгө оруулалтын мэдээллийн нэгдсэн санд бүртгэхээс бусад хэрэгжилт, санхүүжилтийн харилцааг Төр, хувийн хэвшлийн түншлэлийн тухай хуулиар зохицуулна.

0 0 0

29.8.Төсвийн хөрөнгө оруулалтын эх үүсвэрээр шинээр хэрэгжүүлэх төслийн төсөл хэрэгжүүлэх гэрээг батлагдсан төсөвт өртөгт багтаан тухайн жилийн 5 дугаар сарын 31-ний өдрийн дотор байгуулсан байх ба төсөл хэрэгжүүлэх гэрээг байгуулаагүй төслийн санхүүжилтийг төсвийн хэмнэлтэд тооцож, төсвөөс санхүүжүүлэхгүй.

0 0 0

29.9.Гадаад зээл, тусламжийн хөрөнгөөр хэрэгжүүлэх төсөлд энэ хуулийн 29.8 дахь хэсэг хамаарахгүй.

0 0 0

29.10.Төсвийн хөрөнгө оруулалтын төслийн худалдан авах ажиллагааг зохион байгуулах, гэрээ байгуулах, хэрэгжүүлэх, санхүүжүүлэх, хяналт тавих, өмчид бүртгэх үйл ажиллагаанд цахим системээс үүсгэсэн төслийн кодыг ашиглана.

0 0 0

29.11.Энэ хуульд өөрөөр заагаагүй бол улс, орон нутгийн төсөв болон орон нутгийн хөгжлийн сангийн хөрөнгөөр хэрэгжүүлж байгаа төслийн зураг төсөл, төсвийг холбогдох хууль тогтоомж, салбарын норм, нормативын баримт бичиг, техникийн нөхцөлөөр өөрчлөхийг хориглоно.

0 0 0

29.12.Олон улсын гэрээнд өөрөөр заагаагүй бол гадаад зээл, тусламжийн төслийн зураг төсөл, төсөвт өртгийг барилга угсралт, их засварын ажил эхэлснээс хойш холбогдох хууль тогтоомж, салбарын норм, нормативын баримт бичиг, техникийн нөхцөлөөр өөрчлөхийг хориглоно.

0 0 0

Тайлбар: - Энэ зүйлийн 29.10-т заасан “төслийн код” гэж төслийг ангилан бүртгэж, бусдаас ялгах зорилгоор эх үүсвэр, төсвийн ерөнхийлөн захирагч, эхлэх он зэрэг үзүүлэлтээр бүтэцлэн, цахим системд дахин давтагдашгүйгээр автоматаар үүсгэсэн тэмдэглэгээг ойлгоно.

0 0 0

30 дугаар зүйл. Эрх шилжүүлэх, багц хуваарилах

0 0 0

30.1.Төсвийн ерөнхийлөн захирагч нь улсын төсвийн хөрөнгө оруулалтын төсөл хэрэгжүүлэх эрхийг дараах байдлаар шилжүүлж болно:

0 0 0

30.1.1.төслийн худалдан авах ажиллагааг зохион байгуулах, хэрэгжүүлэх, санхүүжүүлэх, хяналт тавих эрхийг төсвийн төвлөрүүлэн захирагч, эсхүл харьяалах төсвийн шууд захирагчид хэсэгчлэн, эсхүл бүхэлд нь;

0 0 0

30.1.2.эрхлэх асуудлын хүрээнд төсөл хэрэгжүүлэх эрхийг Төсвийн тухай хуулийн 14, 61 дүгээр зүйлийг үндэслэн аймаг, нийслэлийн Засаг даргад.

0 0 0

30.2.Төсвийн ерөнхийлөн захирагч энэ хуулийн 30.1-д заасан шийдвэрийг тухайн жилийн 1 дүгээр сарын 1-ний өдрийн дотор гаргана.

0 0 0

30.3.Эрх шилжүүлэн авсан этгээд нь төсөл хэрэгжүүлэхэд энэ хууль, төсвийн тухай хууль тогтоомжийг мөрдөж ажиллах бөгөөд эрх шилжүүлсэн этгээд нь төслийн хэрэгжилтэд хяналт тавьж, тайлагналт, үр дүн, гүйцэтгэлийг эрх бүхий этгээдийн хувиар хариуцна.

0 0 0

30.4.Төсвийн ерөнхийлөн захирагч нь тухайн жилийн төсвийн тухай хуулиар батлагдсан улсын төсвийн хөрөнгө оруулалтын төслийн хугацаа, зориулалт, хүчин чадалд нийцүүлэн багц төслийн хуваарилалтыг боловсруулж, санхүү, төсвийн асуудал эрхэлсэн Засгийн газрын гишүүнтэй хамтран жил бүрийн 1 дүгээр сарын 15-ны өдрийн дотор батална.

0 0 0

30.5.Багц хуваарилалтад багтах төсвийн хөрөнгө оруулалтын төсөл нь энэ хуулийн 20 дугаар зүйлд заасан төсөлд тавигдах нийтлэг шаардлагыг хангасан байна.

0 0 0

30.6.Төсвийн ерөнхийлөн захирагч нь эрх шилжүүлэх шийдвэр гарснаас хойш ажлын таван өдрийн дотор эрх шилжүүлсэн төслийн мэдээллийг цахим системд бүртгэж, баталгаажуулна.

0 0 0

31 дүгээр зүйл. Төслийн гэрээний удирдлага

0 0 0

31.1.Төслийн онцлог, цар хүрээнээс хамааран төсвийн хөрөнгө оруулалтын төсөл хэрэгжүүлэх гэрээ нь ажил гүйцэтгэх, үйлчилгээ үзүүлэх, бараа нийлүүлэх төрөлтэй байна.

0 0 0

31.2.Төслийн гүйцэтгэгчийг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн дагуу шалгаруулж, төсөл хэрэгжүүлэх гэрээ байгуулна.

0 0 0

31.3.Энэ хуулийн 7.1-д заасан IV, V ангиллын төсөлд олон улсын зөвлөх инженерүүдийн холбоо болон олон улсын бусад жишиг гэрээний нөхцөлийг тендер шалгаруулалтын баримт бичигт тусгаж, төсөл хэрэгжүүлэх гэрээнд тохируулан хэрэглэж болно.

0 0 0

31.4.Энэ хуулийн 31.3-т зааснаас бусад төсөл хэрэгжүүлэх гэрээнд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 39.3-т зааснаас гадна дараах нөхцөлийг тусгана:

0 0 0

31.4.1.төслийн ажлын үе шат, санхүүжилтийн хуваарь;

0 0 0

31.4.2.гэрээний үйлчлэх хугацаа болон ажил гүйцэтгэх, үйлчилгээ үзүүлэх, бараа нийлүүлэх буюу төсөл хэрэгжүүлэх хугацаа;

0 0 0

31.4.3.гэрээний нийт дүн болон түүнд багтах барилга угсралт, хяналт, магадалшгүй ажил, татвар, зөвлөх үйлчилгээ болон төсвийн хөрөнгө оруулалтын удирдлагын санд төвлөрүүлэх зардлын дүн /зардлыг төрөл бүрээр давхардуулан тооцоогүй байх/;

0 0 0

31.4.4.талуудын гэрээний үүргийн гүйцэтгэлийг хангах арга, түүний хувь хэмжээ, тооцох журам;

0 0 0

31.4.5.талуудын гэрээний үүргийн гүйцэтгэлийг дүгнэх шалгуур үзүүлэлт, гэрээний үүргээ биелүүлээгүй тохиолдолд хүлээлгэх хариуцлага;

0 0 0

31.4.6.талуудын эрх хэмжээ, үйл ажиллагааг хязгаарлах зохицуулалт;

0 0 0

31.4.7.төслийн хэрэгжилт, гүйцэтгэлийн талаар тайлагнах, шаардсан баримт бичиг, мэдээллийг гаргаж өгөх гүйцэтгэгчийн үүрэг;

0 0 0

31.4.8.өмч, хөрөнгийг хүлээлгэн өгөх, эзэмших, ашиглах зохицуулалт;

0 0 0

31.4.9.маргаан шийдвэрлэх журам.

0 0 0

31.5.Төсөл хэрэгжүүлэх гэрээний хугацааг тухайн жилийн төсвийн тухай хуулиар баталсан төслийн эхлэх, дуусах хугацаанд нийцүүлэн тусгана.

0 0 0

31.6.Төсөл хэрэгжүүлэх гэрээний дугаар нь энэ хуулийн 29.10-т заасан төслийн код байна.

0 0 0

31.7.Захиалагч нь төсөл хэрэгжүүлэх гэрээг байгуулснаас хойш ажлын таван өдрийн дотор гэрээний мэдээллийг цахим системд бүртгэж, баталгаажуулна.

0 0 0

31.8.Төсөл хэрэгжүүлэх гэрээний талууд төсвийн хөрөнгийг үр дүнтэй, зориулалтын дагуу зарцуулж, энэ хууль болон гэрээгээр хүлээсэн үүргээ биелүүлнэ.

0 0 0

31.9.Төслийн гүйцэтгэгч нь энэ хууль, холбогдох хууль тогтоомжийг ноцтой зөрчсөн, эсхүл төсөл хэрэгжүүлэх гэрээнд заасан үүргээ биелүүлээгүй асуудлыг энэ хуулийн 28.5-д зааснаар шийдвэрлэж, төсөвт учруулсан хохирлыг хууль болон гэрээнд заасны дагуу нөхөн төлүүлнэ.

0 0 0

31.10.Төсөл хэрэгжүүлэх төлөвлөгөө, нэмэлт, дагалдах гэрээ, шаардлагатай бусад баримт бичиг нь төсөл хэрэгжүүлэх гэрээний салшгүй хэсэг байна.

0 0 0

31.11.Төслийн хэрэгжилтэд тавих захиалагчийн техникийн болон зураг төсөл зохиогчийн хяналтын нийт зардал нь тухайн төслийн барилга угсралтын ажлын зардлын 3 хувиас хэтрэхгүй байна.

0 0 0

31.12.Талууд төсөл хэрэгжүүлэх гэрээний үүргийн гүйцэтгэлийг хамтран дүгнэж баталгаажуулах бөгөөд улсын комиссын акт, тоног төхөөрөмж хүлээлцсэн акт болон энэ хуулийн 10.1.4-т заасан журамд заасан бусад баримт бичгийг хавсаргана.

0 0 0

31.13.Хуульд өөрөөр заагаагүй бол төсөл хэрэгжүүлэх гэрээг цахим системд баталгаажуулснаар уг гэрээний мэдээлэл олон нийтэд ил тод, нээлттэй байна.

0 0 0

32 дугаар зүйл. Төслийн гүйцэтгэлийн санхүүжилт

0 0 0

32.1.Захиалагч нь улсын төсвийн хөрөнгө оруулалтын төслийн гүйцэтгэлийн санхүүжилтийг энэ хуульд заасны дагуу хянан баталгаажуулж, санхүү, төсвийн асуудал эрхэлсэн төв байгууллагад хүргүүлнэ.

0 0 0

32.2.Төсвийн хөрөнгө оруулалтын төслийн гүйцэтгэлийн санхүүжилтийг энэ хуулийн 10.1.4-т заасан журамд заасны дагуу олгоно.

0 0 0

32.3.Төсвийн хөрөнгө оруулалтын төслийн санхүүжилтийг баталгаажуулсан бодит гүйцэтгэлээр олгох бөгөөд урьдчилгаа төлбөрийг дараах тохиолдолд олгоно:

0 0 0

32.3.1.тухайн төсөлд урьдчилгаа төлбөр олгох талаар худалдан авах ажиллагааны баримт бичиг болон гэрээнд тусгасан;

0 0 0

32.3.2.барилга байгууламжийн төслийн хувьд барилгын ажил эхлүүлэх, үргэлжлүүлэх зөвшөөрөл олгогдсон байх;

0 0 0

32.3.3.энэ хуулийн 57.1-д зааснаас бусад тохиолдолд урьдчилгаа төлбөрийн баталгаа болон даатгалын маягтын дагуу урьдчилгаа төлбөрийн баталгааг банканд байршуулсан;

0 0 0

32.3.4.энэ хуулийн 57.1.1, 57.1.2-т заасны дагуу ногоон, шар жагсаалтын гүйцэтгэгчид урьдчилгаа төлбөрийг олгохоор шийдвэрлэсэн.

0 0 0

32.4.Төсвийн хөрөнгө оруулалтын төслийн урьдчилгаа төлбөрийг гэрээний нийт үнийн дүнгийн 30 хүртэл хувиар олгох бөгөөд урьдчилгаа төлбөрийн хэмжээ нь тухайн төслийн тухайн жилд батлагдсан санхүүжилтийн нийт дүнгээс хэтрэхгүй байна.

0 0 0

32.5.Төсвийн жилд багтаан урьдчилгаа төлбөрийн баталгааг чөлөөлөх бөгөөд баталгааг чөлөөлсний дараа гүйцэтгэлийн санхүүжилт олгоно.

0 0 0

32.6.Төслийн гүйцэтгэлийн санхүүжилтийг төсөвт өртөгт багтаан гэрээнд заасан үе шатны ажил тус бүрээр гаргаж, батлагдсан зураг төсөл, төсвийн дагуу хянан баталгаажуулна.

0 0 0

32.7.Төслийн гүйцэтгэлийн санхүүжилтийн баримт бичгийг төсвийн ерөнхийлөн захирагчийн эрх олгосон шийдвэрийн дагуу төсвийн шууд захирагчийн гарын үсгээр, аймаг, нийслэлийн хувьд Засаг даргын гарын үсгээр хянан баталгаажуулж, албан бичгээр болон цахим системээр санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

0 0 0

32.8.Захиалагч гүйцэтгэлийн санхүүжилтийг хянан баталгаажуулж, энэ хуулийн 32.7-д зааснаар санхүүжилтийн хүсэлтийг хүргүүлсэн нь санхүүжилтийн эрхийг нээх үндэслэл болно.

0 0 0

32.9.Санхүүжилтийн баримт бичиг, иж бүрдэл дутуу, шаардлага хангахгүй, тэдгээрт тусгагдсан асуудал холбогдох хууль тогтоомжид нийцээгүй тохиолдолд гүйцэтгэлийн санхүүжилтийн эрх нээхээс татгалзах үндэслэл болно.

0 0 0

32.10.Төслийн гүйцэтгэлийн санхүүжилтийг хянан баталгаажуулахад захиалагч, захиалагчийн техникийн хяналт, зураг төсөл зохиогчийн хяналт хэрэгжүүлэгч болон санхүүжилтийн үйл ажиллагаанд оролцогч эрх бүхий этгээд гарын үсэг зурна.

0 0 0

32.11.Орон нутгийн хөгжлийн сангийн эх үүсвэрээр хэрэгжүүлэх төслийн санхүүжилтийг Төсвийн тухай хуулиар, гадаад зээл, тусламжийн хөрөнгөөр санхүүжүүлэх төслийн санхүүжилтийг энэ хуулийн 10.1.4-т заасан журмаар тус тус зохицуулна.

0 0 0

32.12.Энэ хуулийн 23 дугаар зүйлд заасан техник, эдийн засгийн үндэслэл, эсхүл энэ хуулийн 25 дугаар зүйлд заасан төслийн нийгмийн ач холбогдол, эдийн засгийн үр ашгийн шинжилгээ хийгдээгүй төслийг улс, орон нутгийн төсвийн хөрөнгө оруулалтын эх үүсвэрээр санхүүжүүлэхгүй.

0 0 0

33 дугаар зүйл. Барилга байгууламж, их засвар болон тоног төхөөрөмжийн төслийн санхүүжилт

0 0 0

33.1.Барилга байгууламж, их засвар, тоног төхөөрөмжийн төслийг санхүүжүүлэхэд захиалагч нь энэ хуулийн 32 дугаар зүйлд зааснаас гадна доор дурдсан санхүүжилтийн баримт бичгийг бүрдүүлж, хавсаргана:

0 0 0

33.1.1.гэрээнд заасан ажлын үе шатны төлөвлөгөө, мөнгөн дүнгээр илэрхийлсэн ажлын бодит гүйцэтгэлийн мэдээлэл, зураг төсөл, төсвийн тооцоолол;

0 0 0

33.1.2.байнгын ашиглалтад хүлээж авсан улсын комиссыг томилсон шийдвэр, комиссын гишүүдийн саналын хуудас, хурлын тэмдэглэл, хүлээн авсан акт, ашиглагчийн дүгнэлт;

0 0 0

33.1.3.барилга байгууламжийн төслийн мэдээллийн самбар, ашиглалтын тэмдэглэгээг баталгаажуулсан баримт;

0 0 0

33.1.4.худалдан авсан тоног төхөөрөмжийн бүтэн байдал, чанарын баталгаа, иж бүрдлийг шалгаж, хүлээн авсан комиссыг томилсон шийдвэр, комиссын гишүүдийн саналын хуудас, хурлын тэмдэглэл, тоног төхөөрөмж хүлээн авсан акт, өмчид бүртгэсэн шийдвэр.

0 0 0

34 дүгээр зүйл. Техник, эдийн засгийн үндэслэл, зураг төсөл, төсөв болон цахим системийн төслийн санхүүжилт

0 0 0

34.1.Техник, эдийн засгийн үндэслэл, зураг төсөл, төсөв боловсруулах төслийг санхүүжүүлэхэд захиалагч нь энэ хуулийн 32 дугаар зүйлд зааснаас гадна доор дурдсан санхүүжилтийн баримт бичгийг бүрдүүлж, хавсаргана:

0 0 0

34.1.1.техник, эдийн засгийн үндэслэл, зураг төсөл, төсөв боловсруулах ажлын хэрэгцээ, шаардлага, үндэслэлийг тодорхойлсон танилцуулга;

0 0 0

34.1.2.техник, эдийн засгийн үндэслэл, зураг төслийг шинэчлэн боловсруулах шаардлагыг үндэслэсэн баримт бичиг, өмнө нь боловсруулсан техник, эдийн засгийн үндэслэл, зураг төслийн судалгаа, мэдээлэл, тэдгээрийг ашиглах боломжгүй болсон үндэслэл;

0 0 0

34.1.3.техник, эдийн засгийн үндэслэл, зураг төсөл, төсөв боловсруулах ажлын даалгавар болон ажлын төлөвлөгөө;

0 0 0

34.1.4.техник, эдийн засгийн үндэслэл, зураг төсөл, төсөв хүлээн авсан комиссын дүгнэлт, мэргэжлийн байгууллага, зөвлөлийн дүгнэлт.

0 0 0

34.2.Цахим систем боловсруулах төслийг санхүүжүүлэхэд захиалагч нь энэ хуулийн 32 дугаар зүйлд зааснаас гадна доор дурдсан санхүүжилтийн баримт бичгийг бүрдүүлж, хавсаргана:

0 0 0

34.2.1.цахим систем боловсруулах хэрэгцээ, шаардлага, зорилго, хамрах хүрээг тодорхойлсон танилцуулга;

0 0 0

34.2.2.ижил болон төстэй зориулалтын цахим системийг төрийн байгууллагад ашиглаж байгаа эсэх, түүнийг өргөтгөн хөгжүүлэх боломжийн талаарх судалгаа, дүгнэлт;

0 0 0

34.2.3.мэдээллийн аюулгүй байдал, кибер аюулгүй байдал, хувийн мэдээлэл хамгаалах шаардлагыг хангасан талаарх үнэлгээ, дүгнэлт;

0 0 0

34.2.4.Нийтийн мэдээллийн ил тод байдлын тухай хуульд заасан холбогдох журам, шаардлагад нийцсэн эсэх талаарх зөвлөмж, дүгнэлт;

0 0 0

34.2.5.цахим системийг хүлээн авсан комиссын акт, дүгнэлт, холбогдох шийдвэр.

0 0 0

35 дугаар зүйл. Гадаад зээл, тусламжийн төслийн санхүүжилт, удирдлага, зохицуулалт

0 0 0

35.1.Санхүү, төсвийн асуудал эрхэлсэн төрийн захиргааны төв байгууллага нь Засгийн газрын гадаад зээл, тусламжийн нэгдсэн бодлого, удирдлага, зохицуулалтыг хэрэгжүүлж, төсөл хэрэгжүүлэгч байгууллага, нэгдсэн төсөл хэрэгжүүлэх нэгжийг бодлого, арга зүйн зөвлөмжөөр хангана.

0 0 0

35.2.Төсөл хэрэгжүүлэгч байгууллага нь гадаад зээл, тусламжийн төслийг төлөвлөсөн хугацаанд хэрэгжүүлэх, хөрөнгийг зориулалтын дагуу зарцуулах, хэрэгжилт, үр дүнг хянах, мэдээллийг ил тод байлгах, тайлагнах чиг үүргийг хэрэгжүүлнэ.

0 0 0

35.3.Гадаад зээл, тусламжийн төслийн удирдлага, хэрэгжилт, санхүүжилт, худалдан авалт, тайлагналт, хяналт-шинжилгээ, үнэлгээ, аудитын үйл ажиллагааны талаар хөгжлийн түншийн журам, зааварт нийцүүлэн гадаад зээл, тусламжийн гэрээ, хэлэлцээрт тусгана.

0 0 0

35.4.Гадаад зээл, тусламжийн төслийн тухайн жилийн санхүүгийн болон үйл ажиллагааны төлөвлөгөөг санхүү, төсвийн асуудал эрхэлсэн Засгийн газрын гишүүн болон тухайн салбарын асуудал эрхэлсэн Засгийн газрын гишүүн дараах байдлаар хамтран батална:

0 0 0

35.4.1.төслийн тухайн жилийн худалдан авах ажиллагаа, санхүүгийн болон үйл ажиллагааны төлөвлөгөөг өмнөх оны 12 дугаар сарын 15-ны өдрийн дотор батлах;

0 0 0

35.4.2.энэ хуулийн 35.4.1-д заасан төлөвлөгөөнд төсөл хэрэгжүүлэгч болон ашиглагч байгууллагын саналыг тусгасан байх.

0 0 0

35.5.Гадаад зээл, тусламжийн хөрөнгөөр төслийн тухайн жилийн худалдан авах ажиллагаа, санхүүгийн болон үйл ажиллагааны төлөвлөгөөнд тусгагдсан арга хэмжээг санхүүжүүлнэ.

0 0 0

35.6.Гадаад зээл, тусламжийн гэрээнд өөрөөр заагаагүй бол барилга байгууламж, их засвар, тоног төхөөрөмж зэрэг төслийн санхүүжилтийн гүйцэтгэлийг энэ хуульд заасны дагуу хянан баталгаажуулна.

0 0 0

35.7.Төсөл хэрэгжүүлэгч байгууллага нь гадаад зээл, тусламжийн хөрөнгөөр санхүүжүүлж буй барилга байгууламж, их засварын ажлын гүйцэтгэлийн зардлыг тухайн ажлыг дуусгаж, хүлээлгэн өгөх хүртэл дуусаагүй барилгын дансанд хуримтлуулан бүртгэж, санхүүгийн тайланд холбогдох ангиллаар тайлагнана.

0 0 0

35.8.Төсөл хэрэгжүүлэгч байгууллага нь гадаад зээл, тусламжийн хөрөнгөөр санхүүжүүлж буй тоног төхөөрөмжийг хүлээн авсан актаар баталгаажсан өртгөөр нь хөрөнгийн бүртгэлд бүртгэж, санхүүгийн тайланд холбогдох ангиллаар тайлагнана.

0 0 0

35.9.Гадаад зээл, тусламжийн төсөлд татвар, хураамж ногдуулах, гаалийн болон нэмэгдсэн өртгийн албан татварын хөнгөлөлт, чөлөөлөлт үзүүлэхтэй холбоотой харилцааг Монгол Улсын татварын хууль тогтоомж болон хөгжлийн түнштэй байгуулсан олон улсын гэрээ, хэлэлцээрт заасныг баримтлан зохицуулна.

0 0 0

35.10.Гадаад зээл, тусламжийн төслийн энэ хуулийн 35.9-д заасан гаалийн болон нэмэгдсэн өртгийн албан татварын хөнгөлөлт, чөлөөлөлт нь тухайн төсөлд оруулж байгаа Монгол Улсын Засгийн газрын хувь оролцоо болох бөгөөд тухайн төслийн нийт өртөгт оруулж тооцно.

0 0 0

35.11.Гадаад зээл, тусламжийн хөрөнгийг олон улсын гэрээ, хэлэлцээрт заасан зориулалтаас өөр зориулалтаар зарцуулах, зориулалтын бус зардал гаргахыг хориглоно.

0 0 0

35.12.Төсөл хэрэгжүүлэгч байгууллага нь гадаад зээл, тусламжийн төслийн үр дүнд бий болсон өмч, хөрөнгийг тухайн хөрөнгийг бий болгоход зарцуулсан гадаад зээл, тусламжийн санхүүжилт, улс, орон нутгийн төсвийн санхүүжилт, бусад байгууллагын эх үүсвэр, татварын хөнгөлөлт, чөлөөлөлт болон бусад нэмэлт зардлыг тодорхойлж, нийт хөрөнгийн дүнгээр нь өмчийн бүртгэлд бүртгэн, санхүүгийн тайланд тусгана.

0 0 0

35.13.Төрийн аудитын байгууллага гадаад зээл, тусламжийн төсөлд санхүүгийн болон гүйцэтгэлийн аудит хийх бөгөөд аудитын зардлыг тухайн төслийн гэрээ, хэлэлцээрт заасны дагуу холбогдох эх үүсвэрээс санхүүжүүлнэ.

0 0 0

35.14.Энэ хуулийн 4.1.3-т зааснаас бусад байгууллага хооронд хийгдсэн гадаад тусламжийн гэрээний харилцаанд энэ хууль хамаарахгүй бөгөөд төсвийн ерөнхийлөн захирагч, төсөл хэрэгжүүлэгч нь байгууллага хооронд хэрэгжүүлж буй гадаад тусламжийн төслийн нийтийн зориулалттай хөрөнгө оруулалтын мэдээллийг энэ хуульд заасны дагуу мэдээллийн нэгдсэн санд бүртгүүлж, мэдээллийг хүргүүлнэ.

0 0 0

36 ДУГААР ЗҮЙЛ
ГАДААД ЗЭЭЛ, ТУСЛАМЖИЙН ТӨСЛИЙН ХЭРЭГЖИЛТ, ХУГАЦАА СУНГАХ, ДУУСГАВАР БОЛГОХ, ХӨРӨНГИЙГ ДАХИН ХУВААРИЛАХ

36.1.Санхүү, төсвийн асуудал эрхэлсэн төрийн захиргааны төв байгууллага нь төсвийн ерөнхийлөн захирагч, төсөл хэрэгжүүлэгч байгууллага болон хөгжлийн түнштэй зөвшилцөн гадаад зээл, тусламжийн төслийн хэрэгжилт, үр дүнд хамтарсан үнэлгээг хагас жил тутам, шаардлагатай бол улирал тутам зохион байгуулж, хэрэгжилтийг төсвийн ерөнхийлөн захирагч, төсөл хэрэгжүүлэгч байгууллага өөр өөрийн чиг үүргийн хүрээнд хангаж, тайлагнана.

0 0 0

36.2.Энэ хуулийн 36.4-т зааснаас бусад тохиолдолд төсөл хэрэгжүүлэгч байгууллага гадаад зээл, тусламжийн төслийг өөрийн бүтэц, орон тоо, чиг үүргийн хүрээнд хэрэгжүүлэх бөгөөд тухайн төслийн гэрээ, хэлэлцээрт заасны дагуу төсвийн ерөнхийлөн захирагчийн харьяаны нэгдсэн төсөл хэрэгжүүлэх нэгжээр дамжуулан хэрэгжүүлж болно.

0 0 0

36.3.Нэгдсэн төсөл хэрэгжүүлэх нэгж нь дараах үндсэн чиг үүргийг хэрэгжүүлнэ:

0 0 0

36.3.1.тухайн салбарт хэрэгжиж байгаа болон шинээр эхлэх төсөл тус бүрийн хэрэгжилт, үйл ажиллагааг нэгтгэн зохион байгуулж, төслийн тогтвортой, тасралтгүй байдал, үр дүнг ханган ажиллах;

0 0 0

36.3.2.төслийн санхүүгийн удирдлага, худалдан авах ажиллагааг холбогдох хууль тогтоомж болон хөгжлийн түншийн шаардлагад нийцүүлэн зохион байгуулах;

0 0 0

36.3.3.төслийн хэрэгжилт, үр дүнд хяналт-шинжилгээ, үнэлгээ хийж, тайланг энэ хуулийн 42 дугаар зүйлд зааснаар хүргүүлэх.

0 0 0

36.4.Гадаад зээл, тусламжийн төслийг дараах тохиолдолд тусгайлсан төсөл хэрэгжүүлэх нэгжээр дамжуулан хэрэгжүүлж болох бөгөөд төсөл хэрэгжүүлэх нэгж нь энэ хууль болон холбогдох гэрээ, хэлэлцээрт заасан чиг үүргийг хэрэгжүүлнэ:

0 0 0

36.4.1.хуульд зааснаар тухайн төслийн үйл ажиллагаа, мэдээлэл төрийн нууцад хамаарах тохиолдолд;

0 0 0

36.4.2.Гамшгаас хамгаалах тухай хуульд заасан аюулт үзэгдлийн нөхцөл байдал үүссэн тохиолдолд.

0 0 0

36.5.Нэгдсэн төсөл хэрэгжүүлэх нэгж болон тусгайлсан төсөл хэрэгжүүлэх нэгж нь Төсвийн тухай хуульд заасан төсвийн байгууллага байна.

0 0 0

36.6.Хууль тогтоомжид заасны дагуу эрх бүхий байгууллагаас төсөл хэрэгжүүлэгч төсвийн ерөнхийлөн захирагч, эсхүл төсөл хэрэгжүүлэгч байгууллагыг өөрчлөх шийдвэр гарсан тохиолдолд санхүү, төсвийн асуудал эрхэлсэн төрийн захиргааны төв байгууллага хөгжлийн түнштэй зөвшилцсөнөөр гадаад зээл, тусламжийн гэрээ болон төслийн баримт бичигт шаардлагатай нэмэлт, өөрчлөлтийг оруулна.

0 0 0

36.7.Энэ хуулийн 36.6-д заасны дагуу төслийг шилжүүлэн авсан төсвийн ерөнхийлөн захирагч, эсхүл төсөл хэрэгжүүлэгч байгууллага нь тухайн төслийн тасралтгүй, тогтвортой үйл ажиллагааг ханган ажиллана.

0 0 0

36.8.Төсөл хэрэгжүүлэгч байгууллагын хүсэлтийг үндэслэн санхүү, төсвийн асуудал эрхэлсэн төрийн захиргааны төв байгууллага дараах тохиолдолд гадаад зээл, тусламжийн төслийн хугацааг сунгах асуудлыг хөгжлийн түншид хүргүүлнэ:

0 0 0

36.8.1.төслийн хэрэгжилтийн явцад ажлын тоо хэмжээ, цар хүрээ өөрчлөгдсөн;

0 0 0

36.8.2.Засгийн газар, Улсын Их Хурлаас холбогдох шийдвэр гарсан.

0 0 0

36.9.Гадаад зээлийн хөрөнгөөр хэрэгжүүлэх төслийн хугацааг энэ хуулийн 36.8-д заасны дагуу сунгахад зээлийн үндсэн төлбөрөөс чөлөөлөх хугацаа дуусахаас өмнө төслийг хэрэгжүүлж дуусгахаар төлөвлөх бөгөөд зайлшгүй шаардлагаар уг хугацааг сунгах бол үүнээс үүдэн гарах зээлийн хүү, хөрөнгө баталгаажуулсны төлбөрийг төсөл хэрэгжүүлэгч байгууллага хариуцна.

0 0 0

36.10.Гадаад зээл, тусламжийн төслийг дараах тохиолдолд дуусгавар болсонд тооцно:

0 0 0

36.10.1.зээл, тусламжийн гэрээнд заасан хугацаанд, эсхүл уг хугацаанаас өмнө төслийн зорилго, үр дүн бүрэн биелсэн;

0 0 0

36.10.2.төслийг цаашид үргэлжлүүлэх шаардлагагүй болсон нь тогтоогдож, төслийг дуусгавар болгох талаар холбогдох талууд харилцан тохиролцсон;

0 0 0

36.10.3.зээл, тусламжийн гэрээ хүчин төгөлдөр болсноос хойш нэг жилийн дотор бараа, ажил, үйлчилгээний гэрээ байгуулаагүй бөгөөд төслийг эхлээгүй тохиолдолд.

0 0 0

36.11.Төсөл хэрэгжүүлэгч байгууллага нь дараах нөхцөл үүссэн тохиолдолд гадаад зээл, тусламжийн төслийн бүтэц, бүрэлдэхүүн, хөрөнгийн хуваарилалтад нэмэлт, өөрчлөлт оруулах хүсэлтийг санхүү, төсвийн асуудал эрхэлсэн төрийн захиргааны төв байгууллагад хүргүүлнэ:

0 0 0

36.11.1.гадаад зээл, тусламжийн эх үүсвэрийг шийдвэрлэх, гэрээ байгуулах, хүчин төгөлдөр болох хугацаанд хэрэгжүүлэхээр төлөвлөсөн зарим арга хэмжээний ач холбогдол буурч, цаашид хэрэгжүүлэх шаардлагагүй болсныг төслийн хэрэгжилтэд хийсэн хяналт-шинжилгээ, үнэлгээгээр тогтоосон;

0 0 0

36.11.2.төсөл хэрэгжүүлэгч байгууллага, хөгжлийн түншийн хамтарсан хэрэгжилтийн үнэлгээгээр төслийн ажлын тоо хэмжээ, цар хүрээ өөрчлөгдсөн;

0 0 0

36.11.3.Гамшгаас хамгаалах тухай хуульд заасан аюулт үзэгдлийн улмаас төслийн хүрээнд нийлүүлж байгаа бараа, ажил, үйлчилгээг цаг хугацаанд нь гүйцэтгэх боломжгүй болсон;

0 0 0

36.11.4.төсвийн хэмнэлт бий болсон тохиолдолд;

0 0 0

36.11.5.төсөл хэрэгжүүлэгч байгууллага зээлийн үндсэн төлбөр төлөх хуваарь, эргэн төлөлтийн тооцоолол хийж төсөвт нэмэлт зардал үүсгэхгүй болохыг баталгаажуулсан.

0 0 0

36.12.Санхүү, төсвийн асуудал эрхэлсэн төрийн захиргааны төв байгууллага энэ хуулийн 36.11-д заасан хүсэлтийг судлан хянаж, төслийн хөрөнгийг дахин хуваарилах эсэх талаар шийдвэр гаргах бөгөөд уг шийдвэр нь гадаад зээл, тусламжийн гэрээ, хэлэлцээрт заасан зориулалт, дүнд нийцсэн, хөрөнгө дахин хуваарилах үндэслэл, төслийн үр дүн болон төсөвт үзүүлэх нөлөөг тооцсон байна.

0 0 0

36.13.Санхүү, төсвийн асуудал эрхэлсэн төрийн захиргааны төв байгууллага нь энэ хуулийн 36.12-т зааснаар гадаад зээл, тусламжийн төслийн хөрөнгийг дахин хуваарилахаар шийдвэрлэсэн тохиолдолд уг шийдвэрийг хөгжлийн түншид хүргүүлнэ.

0 0 0

36.14.Энэ хуулийн 36.11 болон 36.12-т зааснаас бусад тохиолдолд гадаад зээл, тусламжийн гэрээнд зааснаас өөр зориулалтаар төслийн хөрөнгийн дахин хуваарилалт хийх, төслийн зориулалт, бүрэлдэхүүн хэсэг хооронд хөрөнгө шилжүүлэхийг хориглоно.

0 0 0

36.15.Энэ хуулийн 36.8, 36.12-т заасны дагуу гадаад зээл, тусламжийн төслийн гэрээний хугацааг сунгах, эсхүл төслийн хөрөнгийг дахин хуваарилах асуудлыг талууд тохиролцон шийдвэрлэсэн бол энэ талаар гэрээ, хэлэлцээр болон холбогдох баримт бичигт тусгаж оруулна.

0 0 0

37 ДУГААР ЗҮЙЛ
ТӨСЛИЙН ЗАРДЛЫН САНХҮҮЖИЛТ

37.1.Барилга байгууламж, их засварын ажлын төсөвт өртөгт зохиогчийн хяналт, захиалагчийн хяналт, магадалшгүй ажил, нэмэгдсэн өртгийн албан татвар, зураг төсөл, зөвлөх үйлчилгээ, төсвийн хөрөнгө оруулалтын удирдлагын санд төвлөрүүлэх зэрэг зардлыг барилгын үнэ бүрдлийн дүрмийн дагуу нэг бүрчлэн тооцож тусгана.

0 0 0

37.2.Магадалшгүй ажлын зардлыг барилгын гүйцэтгэгч, захиалагч талууд харилцан тохиролцсон магадалшгүй ажлын актын дагуу зураг төсөлд тусгагдаагүй нэмэлт ажлыг санхүүжүүлэхэд зарцуулах бөгөөд уг зардлыг магадалшгүй ажлыг санхүүжүүлэх шийдвэр, хурлын тэмдэглэл, төсөв, бусад нотлох баримт, фото зураг, гэрээний гүйцэтгэл болон холбогдох норм, нормативын баримт бичиг, дүрмийг үндэслэн хянан баталгаажуулж, санхүүжүүлнэ.

0 0 0

37.3.Техник, эдийн засгийн үндэслэл, зураг төсөл, төсөв боловсруулсан зардал, зохиогчийн хяналт болон захиалагчийн техникийн хяналтын зардлыг төсөл хэрэгжүүлэх гэрээ, гэрээний гүйцэтгэл, ажлын тайлан болон холбогдох норм, нормативын баримт бичиг, дүрмийг үндэслэн санхүүжүүлнэ.

0 0 0

37.4.Төсвийн орлого бүрдүүлэлт, эх үүсвэр хүрэлцээгүйн улмаас энэ хуульд заасан хугацаанд төслийг санхүүжүүлэх боломжгүй нөхцөл үүссэн тохиолдолд төслийн санхүүжилтийн эрхийг нээхэд цахим системд бүртгэгдсэн огнооны дарааллыг баримтална.

0 0 0

37.5.Төсвийн орлого бүрдүүлэлт, эх үүсвэр хүрэлцээгүйн улмаас төсвийн хөрөнгө оруулалтын төсөлд энэ хуульд заасан хугацаанд санхүүжилт олгоогүй нь хариуцлага хүлээлгэх үндэслэл болохгүй.

0 0 0

37.6.Энэ хуульд зааснаар санхүүжилтийг гүйцэтгэгчид олгосноос гарах аливаа эрсдэл, үр дагаврыг гүйцэтгэгч болон санхүүжилтийг хянан баталгаажуулсан захиалагч хариуцна.

0 0 0

38 ДУГААР ЗҮЙЛ
ТӨСЛИЙН САНХҮҮЖИХ ДҮНД ХИЙХ ХӨРӨНГИЙН ЗОХИЦУУЛАЛТ

38.1.Засгийн газар тухайн жилийн төсвийн тухай хуулиар улсын төсвийн хөрөнгө оруулалтаар хэрэгжүүлэхээр батлагдсан төслийн санхүүжих дүнд хөрөнгийн зохицуулалт хийх асуудлыг шийдвэрлэнэ.

0 0 0

38.2.Энэ хуулийн 38.1-д заасан хөрөнгийн зохицуулалт нь дараах шаардлагыг хангасан байна:

0 0 0

38.2.1.төсвийн ерөнхийлөн захирагчийн төсвийн багцын дүнд багтсан байх;

0 0 0

38.2.2.хуулиар батлагдсан төслийн төсөвт өртөг, нэр, байршил, хүчин чадалд өөрчлөлт оруулахгүй зөвхөн тухайн жилийн санхүүжих дүнд зохицуулалт хийх;

0 0 0

38.2.3.санхүүжилтийн зохицуулалтыг тухайн төслийн хэрэгжилт, гүйцэтгэлд үндэслэх;

0 0 0

38.2.4.санхүүжилтийн зохицуулалтыг эдийн засгийн ангилал хооронд хийхгүй бөгөөд хөрөнгийн зохицуулалтад хамаарах төсөл нь дараа онд үргэлжлэн хэрэгжих төсөл байх.

0 0 0

38.3.Санхүү, төсвийн асуудал эрхэлсэн төрийн захиргааны төв байгууллага энэ хуулийн 10.1.4-т заасан журмын дагуу хөрөнгийн зохицуулалт хийх шийдвэрийг зохион байгуулна.

0 0 0

39 ДҮГЭЭР ЗҮЙЛ
ТӨСӨВТ ӨРТГИЙН ӨӨРЧЛӨЛТ

39.1.Төсвийн хөрөнгө оруулалтын төслийг батлагдсан төсөвт өртөгт багтаан хэрэгжүүлнэ.

0 0 0

39.2.Төсвийн хөрөнгө оруулалтын төслийн төсөвт өртгийг дараах үндэслэлээр өөрчлөхийг хориглоно:

0 0 0

39.2.1.батлагдсан зураг төсөл, төсвийн дутуу тооцоолол, төлөвлөлтийн алдаа;

0 0 0

39.2.2.захиалагч, гүйцэтгэгчийн буруутай үйл ажиллагаа;

0 0 0

39.2.3.захиалагчид урьдчилан мэдэгдэлгүй гүйцэтгэгчийн хийж гүйцэтгэсэн нэмэлт ажил.

0 0 0

39.3.Төсвийн хөрөнгө оруулалтын төслийн төсөвт өртгийн өөрчлөлтийг дараах журмаар шийдвэрлэнэ:

0 0 0

39.3.1.захиалагч нь төслийг батлагдсан төсөвт өртөгт багтаан хэрэгжүүлэх боломжгүй болсон талаарх тайлбар, баримтыг төсвийн ерөнхийлөн захирагчид хүргүүлэх;

0 0 0

39.3.2.төсвийн ерөнхийлөн захирагч нь захиалагчийн тайлбар, баримтыг судлан, төслийг зогсоох, эсхүл шаардлагатай тохиолдолд зураг төслийг шинэчлэх, зураг төсөлд өөрчлөлт оруулах тухай шийдвэр гаргах;

0 0 0

39.3.3.төсвийн ерөнхийлөн захирагч нь энэ хуулийн 39.3.2-т заасан шийдвэр, шинэчилсэн, өөрчлөгдсөн зураг төсөл, төсөв болон холбогдох бусад баримт бичгийг санхүү, төсвийн асуудал эрхэлсэн төрийн захиргааны төв байгууллагад хүргүүлэх;

0 0 0

39.3.4.санхүү, төсвийн асуудал эрхэлсэн төрийн захиргааны төв байгууллага нь энэ хуулийн 39.3.3-т зааснаар ирүүлсэн баримт бичигт эрх бүхий этгээдээр аудитын болон шинжээчийн дүгнэлт гаргуулах;

0 0 0

39.3.5.төсвийн ерөнхийлөн захирагч нь энэ хуулийн 39.3.4-т заасан аудитын болон шинжээчийн дүгнэлтэд үндэслэн төслийн төсөвт өртөгт өөрчлөлт оруулах саналыг энэ хуульд заасан шаардлагын дагуу боловсруулж, тухайн оны төсвийн төсөлд үргэлжлүүлэх эсэх саналыг хүргүүлэх.

0 0 0

39.4.Орон нутгийн төсөв, орон нутгийн хөгжлийн сангийн хөрөнгөөр хэрэгжүүлэх төслийн төсөвт өртгийг өөрчлөхөд энэ хуулийн 39.1, 39.2, 39.3 дахь хэсгийг баримтална.

0 0 0

39.5.Төсвийн хөрөнгө оруулалтын төслийн төсөвт өртгийг өөрчилсөн шийдвэр, түүний үндэслэл болон санхүүжилтийн эх үүсвэрийн талаарх мэдээллийг цахим системээр олон нийтэд ил тод, нээлттэй танилцуулна.

0 0 0

40 ДҮГЭЭР ЗҮЙЛ
ТӨСЛИЙН ХЭРЭГЖИЛТЭД ТАВИХ ХЯНАЛТ

40.1.Төсвийн хөрөнгө оруулалтын төслийн хэрэгжилтэд тавих хяналт нь төслийн үр дүн, төсвийн үр ашгийг хангах зорилготой бөгөөд захиалагчийн техникийн хяналт, зураг төсөл зохиогчийн хяналт болон хөндлөнгийн хяналтаар хэрэгжинэ.

0 0 0

40.2.Захиалагч нь гэрээний хэрэгжилт, ажлын чанар, хугацаа, гүйцэтгэл болон төсвийн хөрөнгийн зарцуулалтад хяналт тавих бөгөөд төслийн тайлангийн үнэн зөв байдлыг бүрэн хариуцна.

0 0 0

40.3.Захиалагч нь төсөл хэрэгжүүлэх гэрээний хэрэгжилт, гүйцэтгэлийг хянах бөгөөд гүйцэтгэгч гэрээний үүргээ зохих ёсоор биелүүлээгүй, ажлын үе шатны хуваарийг мөрдөөгүй тохиолдолд гүйцэтгэгчид сануулах, алданги тооцох, гэрээг цуцлах зэрэг арга хэмжээ авна.

0 0 0

40.4.Захиалагчийн техникийн хяналт хэрэгжүүлэгч нь төслийн хэрэгжилтэд захиалагчийг төлөөлж энэ хууль, холбогдох хууль тогтоомж, норм, нормативын баримт бичигт заасны дагуу техникийн хяналтыг хэрэгжүүлэх бөгөөд хараат бусаар, мэргэжлийн түвшинд ажиллаж, үнэн зөв байдлыг хариуцна.

0 0 0

40.5.Зураг төслийн зохиогчийн хяналт хэрэгжүүлэгч нь төслийг зураг төсөл, холбогдох норм, нормативын баримт бичиг, техникийн шаардлагын дагуу хэрэгжиж байгаа эсэхэд хяналт тавьж, үнэн зөв байдлыг хариуцна.

0 0 0

40.6.Захиалагч нь захиалагчийн техникийн хяналтыг тендер шалгаруулалтын үндсэн дээр захиалагч болон гүйцэтгэгчээс хараат бус, эрх бүхий мэргэжлийн этгээдээр зөвлөх үйлчилгээний гэрээгээр гүйцэтгүүлж болно.

0 0 0

40.7.Захиалагчийн техникийн хяналт болон зураг төсөл зохиогчийн хяналт хэрэгжүүлэгч нь дараах нийтлэг чиг үүргийг хэрэгжүүлнэ:

0 0 0

40.7.1.хариуцлагатай, хэмнэлттэй, үр дүнтэй, ил тод, нээлттэй ажиллах;

0 0 0

40.7.2.төслийн хэрэгжилт, гүйцэтгэл, санхүүжилтийн явц бүрд батлагдсан зураг төсөл, төсөв, норм, нормативын баримт бичиг, стандарт шаардлагын дагуу хэрэгжиж байгаа эсэхэд хяналт тавьж, зөрчлийг арилгах шаардлага тавих;

0 0 0

40.7.3.төслийн хяналтын тэмдэглэл хөтлөх, нэгдсэн дүгнэлт, тайлан, санал, зөвлөмж гаргах.

0 0 0

40.8.Төслийн гүйцэтгэгч нь төслийн хяналтын тайланд тусгагдсан зөвлөмж, шаардлагыг хэрэгжүүлж, гүйцэтгэлд тусгана.

0 0 0

40.9.Төслийн хэрэгжилтэд хяналт тавих болон хяналт хэрэгжүүлэгчийн чиг үүрэг, тавигдах шаардлага зэрэг асуудлыг энэ хуулийн 10.1.4-т заасан журмаар зохицуулна.

0 0 0

40.10.Төсвийн захирагч, захиалагч, захиалагчийн техникийн болон зураг төсөл зохиогчийн хяналт хэрэгжүүлэгч нь төслийн батлагдсан төсөвт өртгийг нэмэгдүүлэх үр дагавар бүхий аливаа шийдвэрийг бие даан гаргахгүй.

0 0 0

41 ДҮГЭЭР ЗҮЙЛ
ТАЙЛАГНАЛТ, ҮР ДҮН

41.1.Санхүү, төсвийн асуудал эрхэлсэн төрийн захиргааны төв байгууллага нь тухайн жилд батлагдсан нийт төслийн санхүүжилтийн гүйцэтгэл, хэрэгжилтийн явцын нэгдсэн мэдээллийг энэ хуульд зааснаар тогтмол ил тод, нээлттэй тайлагнана.

0 0 0

41.2.Төсвийн ерөнхийлөн захирагч, аймаг, нийслэлийн Засаг дарга нь төсвийн хөрөнгө оруулалтын төслийн хэрэгжилт, санхүүжилтийн мэдээллийг цахим системд бүртгэж, санхүүжилт олгох бүрд мэдээллийг шинэчлэн олон нийтэд нээлттэй байршуулна.

0 0 0

41.3.Төсвийн ерөнхийлөн захирагч ашиглалтад орсон барилга байгууламжийн мэдээлэл, хэрэгжүүлсэн төслийн нэгтгэсэн тайланг дараа оны 2 дугаар сарын 1-ний өдрийн дотор энэ хуулийн 10.1.4-т заасан журмын дагуу боловсруулж, санхүү, төсвийн асуудал эрхэлсэн төрийн захиргааны төв байгууллагад хүргүүлж, тайлагнана.

0 0 0

41.4.Төсвийн ерөнхийлөн захирагч нь өөрийн багцад төсвийн хөрөнгө оруулалтаар тухайн жилд батлагдсан нийт төслийн гүйцэтгэл, үр дүнгийн тайланг энэ хуулийн 10.1.4-т заасан журмын дагуу боловсруулж, санхүү, төсвийн асуудал эрхэлсэн төрийн захиргааны төв байгууллагад Төсвийн тухай хуулийн 8.9.5-д заасан цаглаврын дагуу хүргүүлж, тайлагнана.

0 0 0

41.5.Санхүү, төсвийн асуудал эрхэлсэн төрийн захиргааны төв байгууллага нь энэ хуулийн 41.4-т заасан төслийн гүйцэтгэл, үр дүнгийн тайланг Төсвийн тухай хуулийн 8.10-т заасны дагуу нэгтгэн боловсруулж, төрийн аудитын төв байгууллагад хүргүүлж, тайлагнана.

0 0 0

41.6.Төсвийн ерөнхийлөн захирагч, аймаг, нийслэлийн Засаг дарга төсвийн хөрөнгө оруулалтын төслүүдийн хэрэгжилт, гүйцэтгэл, санхүүжилтийн сарын мэдээг дараа сарын 5-ны өдрийн дотор санхүү, төсвийн асуудал эрхэлсэн төрийн захиргааны төв байгууллагад цахим системээр баталгаажуулан хүргүүлнэ.

0 0 0

41.7.Санхүү, төсвийн асуудал эрхэлсэн төрийн захиргааны төв байгууллага төсвийн хөрөнгө оруулалтын гүйцэтгэлийн санхүүжилт, төслийн явц, хэрэгжилтийн мэдээллийг хагас жил тутам Засгийн газарт танилцуулна.

0 0 0

41.8.Захиалагч нь тухайн жилд хэрэгжүүлсэн захиалагчийн техникийн хяналтын ажил, түүнд зарцуулсан хөрөнгө болон хяналтын үр дүнгийн нэгдсэн тайланг дараа оны 1 дүгээр сарын 20-ны өдрийн дотор цахим системээр санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

0 0 0

42 ДУГААР ЗҮЙЛ
ТӨСЛИЙН ХЯНАЛТ-ШИНЖИЛГЭЭ, ҮНЭЛГЭЭ БОЛОН ТАЙЛАГНАЛТ

42.1.Аймаг, нийслэлийн Засаг дарга нь орон нутгийн төсвийн хөрөнгө оруулалтын төслийн хэрэгжилтэд хяналт тавьж, төслийн явцын хяналт-шинжилгээ болон төсөл хэрэгжиж дууссаны дараах үнэлгээг хийж, тайланг дараа оны 2 дугаар сарын 1-ний өдрийн дотор холбогдох салбарын төсвийн ерөнхийлөн захирагчид хүргүүлнэ.

0 0 0

42.2.Төсөл хэрэгжүүлэх нэгж, эсхүл нэгдсэн төсөл хэрэгжүүлэх нэгж нь гадаад зээл, тусламжийн төслийн хэрэгжилтэд хяналт тавьж, төслийн явцын хяналт-шинжилгээ болон төсөл хэрэгжиж дууссаны дараах үнэлгээг хийж, тайланг дараа оны 2 дугаар сарын 1-ний өдрийн дотор холбогдох салбарын төсвийн ерөнхийлөн захирагчид хүргүүлнэ.

0 0 0

42.3.Төсвийн ерөнхийлөн захирагч нь салбарын хэмжээнд төслийн хэрэгжилтэд хяналт-шинжилгээ, үнэлгээ хийх, тайлан, дүгнэлт, зөвлөмжийг хэлэлцэх, холбогдох арга хэмжээг авах, биелэлтэд хяналт тавих, удирдлага зохицуулалтаар хангах, нэгтгэн тайлагнах чиг үүргийг хэрэгжүүлнэ.

0 0 0

42.4.Төсвийн ерөнхийлөн захирагч тухайн салбарын төслийн хяналт-шинжилгээ, үнэлгээний тайлан болон энэ хуулийн 42.1, 42.2-т зааснаар ирүүлсэн тайланг нэгтгэн, хяналт-шинжилгээ, үнэлгээний нэгдсэн тайланг жил бүрийн 3 дугаар сарын 1-ний дотор санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

0 0 0

42.5.Санхүү, төсвийн асуудал эрхэлсэн төрийн захиргааны төв байгууллага нь энэ хуулийн 42.4-т зааснаар ирүүлсэн тайланг нэгтгэн, төсвийн хөрөнгө оруулалтын хэрэгжилт, үр дүн, дүгнэлт, зөвлөмжийн хамт Засгийн газарт жил бүрийн 5 дугаар сарын 1-ний өдрийн дотор танилцуулна.

0 0 0

42.6.Төсвийн хөрөнгө оруулалтын төслийн суурь нөхцөл байдал, хэрэгжилтийн явц, үйл ажиллагааны зорилт, шалгуур үзүүлэлтийн гүйцэтгэл, үр дүнг үнэлэх, тулгамдсан асуудлыг тодорхойлох, түүнийг шийдвэрлэх, үр нөлөөг нэмэгдүүлэх хүрээнд төслийн хяналт-шинжилгээ, үнэлгээг энэ хуулийн 10.1.4-т заасан журмын дагуу цахим системээр хийнэ.

0 0 0

42.7.Төсвийн ерөнхийлөн захирагч нь гадаад зээл, тусламжийн төслийн санхүүгийн болон худалдан авах ажиллагааны төлөвлөгөөний гүйцэтгэл, тайланг үнэн зөв гаргах, барилга байгууламж, их засварын ажилд хуульд зааснаар хяналт, шалгалт хийх бөгөөд төслийн хөрөнгийн зарцуулалт, хэрэгжүүлсэн үйл ажиллагаа, хөрөнгө оруулалтын ажлын чанарыг бүрэн хариуцна.

0 0 0

42.8.Төсвийн ерөнхийлөн захирагч нь Төсвийн тухай хууль болон хөгжлийн түншийн заавар, журамд заасан хугацаанд гадаад зээл, тусламжийн төслийн төсвийн гүйцэтгэл, санхүүгийн тайланд аудит хийлгэж, тухай бүр тайлагнах бөгөөд шилэн дансны системд төслийн тайлан, мэдээг холбогдох хууль тогтоомжид заасны дагуу байршуулна.

0 0 0

ТАВДУГААР БҮЛЭГ
ТӨСВИЙН ХӨРӨНГӨ ОРУУЛАЛТЫН УДИРДЛАГЫН ИЛ ТОД, НЭЭЛТТЭЙ БАЙДАЛ, ЦАХИМ СИСТЕМИЙН УДИРДЛАГА

43 ДУГААР ЗҮЙЛ
МЭДЭЭЛЛИЙН НЭГДСЭН САН, ИЛ ТОД, НЭЭЛТТЭЙ БАЙДАЛ

43.1.Төсвийн хөрөнгө оруулалтын төслийн төлөвлөлт, хэрэгжилт, санхүүжилт, хяналт, тайлагналтын мэдээллийг бүртгэх, боловсруулах, хадгалах, хуульд заасны дагуу олон нийтэд нээлттэй мэдээлэх зорилгоор төсвийн хөрөнгө оруулалтын мэдээллийн нэгдсэн сантай байна.

0 0 0

43.2.Мэдээллийн нэгдсэн сан нь дараах мэдээллийг агуулна:

0 0 0

43.2.1.улс, орон нутгийн төсөв, орон нутгийн хөгжлийн сан болон гадаад зээл, тусламжийн эх үүсвэрээр хэрэгжүүлж байгаа болон хэрэгжүүлсэн төслийн төлөвлөлт, хэрэгжилт, санхүүжилт, хяналт, тайлагналт, үр дүнгийн мэдээлэл;

0 0 0

43.2.2.төр, хувийн хэвшлийн түншлэл, төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын төлөвлөлт, хэрэгжилт, санхүүжилт болон үр дүнгийн мэдээлэл.

0 0 0

43.3.Төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын дараах мэдээллийг энэ хуулийн 43.1-д заасан мэдээллийн нэгдсэн санд бүртгэнэ:

0 0 0

43.3.1.төлөвлөж байгаа төслийн нэр, байршил, хүчин чадал, төсөвт өртөг, хэрэгжих хугацаа болон худалдан авах ажиллагааны мэдээлэл;

0 0 0

43.3.2.төслийн хэрэгжилтийн явцын мэдээллийг хагас жил тутам;

0 0 0

43.3.3.хэрэгжиж дууссан төслийн үр дүнгийн мэдээлэл;

0 0 0

43.3.4.төслийн үр дүнд бий болсон хөрөнгийн удирдлага, ашиглалтын талаарх мэдээлэл.

0 0 0

43.4.Мэдээллийн нэгдсэн сангийн төрийн нууцад хамаарахаас бусад мэдээлэл олон нийтэд ил тод, нээлттэй байна.

0 0 0

43.5.Санхүү, төсвийн асуудал эрхэлсэн төрийн захиргааны төв байгууллага нь мэдээллийн нэгдсэн сангийн удирдлагыг хэрэгжүүлнэ.

0 0 0

43.6.Төсвийн захирагч, аймаг, нийслэл, сум, дүүргийн төсвийн хөрөнгө оруулалтын асуудал хариуцсан нэгж болон мэдээлэл хариуцагч бусад этгээд нь төсвийн хөрөнгө оруулалтын хэрэгцээ, шаардлагыг тодорхойлох, их өгөгдөлд тулгуурлан оновчтой шийдвэр гаргах болон мэдээллийн нэгдсэн сан бүрдүүлэхэд шаардлагатай мэдээллийг санхүү, төсвийн асуудал эрхэлсэн төрийн захиргааны төв байгууллагад цахим системээр хүргүүлнэ.

0 0 0

43.7.Төрийн болон орон нутгийн өмчит компани, төрийн болон орон нутгийн өмч давамгайлсан компани нь нийтийн зориулалттай хөрөнгө оруулалтын төлөвлөлт, хэрэгжилт, санхүүжилт, ашиглалтын мэдээллийг харьяалах төсвийн ерөнхийлөн захирагчид цахим системээр хүргүүлж, тайлагнана.

0 0 0

43.8.Төсвийн ерөнхийлөн захирагч нь энэ хуулийн 43.7-д заасан төслийн мэдээллийг санхүү, төсвийн асуудал эрхэлсэн төрийн захиргааны төв байгууллагад цахим системээр хүргүүлсний үндсэн дээр мэдээллийг цахим системд байршуулж, олон нийтэд ил тод, нээлттэй мэдээлнэ.

0 0 0

43.9.Энэ хуульд заасны дагуу мэдээлэл бүртгэх, бүрдүүлэх этгээд нь мэдээллийн бүрэн, үнэн зөв байдлыг хариуцна.

0 0 0

43.10.Мэдээллийн нэгдсэн сангийн удирдлага, зохион байгуулалтыг энэ хуулийн 10.1.4-т заасан журмаар зохицуулна.

0 0 0

44 ДҮГЭЭР ЗҮЙЛ
ОЛОН НИЙТИЙН ОРОЛЦОО

44.1.Төсвийн ерөнхийлөн захирагч, захиалагч нь төсвийн хөрөнгө оруулалтын төслийн төлөвлөлт, хэрэгжилт болон хяналт, тайлагналтад олон нийтийн оролцоог хангаж ажиллана.

0 0 0

44.2.Олон нийтийн оролцоог хангахад дараах зарчмыг баримтална:

0 0 0

44.2.1.мэдээллийг хүртээмжтэй, ил тод, ойлгомжтой хэлбэрээр танилцуулах;

0 0 0

44.2.2.хэлэлцүүлэг зохион байгуулах хугацаа, байршил, оролцох хэлбэр, хэлэлцэх асуудал болон санал ирүүлэх журмыг олон нийтэд урьдчилан мэдээлэх;

0 0 0

44.2.3.иргэн, хуулийн этгээд, иргэний нийгмийн байгууллага, олон нийтийн саналыг бүртгэх, үндэслэл бүхий саналыг шийдвэрт харгалзан үзэх.

0 0 0

44.3.Төсвийн хөрөнгө оруулалтаар хэрэгжүүлэх төслийг төлөвлөхөд энэ хуулийн 27.2.1-д заасан цаглаврын дагуу иргэд, олон нийтийн саналыг цахим системээр авч, олон нийтийн оролцоог хангаж ажиллана.

0 0 0

44.4.Төсвийн ерөнхийлөн захирагч, захиалагч нь төслийн хэрэгжилт болон хяналт, тайлагналтын мэдээлэл, тайлан, дүгнэлтийг байгууллагын цахим хуудсанд тухай бүр байршуулна.

0 0 0

44.5.Орон нутгийн иргэдээс төслийн төлөвлөлт, хэрэгжилт болон хяналт, тайлагналтын асуудлаар хэлэлцүүлэг зохион байгуулах санал гаргасан бол захиалагч нь орон нутгийн Засаг даргатай хамтран зохион байгуулж болно.

0 0 0

44.6.Иргэн, хуулийн этгээдийн төслийн хэрэгжилт, хяналт, тайлагналтын талаар мэдээлэл авах хүсэлтэд төсвийн ерөнхийлөн захирагч, захиалагч, Засаг дарга Нийтийн мэдээллийн ил тод байдлын тухай хууль, Төрийн болон албаны нууцын тухай хуулийг баримтлан холбогдох мэдээллийг хүргүүлнэ.

0 0 0

45 ДУГААР ЗҮЙЛ
ЦАХИМ СИСТЕМИЙН УДИРДЛАГА, ЗОХИОН БАЙГУУЛАЛТ

45.1.Төсвийн хөрөнгө оруулалтын удирдлагын цахим системээр дараах үйл ажиллагааг хэрэгжүүлнэ:

0 0 0

45.1.1.төслийг төлөвлөх, үнэлэх, эрэмбэлэх;

0 0 0

45.1.2.төсөл хэрэгжүүлэх гэрээ, гэрээний хэрэгжилт, гүйцэтгэлийн мэдээллийг бүртгэх, хадгалах;

0 0 0

45.1.3.төслийн гүйцэтгэлийн санхүүжилт олгох, холбогдох мэдээллийг бүртгэх, хадгалах;

0 0 0

45.1.4.төслийн хэрэгжилтэд хяналт тавих, хяналт-шинжилгээ, үнэлгээ хийх, тайлагнах;

0 0 0

45.1.5.төслөөр бий болсон хөрөнгийн ашиглалт, үр өгөөжийг тооцох, бүртгэх, холбогдох мэдээллийг бүртгэх, хадгалах;

0 0 0

45.1.6.төслийн гүйцэтгэгчийн нэгдсэн бүртгэл хөтлөх, төслийн гүйцэтгэгчийг үнэлэх, холбогдох мэдээллийг бүртгэх, хадгалах;

0 0 0

45.1.7.гадаад зээл, тусламжийн төслийн хэрэгжилт, гүйцэтгэл, санхүүжилт болон түүнд хамаарах татварын хөнгөлөлт, чөлөөлөлтийн хүсэлт, шийдвэр, хөнгөлөлт, чөлөөлөлтийн дүнг бүртгэх, хянах;

0 0 0

45.1.8.төр, хувийн хэвшлийн түншлэл, төрийн болон орон нутгийн өмчит компани, төрийн болон орон нутгийн өмч давамгайлсан компанийн нийтийн зориулалттай хөрөнгө оруулалтын төлөвлөлт, хэрэгжилт, санхүүжилт, үр дүнгийн мэдээллийг бүртгэх.

0 0 0

45.2.Санхүү, төсвийн асуудал эрхэлсэн төрийн захиргааны төв байгууллага нь цахим системийн хэвийн, тасралтгүй, аюулгүй ажиллагаа, хөгжүүлэлтийг хариуцах бөгөөд энэ хуулийн 45.1-д зааснаар хязгаарлахгүй буюу хуульд заасан бусад чиг үүргийг хэрэгжүүлнэ.

0 0 0

45.3.Аймаг, нийслэлийн Засаг дарга нь орон нутгийн төсвийн хөрөнгө оруулалтын төслийн төлөвлөлт, хэрэгжилт, санхүүжилт, хяналт, тайлагналт, хөрөнгийн удирдлага, ашиглалтын үе шатанд хамаарах мэдээлэл, баримт бичгийг цахим системд бүртгэнэ.

0 0 0

45.4.Хөгжлийн түнш гадаад зээл, тусламжийн төслийн хэрэгжилтийг хариуцах тохиолдолд төсвийн ерөнхийлөн захирагч, төсөл хэрэгжүүлэгч байгууллага нь тухайн төслийн хэрэгжилтийн явц, үр дүнгийн талаарх мэдээ, тайланг тухай бүр цахим системд бүрдүүлнэ.

0 0 0

45.5.Цахим системийн удирдлага, зохион байгуулалтад энэ хуулийн 10.1.4-т заасан журмыг мөрдөж ажиллана.

0 0 0

45.6.Цахим системийн хэрэглэгч нь цахим системд дараах журмыг мөрдөнө:

0 0 0

45.6.1.цахим системд бүртгэх мэдээлэл, баримт бичгийн иж бүрэн, үнэн зөв байдлыг хариуцах ба зохих мэдээллийг оруулах, бүртгэх, баталгаажуулах, илгээх;

0 0 0

45.6.2.хэрэглэгчийн эрхийн нууцлалт, аюулгүй байдлыг хариуцах ба бусдад дамжуулахгүй, ашиглуулахгүй байх.

0 0 0

45.7.Цахим системээр илгээсэн болон албан бичгээр хүргүүлсэн баримт бичиг, мэдээллийн хооронд зөрүү үүссэн тохиолдолд албан бичгийн эх сурвалжийг баримтална.

0 0 0

45.8.Гамшгаас хамгаалах тухай хуульд заасан аюулт үзэгдлийн нөхцөл байдлын улмаас цахим системд доголдол үүсэж, ажиллах боломжгүй болсон тохиолдолд доголдол үүссэн, арилсан хугацааг бүртгэж, цахим системийн хэвийн ажиллагааг сэргээх хүртэл баримтлах түр горим, нөхөн бүртгэх хугацааг цахим хуудсаараа олон нийтэд мэдээлнэ.

0 0 0

ЗУРГААДУГААР БҮЛЭГ
ХӨРӨНГИЙН УДИРДЛАГА, АШИГЛАЛТ, ТҮҮНИЙ ҮР ӨГӨӨЖ

46 ДУГААР ЗҮЙЛ
ТӨСВИЙН ХӨРӨНГӨ ОРУУЛАЛТЫН ХӨРӨНГИЙН УДИРДЛАГА

46.1.Төсвийн хөрөнгө оруулалтын төслийн үр дүнд бий болсон хөрөнгө нь төрийн болон орон нутгийн өмч байх бөгөөд хөрөнгийн удирдлагын энэ хуулиар зохицуулснаас бусад харилцааг Төрийн болон орон нутгийн өмчийн тухай хуулиар зохицуулна.

0 0 0

46.2.Орон нутгийн төсвийн хөрөнгө оруулалт, орон нутгийн хөгжлийн сангийн хөрөнгөөр бий болсон хөрөнгийг энэ хуулийн 47 дугаар зүйлд зааснаар орон нутгийн өмчид бүртгэх бөгөөд тэдгээрийн удирдлага, ашиглалтыг энэ хуульд зааснаар зохицуулна.

0 0 0

46.3.Төр, хувийн хэвшлийн түншлэлийн гэрээний дагуу шинээр бий болсон, эсхүл түншлэлийн зүйлийн эзэмших, ашиглах, өмчлөх эрх нь шилжсэн хөрөнгийн удирдлага, өмчлөл, бүртгэлийн харилцааг Төр, хувийн хэвшлийн түншлэлийн тухай хуулиар зохицуулна.

0 0 0

46.4.Захиалагч нь төсвийн хөрөнгө оруулалтын үйл ажиллагаанд хамаарах газар, бусад эд хөрөнгө, өмчлөлийн зүйлийг төрийн болон орон нутгийн өмчид шилжүүлэхээс өмнө барьцаалах, эзэмших, ашиглах, захиран зарцуулах шийдвэр гаргахыг хориглоно.

0 0 0

47 ДУГААР ЗҮЙЛ
ХӨРӨНГИЙН БҮРТГЭЛ, ӨМЧЛӨЛ

47.1.Захиалагч нь төсвийн хөрөнгө оруулалтаар бий болсон барилга байгууламж, тоног төхөөрөмж болон бусад хөрөнгийг төрийн болон орон нутгийн өмчид бүртгүүлнэ.

0 0 0

47.2.Төрийн болон орон нутгийн өмчийн эд хөрөнгийн нэгдсэн бүртгэлийг төрийн өмчийн асуудал хариуцсан төрийн захиргааны байгууллага, орон нутгийн өмчийн асуудал хариуцсан байгууллага хөтөлнө.

0 0 0

47.3.Энэ хуулийн 47.1-д заасан төрийн болон орон нутгийн өмчид бүртгэсэн мэдээллийг тухай бүр цахим системд оруулж, санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

0 0 0

47.4.Нэгдсэн төсөл хэрэгжүүлэх нэгж нь гадаад зээл, тусламжийн төслөөр бий болсон өмч, хөрөнгийн бүртгэлийг нягтлан бодох бүртгэлийн хууль тогтоомжийн дагуу хөтөлж, төслийн хэрэгжилтийн явцад болон төсөл дуусгавар болсны дараа төсөл хэрэгжүүлэгч байгууллагад хүлээлгэн өгөх бөгөөд баталгаажуулсан актыг үндэслэн бүртгэл хөтөлж, цахим системээр тайлагнана.

0 0 0

47.5.Төсөл хэрэгжүүлэх нэгжгүй бол гадаад зээл, тусламж хүлээн авагч байгууллага, төсвийн ерөнхийлөн захирагч нь гадаад зээл, тусламжийн төслийн тайлан, баримт бичгээр архивын баримт бүрдүүлэн, хөрөнгийн бүртгэлийг нягтлан бодох бүртгэлийн хууль тогтоомжийн дагуу хөтөлж, цахим системээр тайлагнана.

0 0 0

47.6.Төсвийн ерөнхийлөн захирагч нь гадаад зээл, тусламжийн төслийн үр дүнд бий болсон барилга байгууламж, их засварын ажлыг тэдгээрийг дуусах хүртэл хугацаанд, тоног төхөөрөмжийг хүлээн авсан гүйцэтгэлийн дүнгээр хөрөнгийн бүртгэл хөтөлж, санхүүгийн тайланд тусгах бөгөөд гадаад зээл, тусламжийн төслийн үр дүнд бий болсон хөрөнгийг холбогдох хууль, журмыг баримтлан эцсийн өмчлөгчид шилжүүлнэ.

0 0 0

48 ДУГААР ЗҮЙЛ
ТӨРИЙН БОЛОН ОРОН НУТГИЙН ӨМЧИЙН МЭДЭЭЛЛИЙН НЭГДСЭН САН

48.1.Төрийн болон орон нутгийн өмчийн мэдээллийн нэгдсэн сан нь төрийн өмчийн бодлого, зохицуулалтын асуудал хариуцсан төрийн захиргааны байгууллагын цахим систем байна.

0 0 0

48.2.Захиалагч нь төсвийн хөрөнгө оруулалтаар бий болсон өмч, хөрөнгийн мэдээллийг энэ хуулийн 48.1-д заасан цахим системээр төрийн өмчийн бодлого, зохицуулалтын асуудал хариуцсан байгууллагад хүргүүлнэ.

0 0 0

48.3.Өмчийн мэдээллийн нэгдсэн санд төрийн болон орон нутгийн өмчийн ангилал, бүртгэл, тооллого, өмч эзэмшигч, өмчийн хөдөлгөөн болон Төрийн болон орон нутгийн өмчийн тухай хуульд заасан тайлан, хөрөнгийн үнэлгээний талаарх мэдээллийг бүрдүүлнэ.

0 0 0

48.4.Төрийн болон орон нутгийн өмчийн асуудал хариуцсан мэргэжилтэн нь өмчийн мэдээллийн нэгдсэн санд холбогдох бүртгэл, мэдээллийг Төрийн болон орон нутгийн өмчийн тухай хуулиар тогтоосон хугацаанд бүрэн, үнэн зөв бүртгэнэ.

0 0 0

48.5.Энэ хуулийн 48.4-т заасан төрийн болон орон нутгийн өмчийн бүртгэл, мэдээллийг санхүү, төсвийн асуудал эрхэлсэн төрийн захиргааны төв байгууллагад тухай бүр цахим системээр хүргүүлнэ.

0 0 0

49 ДҮГЭЭР ЗҮЙЛ
ХӨРӨНГИЙН АШИГЛАЛТ, САЙЖРУУЛАЛТ

49.1.Хөрөнгийн эзэмшигч, ашиглагч, өмчлөгч нь барилга байгууламж, тоног төхөөрөмж, бусад хөрөнгийг зориулалтын дагуу ашиглах бөгөөд ашиглалтын хэвийн нөхцөлийг хангах, хяналт тавина.

0 0 0

49.2.Төсвийн ерөнхийлөн захирагч нь төсвийн хөрөнгө оруулалтаар бий болсон хөрөнгийг хүлээн авахад төслийн кодоор бүртгэж, уг бүртгэлээр тухайн хөрөнгийн ашиглалтын хугацаа, засвар, сайжруулалтын хуваарийн мэдээллийг хөтөлнө.

0 0 0

49.3.Барилга байгууламжийн эзэмшигч, ашиглагч, өмчлөгч нь барилга байгууламжийн ашиглалтын хэвийн нөхцөлийг хангах зорилгоор барилгын даацын элементийг өөрчлөхгүйгээр барилгыг засварлах, шугам сүлжээ, тоног төхөөрөмжийн ашиглалтын хугацааг нэмэгдүүлэх зорилгоор элэгдэж хуучирсан, эвдэрсэн тоног төхөөрөмжийг солих, нэмэлт болон тусгай тоног төхөөрөмж суурилуулах зэргээр сайжруулалт хийх үүрэгтэй.

0 0 0

49.4.Эзэмшигч, ашиглагч, өмчлөгч нь барилга байгууламжид эвдрэл, гэмтэл учруулах, барилгын тухай хууль тогтоомжид заасан мэргэжлийн байгууллагын зөвшөөрөлгүй үндсэн хийц, бүтээц, төлөвлөлт, зориулалтыг өөрчлөх, байгаль орчин, хүний амь нас, эрүүл мэндэд сөрөг нөлөө үзүүлэх, эсхүл ашиглалтын хэвийн нөхцөлийг алдагдуулж болзошгүй чиглэлээр үйл ажиллагаа эрхлэхийг хориглоно.

0 0 0

49.5.Барилга байгууламжийн чанарын баталгаат хугацаа, ашиглалт, сайжруулалт, засвар, үйлчилгээ хийхтэй холбоотой харилцааг Барилгын тухай хууль, холбогдох хууль тогтоомж, норм, нормативын баримт бичгээр зохицуулна.

0 0 0

49.6.Төсвийн хөрөнгө оруулалтаар бий болсон барилга байгууламжийн турших, зүгшрүүлэх, тохируулах хугацаанд гүйцэтгэгчийн хүлээсэн үүргийн биелэлтийг баталгаажуулах зорилгоор гэрээний үнийн дүнгийн тодорхой хувийг уг хугацаа дуустал барьцаалах нөхцөлийг төсөл хэрэгжүүлэх гэрээнд тусгана.

0 0 0

49.7.Барилга байгууламжийг ашиглалтад зүгшрүүлэх, тохируулах болон чанарын баталгаат хугацаанд барилга байгууламжид илэрсэн ашиглагчийн буруутай үйл ажиллагаанаас үл хамаарах зөрчил, гэмтэл, доголдлыг гүйцэтгэгч өөрийн хөрөнгөөр засварлана.

0 0 0

49.8.Төсвийн хөрөнгө оруулалтаар бий болсон барилга байгууламжийн чанарын баталгаат хугацаанд гарсан зөрчлийг Барилгын тухай хуулийн 46.5-д зааснаар арилгаж, хариуцлага хүлээнэ.

0 0 0

49.9.Барилга байгууламжийн өмчлөгч, эзэмшигч нь төсөв, санхүүгийн хэмнэлтийг хэрэгжүүлж, барилга байгууламжийн насжилтыг уртасгах, ашиглалтын хэвийн нөхцөлийг үргэлжлүүлэн хадгалах зорилгоор тухайн барилга байгууламжийг шинэчлэх буюу зориулалт, хүчин чадлыг өөрчлөх, үндсэн даацын элементийг хүчитгэх, инженерийн шугам сүлжээг шинэчлэх, сэргээн засварлах ажлыг санаачилж болно.

0 0 0

Тайлбар: - Энэ зүйлийн 49.9-д заасан “барилга байгууламжийг хүчитгэх” гэж тухайн барилга байгууламжийн чанар аюулгүй байдал, төлөвт инженерийн биет судалгаа шинжилгээ хийж, дүгнэлт гаргах, хүчитгэх зураг төсөл, баримт бичиг боловсруулах, барилгын ажил гүйцэтгэхийг ойлгоно.

0 0 0

50 ДУГААР ЗҮЙЛ
ТҮҮХ, СОЁЛЫН ДУРСГАЛТ ЗҮЙЛИЙГ ХАМГААЛАХ, СЭРГЭЭН ЗАСВАРЛАХ

50.1.Түүх, соёлын дурсгалт зүйлийг хамгаалах, сэргээн засварлах ажлыг Соёлын өвийг хамгаалах тухай хуульд заасан эрх бүхий мэргэжлийн байгууллага, иргэн уг хуульд заасныг баримтлан гүйцэтгэнэ.

0 0 0

50.2.Төсвийн хөрөнгө оруулалтын эх үүсвэрээр бий болсон, төрийн болон орон нутгийн өмчид хамаарах түүх, соёлын дурсгалт зүйлийг Соёлын өвийг хамгаалах тухай хуульд заасны дагуу соёлын өвийн бүртгэл, мэдээллийн санд бүртгэнэ.

0 0 0

50.3.Энэ хуулийн 50.2-т заасны дагуу соёлын өвийн бүртгэл, мэдээллийн санд бүртгэгдсэн төрийн болон орон нутгийн өмчийн түүх, соёлын дурсгалт зүйлийг буулгахыг хориглох бөгөөд гагцхүү мэргэжлийн байгууллагын дүгнэлт гарсан нөхцөлд буулгах асуудлыг Соёлын өвийг хамгаалах тухай хууль, холбогдох хуулиар зохицуулна.

0 0 0

50.4.Аюулт үзэгдэл, ослын улмаас түүх, соёлын дурсгалт зүйл устах эрсдэл үүссэн бол авран хамгаалах, сэргээн засварлах арга хэмжээг шуурхай хэрэгжүүлж болно.

0 0 0

51 ДҮГЭЭР ЗҮЙЛ
ТӨСВИЙН ХӨРӨНГӨ ОРУУЛАЛТЫН ХӨРӨНГИЙН ҮР ӨГӨӨЖ

51.1.Төсвийн ерөнхийлөн захирагч нь төсвийн хөрөнгө оруулалтын үр дүнд бий болсон хөрөнгийг ашиглалтад хүлээн авснаас хойш хоёр жилийн дотор төслийн төлөвлөсөн зорилт, ашиглалт, хүрсэн үр дүн, үр өгөөжид түүвэрчлэн үнэлгээ хийх бөгөөд үл хөдлөх эд хөрөнгийн хувьд чанарын баталгаат хугацаанд багтаана.

0 0 0

51.2.Төсвийн ерөнхийлөн захирагч төсвийн хөрөнгө оруулалтын төслийн үр дүн, төслийн нийт зардал, хөрөнгийн ашиглалт, түүний үр өгөөжийг энэ хуулийн 10.1.4-т заасан журмын дагуу тооцож, үнэлэх бөгөөд үнэлгээний тайланг цахим системд бүртгэнэ.

0 0 0

51.3.Энэ хуульд заасны дагуу төслийн үр өгөөжийг тооцоход барилга байгууламж, тоног төхөөрөмжийн ашиглалт, засвар үйлчилгээ, урт хугацааны зардлын талаарх тооцооллыг гаргана.

0 0 0

51.4.Төсвийн хөрөнгө оруулалтын бодлого, төлөвлөлтийн үйл ажиллагаатай уялдуулан төслийн үр дүн, хөрөнгийн ашиглалт, түүний үр өгөөжийн үнэлгээнд үндэслэн зөвлөмж, цаашид авах арга хэмжээний талаарх саналыг боловсруулж, холбогдох арга хэмжээг авна.

0 0 0

51.5.Төсвийн ерөнхийлөн захирагч энэ хуулийн 51.2-т заасан үнэлгээг дотоод болон хөндлөнгийн аудит, хяналт шалгалтын байгууллага, хараат бус шинжээч оролцуулж болно.

0 0 0

ДОЛООДУГААР БҮЛЭГ
ТӨСВИЙН ХӨРӨНГӨ ОРУУЛАЛТЫН УДИРДЛАГЫН САН

52 ДУГААР ЗҮЙЛ
ТӨСВИЙН ХӨРӨНГӨ ОРУУЛАЛТЫН УДИРДЛАГЫН САН

52.1.Төсвийн хөрөнгө оруулалтын төлөвлөлт, үнэлгээ, үр ашгийг сайжруулах, холбогдох норм, нормативын баримт бичгийг боловсронгуй болгох, судалгаа, шинжилгээ хийх, төслийн үр дүн, хөрөнгийн ашиглалт, үр өгөөжийг тооцох, цахим системийг хөгжүүлэх, эрсдэлээс сэргийлэх, бууруулах арга хэмжээг хэрэгжүүлэх зорилго бүхий төсвийн хөрөнгө оруулалтын удирдлагын сан /цаашид “Сан” гэх/-тай байна.

0 0 0

52.2.Сангийн хөрөнгийн эх үүсвэр нь энэ хуулийн 53.1-д заасны дагуу төсвийн хөрөнгө оруулалтын төслийн гэрээний нийт үнийн дүнгээс Санд суутган төвлөрүүлсэн санхүүжилт байна.

0 0 0

52.3.Санхүү, төсвийн асуудал эрхэлсэн төрийн захиргааны төв байгууллага нь Сангийн хөрөнгийн бүрдүүлэлт, зарцуулалт, тайлагналт, ил тод байдлыг хариуцах бөгөөд Сангийн удирдлагыг энэ хуульд зааснаар хэрэгжүүлнэ.

0 0 0

52.4.Сангийн үйл ажиллагаа, хөрөнгийг удирдах, зарцуулах, түүнд хяналт тавихтай холбоотой энэ хуульд зааснаас бусад харилцааг энэ хуулийн 10.1.5-д заасан журмаар зохицуулна.

0 0 0

53 ДУГААР ЗҮЙЛ
САНГИЙН ЭХ ҮҮСВЭР

53.1.Санд энэ хуулийн 7 дугаар зүйлд заасан төслийн ангиллаас хамааран төслийн гэрээний нийт дүнгээс дараах хувиар тооцож, санхүүжилт төвлөрүүлнэ:

0 0 0

№	Төслийн ангилал	Санд төвлөрүүлэх хувь
1.	I ангилал буюу жижиг	0.18
2.	II ангилал буюу дунд	0.16
3.	III ангилал буюу том	0.14
4.	IV ангилал буюу хөгжлийн	0.12
5.	V ангилал буюу мега	0.10

0 0 0

53.2.Сангийн эх үүсвэрийг төслийн гүйцэтгэлийн санхүүжилт олгосон тухай бүр энэ хуулийн 53.1-д зааснаар тооцож, төрийн сангийн нэгдсэн дансанд төвлөрүүлнэ.

0 0 0

53.3.Гадаад зээл, тусламжаар хэрэгжүүлэх төслийн Сангийн эх үүсвэр, холбогдох бусад харилцаанд олон улсын гэрээг дагаж мөрдөнө.

0 0 0

54 ДҮГЭЭР ЗҮЙЛ
САНГИЙН ХӨРӨНГИЙН ЗОРИУЛАЛТ, ЗАРЦУУЛАЛТ

54.1.Сангийн хөрөнгийг дараах зориулалтаар зарцуулна:

0 0 0

54.1.1.төсвийн хөрөнгө оруулалтад хамаарах барилга, авто зам, төмөр зам болон эрчим хүч зэрэг дэд бүтцийн салбарын технологийн шийдэл, үр ашгийг сайжруулахад чиглэсэн судалгаа, шинжилгээ хийх;

0 0 0

54.1.2.төсвийн хөрөнгө оруулалтад хамаарах норм, нормативын баримт бичгийг боловсронгуй болгох, олон улсын жишигт нийцүүлэн сайжруулах;

0 0 0

54.1.3.төсвийн хөрөнгө оруулалтын төслийн нийгмийн ач холбогдол, эдийн засгийн үр ашиг болон хэрэгжсэн төслийн үр дүн, хөрөнгийн ашиглалт, үр өгөөжийг тооцох;

0 0 0

54.1.4.төсвийн хөрөнгө оруулалтын удирдлага буюу төлөвлөлт, хэрэгжилт, санхүүжилт, хяналт, тайлагналтыг сайжруулах зорилго бүхий цахим системийг хөгжүүлэх;

0 0 0

54.1.5.төсвийн хөрөнгө оруулалтын төлөвлөлт, хэрэгжилт, үр ашиг, үр өгөөжийг сайжруулахад чиглэсэн зөвлөх үйлчилгээ авах;

0 0 0

54.1.6.төсвийн хөрөнгө оруулалтын чиглэлээр хүний нөөцийг сургах, мэргэшүүлэх;

0 0 0

54.1.7.энэ хуулийн 58.2-т заасны дагуу төсөлд гамшгийн эрсдэлийн үнэлгээ хийх, эрсдэлийг бууруулах, эрсдэлийн үнэлгээний тайланд тусгасан шаардлагатай арга хэмжээг хэрэгжүүлэх;

0 0 0

54.1.8.энэ хуулийн 39.3.4-т заасан дүгнэлт гаргуулах.

0 0 0

54.2.Сангийн хөрөнгийг энэ хуулийн 54.1-д зааснаас бусад зориулалтаар зарцуулахыг хориглоно.

0 0 0

54.3.Сангийн хөрөнгөөр хэрэгжүүлэх арга хэмжээг төлөвлөх, тайлагнахад дараах журмыг баримтална:

0 0 0

54.3.1.төсвийн ерөнхийлөн захирагч нь Сангийн хөрөнгөөр тухайн жилд хэрэгжүүлэх арга хэмжээний төлөвлөгөөнд тусгах санал болон өмнөх оны төлөвлөгөөний биелэлтийн тайланг хүрэх /хүрсэн/ үр дүн, үндэслэл бүхий тайлбартай боловсруулан, холбогдох баримт бичгийн хамт жил бүрийн 1 дүгээр сарын 15-ны өдрийн дотор санхүү, төсвийн асуудал эрхэлсэн төрийн захиргааны төв байгууллагад хүргүүлэх;

0 0 0

54.3.2.санхүү, төсвийн асуудал эрхэлсэн төрийн захиргааны төв байгууллага нь төсвийн ерөнхийлөн захирагчийн энэ хуулийн 54.3.1-д заасан санал, тайланг нэгтгэн, Сангийн хөрөнгөөр тухайн жилд хэрэгжүүлэх арга хэмжээний төлөвлөгөө болон өмнөх жилийн төлөвлөгөөний биелэлтийн нэгдсэн тайланг жил бүрийн эхний улиралд багтаан Засгийн газарт танилцуулж шийдвэрлүүлэх.

0 0 0

54.4.Санхүү, төсвийн асуудал эрхэлсэн төрийн захиргааны төв байгууллага нь энэ хуулийн 54.3.2-т заасан Засгийн газрын шийдвэрийг үндэслэн Сангаас тухайн үйл ажиллагааг зориулалтын дагуу санхүүжүүлнэ.

0 0 0

55 ДУГААР ЗҮЙЛ
САНГИЙН ИЛ ТОД, НЭЭЛТТЭЙ БАЙДАЛ

55.1.Санхүү, төсвийн асуудал эрхэлсэн төрийн захиргааны төв байгууллага нь Сангийн орлого төвлөрүүлэлт, хөрөнгийн зарцуулалт, хүрсэн үр дүнгийн нэгдсэн тайланг жил бүрийн 1 дүгээр улиралд багтаан цахим системээр олон нийтэд ил тод, нээлттэй танилцуулна.

0 0 0

55.2.Энэ хуулийн 55.1-д заасан Сангийн орлого төвлөрүүлэлт, хөрөнгийн зарцуулалт, хүрсэн үр дүнгийн нэгдсэн тайланд дараах мэдээллийг тусгасан байна:

0 0 0

55.2.1.Санд төвлөрсөн орлогын хэмжээ /салбар, эх үүсвэрээр/;

0 0 0

55.2.2.Сангийн хөрөнгийн зарцуулалтын хэмжээ /энэ хуулийн 54.1-д заасан зарцуулалт бүрээр/;

0 0 0

55.2.3.хэрэгжүүлсэн арга хэмжээ, хүрсэн үр дүн /төсвийн ерөнхийлөн захирагч бүрээр/;

0 0 0

55.2.4.шаардлагатай бусад.

0 0 0

56 ДУГААР ЗҮЙЛ
ТӨСЛИЙН ГҮЙЦЭТГЭГЧИЙГ ҮНЭЛЭХ

56.1.Захиалагч нь төслийн гүйцэтгэгчийг тухайн жилд бүрэн гүйцэтгэж, хүлээлгэн өгсөн төсвийн хөрөнгө оруулалтын төслийн үр дүнд үндэслэн дараах шалгуур үзүүлэлтээр үнэлнэ:

0 0 0

№	Шалгуур үзүүлэлт	Оноо
1.	Төслийг хэрэгжүүлсэн хугацаа	20
2.	Төсөвт өртөгт багтсан байдал	20
3.	Ашиглагчийн сэтгэл ханамж	20
4.	Гэрээний үүргийн биелэлт	20
5.	Төслийн чанар, техник, стандартын шаардлага хангасан байдал	20
	Нийт	100

0 0 0

56.2.Төслийн гүйцэтгэгчийг энэ хууль, журамд зааснаар цахим системээр үнэлэх бөгөөд төсөл хэрэгжүүлэх гэрээний талууд буюу захиалагч, гүйцэтгэгч уг үнэлгээний тайланг баталгаажуулсан байна.

0 0 0

56.3.Энэ хуулийн 56.2-т заасан төслийн гүйцэтгэгчийн үнэлгээний тайланг төслийн эцсийн буюу бүрэн санхүүжилт хүссэн баримт бичгийн хамт санхүү, төсвийн асуудал эрхэлсэн төрийн захиргааны төв байгууллагад хүргүүлнэ.

0 0 0

56.4.Санхүү, төсвийн асуудал эрхэлсэн төрийн захиргааны төв байгууллага төслийн гүйцэтгэгчийн тухайн жилд гүйцэтгэсэн төслийн үнэлгээний дүнг нэгтгэн, төслийн гүйцэтгэгчийг дараах жагсаалтад бүртгэнэ:

0 0 0

56.4.1.төслийн гүйцэтгэгчийн нийт үнэлгээний дундаж 80 болон түүнээс дээш оноотой бол ногоон;

0 0 0

56.4.2.төслийн гүйцэтгэгчийн нийт үнэлгээний дундаж 51-ээс 79 хүртэл оноотой бол шар;

0 0 0

56.4.3.төслийн гүйцэтгэгчийн нийт үнэлгээний дундаж 50 болон түүнээс бага оноотой бол улаан.

0 0 0

56.5.Санхүү, төсвийн асуудал эрхэлсэн төрийн захиргааны төв байгууллагын дотоод аудитын асуудал хариуцсан нэгж энэ хуулийн 56.4-т заасан төслийн гүйцэтгэгчийн ногоон, шар, улаан жагсаалтын бүртгэл хөтөлж, дараа оны 1 дүгээр сард багтаан цахим системээр олон нийтэд ил тод, нээлттэй танилцуулна.

0 0 0

56.6.Энэ хуулийн 56.5-т заасан жагсаалт нь цахим системээр олон нийтэд танилцуулснаас хойш нэг жилийн хугацаанд хүчинтэй байна.

0 0 0

56.7.Төслийн гүйцэтгэгчийн үнэлгээ нь улс, орон нутгийн төсөв болон орон нутгийн хөгжлийн сангаар хэрэгжүүлсэн бүх төсөлд хамаарах бөгөөд гадаад зээл, тусламжаар хэрэгжүүлсэн төсөлд олон улсын гэрээг дагаж мөрдөнө.

0 0 0

56.8.Аймаг, нийслэл, сум, дүүргийн Засаг дарга орон нутгийн төсөв, орон нутгийн хөгжлийн сангийн хөрөнгөөр хэрэгжүүлсэн төслийн гүйцэтгэгчийн үнэлгээг хийнэ.

0 0 0

56.9.Төслийн гүйцэтгэгчийг энэ хууль болон энэ хуулийн 10.1.4-т заасан журмын дагуу баримтад тулгуурлан, шударга, бодитой үнэлэх бөгөөд гүйцэтгэгчийн үнэлгээг санаатайгаар бууруулах, ашиг сонирхлын зөрчилтэй байдлаар үнэлэхийг хориглоно.

0 0 0

56.10.Төслийн гүйцэтгэгч нь энэ хуулийн 56.1-д заасан үнэлгээний талаар Захиргааны ерөнхий хуулийн 92, 93 дугаар зүйлд заасны дагуу гомдол гаргаж болно.

0 0 0

57 ДУГААР ЗҮЙЛ
ТӨСЛИЙН ГҮЙЦЭТГЭГЧИЙН УРАМШУУЛАЛ БОЛОН ХАРИУЦЛАГА

57.1.Төслийн гүйцэтгэгчийг энэ хуулийн 56.4-т заасан жагсаалтад үндэслэн дараах байдлаар урамшуулна:

0 0 0

57.1.1.ногоон жагсаалтын гүйцэтгэгчид урьдчилгаа төлбөрийг баталгаа шаардахгүй олгох;

0 0 0

57.1.2.шар жагсаалтын гүйцэтгэгчид урьдчилгаа төлбөрийг 50 хувьтай тэнцэх дүнтэй баталгаа ирүүлсэн нөхцөлд олгох.

0 0 0

57.2.Улаан жагсаалтын гүйцэтгэгч, түүний эцсийн өмчлөгч, хяналтын багц эзэмшигч, эрх бүхий албан тушаалтан хуулийн этгээд шинээр, эсхүл өөрчлөн байгуулах хэлбэрээр, эсхүл нэгдмэл сонирхолтой этгээдийн хуулийн этгээдээр дамжуулан төсвийн хөрөнгө оруулалтын төсөл хэрэгжүүлэхийг хориглоно.

0 0 0

58 ДУГААР ЗҮЙЛ
ДАВАГДАШГҮЙ ХҮЧИН ЗҮЙЛ БОЛОН ГАМШГИЙН ҮЕИЙН ЗОХИЦУУЛАЛТ

58.1.Барилга байгууламжийн төсөл хэрэгжүүлэгч, гүйцэтгэгч нь гэнэтийн болон давагдашгүй хүчин зүйл, гамшгийн эрсдэлээс урьдчилан сэргийлэх, хамгаалах арга хэмжээг төлөвлөж ажиллана.

0 0 0

58.2.Төсвийн ерөнхийлөн захирагч, захиалагч нь III, IV болон V ангиллын төсөлд гамшгийн эрсдэлийн үнэлгээг Гамшгаас хамгаалах тухай хуульд заасан эрх бүхий этгээдээр хийлгэнэ.

0 0 0

58.3.Төсвийн хөрөнгө оруулалтын төсөлд гамшгийн эрсдэлийн үнэлгээ хийлгэхэд Гамшгаас хамгаалах тухай хуулийн 7.4-т заасан журмыг мөрдөнө.

0 0 0

58.4.Төсвийн ерөнхийлөн захирагч, захиалагч төслийн эрсдэлийн үнэлгээний тайланд тусгасан дүгнэлт, зөвлөмжийг хэрэгжүүлэх үүрэг хүлээнэ.

0 0 0

58.5.Гамшиг, аюулт үзэгдлийн улмаас барилга байгууламжид учирсан хохирлыг үнэлэхэд барилга байгууламжийн ашиглалтын нөхцөлийг хангах эсэхийг харгалзан үзнэ.

0 0 0

НАЙМДУГААР БҮЛЭГ
БУСАД ЗҮЙЛ

59 ДҮГЭЭР ЗҮЙЛ
МАРГААН ШИЙДВЭРЛЭХ

59.1.Төсвийн хөрөнгө оруулалтын удирдлагын явцад үүссэн маргааныг талууд харилцан зөвшилцөх замаар шийдвэрлэхийг эрмэлзэнэ.

0 0 0

59.2.Төсвийн хөрөнгө оруулалтын хүрээнд үүссэн маргааныг талууд эвлэрүүлэн зуучлалын журмаар шийдвэрлүүлж болно.

0 0 0

59.3.Гадаад зээл, тусламжийн төслийн хэрэгжилтийн явцад үүссэн маргааныг арбитраар шийдвэрлүүлэхээр олон улсын гэрээнд тусгасан тохиолдолд арбитрын журмаар шийдвэрлүүлнэ.

0 0 0

59.4.Төсвийн хөрөнгө оруулалтын төслийн барилгын ажил гүйцэтгэх гэрээнээс үүссэн маргааныг эвлэрүүлэн зуучлал болон арбитраар шийдвэрлүүлэхээр талууд харилцан тохиролцож болно.

0 0 0

59.5.Талууд энэ хуульд заасны дагуу маргааныг шийдвэрлэж чадаагүй бол холбогдох хуульд заасны дагуу шүүхэд хандаж шийдвэрлүүлнэ.

0 0 0

59.6.Төсвийн хөрөнгө оруулалтын төслийн худалдан авах ажиллагаатай холбоотой гомдол, маргааныг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд зааснаар шийдвэрлүүлнэ.

0 0 0

60 ДУГААР ЗҮЙЛ
ХОХИРОЛ, ГЭМ ХОР НӨХӨН ТӨЛҮҮЛЭХ

60.1.Энэ хуулийг зөрчсөн үйлдлийн улмаас улс, орон нутгийн төсөв болон төсвийн хөрөнгө оруулалтын бусад эх үүсвэрт учирсан хохирол, гэм хорыг Захиргааны ерөнхий хууль болон Иргэний хуулийн дагуу гэм буруутай этгээдээр нөхөн төлүүлнэ.

0 0 0

60.2.Төсвийн хөрөнгө оруулалтын удирдлагын хууль тогтоомжоор хүлээсэн үүргээ гүйцэтгээгүй, эсхүл зохих ёсоор гүйцэтгээгүйн улмаас учруулсан хохирлыг нөхөн төлөх нь тухайн этгээдийг хуулиар хүлээсэн үүргээ гүйцэтгэхээс чөлөөлөх үндэслэл болохгүй.

0 0 0

61 ДҮГЭЭР ЗҮЙЛ
ХАРИУЦЛАГА ХҮЛЭЭЛГЭХ ҮНДЭСЛЭЛ

61.1.Засгийн газраас өргөн мэдүүлсэн төсвийн хөрөнгө оруулалтаар хэрэгжүүлэх төслийн жагсаалт нь энэ хуульд заасан шаардлагыг зөрчсөн бол төслийн жагсаалтыг батлахгүй байх буюу буцаах үндэслэл болно.

0 0 0

61.2.Аймаг, нийслэл, сум, дүүргийн Засаг дарга энэ хуулийн 8 дугаар зүйлд заасан хориглох зүйлийг зөрчсөн нь тогтоогдсон бол Монгол Улсын засаг захиргаа, нутаг дэвсгэрийн нэгж, түүний удирдлагын тухай хуульд заасны дагуу Засаг даргыг огцруулах үндэслэл болно.

0 0 0

61.3.Энэ хуульд зааснаар эрхээ шилжүүлсэн этгээд нь төслийн хэрэгжилт, гүйцэтгэл, үр дүнд эрх бүхий этгээдийн хувиар хариуцлага хүлээнэ.

0 0 0

61.4.Төсвийн хөрөнгө оруулалтын удирдлагын хууль тогтоомжийг зөрчсөн этгээдэд энэ хуульд заасны дагуу хариуцлага тооцсон, албан тушаалаас огцруулсан, чөлөөлсөн нь түүнийг эрүүгийн болон захиргааны хариуцлагаас чөлөөлөх үндэслэл болохгүй.

0 0 0

61.5.Төсөл хэрэгжүүлэх гэрээний талууд гэрээнд заасан үүргээ биелүүлээгүй бол гэрээ болон холбогдох хууль тогтоомжид заасны дагуу хариуцлага ногдуулна.

0 0 0

62 ДУГААР ЗҮЙЛ
ХУУЛЬ ТОГТООМЖ ЗӨРЧИГЧИД ХҮЛЭЭЛГЭХ ХАРИУЦЛАГА

62.1.Энэ хуулийн 8 дугаар зүйлд заасан төсвийн хөрөнгө оруулалтад хориглох зүйлийг зөрчсөн эрх бүхий этгээд, удирдах болон гүйцэтгэх албан хаагчид зөрчлийн шинж байдлыг харгалзан Төрийн албаны тухай хуулийн 48.1.4-т заасан сахилгын шийтгэл ногдуулна.

0 0 0

62.2.Төсвийн бүх шатны захирагч энэ хуулийн 8 дугаар зүйлд заасан хориглох зүйлийг зөрчсөн бол эрхэлж байгаа албан тушаалаас нь чөлөөлөх үндэслэл болно.

0 0 0

62.3.Төсвийн хөрөнгө оруулалтын харилцаанд дараах зөрчил гаргасан эрх бүхий этгээд, удирдах болон гүйцэтгэх албан хаагчид Төрийн албаны тухай хуулийн 48.1.3-т заасан сахилгын шийтгэл хүлээлгэнэ:

0 0 0

62.3.1.төсөл хэрэгжүүлэх гэрээнд ажлын даалгаврыг бүрэн, тодорхой тусгаагүй, эсхүл гэрээнд хавсаргаагүй;

0 0 0

62.3.2.төсөл хэрэгжүүлэх гэрээнд зардал, хохирол болон зардал, хохирлыг гэрээний аль тал, ямар нөхцөлд хэрхэн хариуцах талаар тусгаагүй;

0 0 0

62.3.3.гүйцэтгэгч төсөл хэрэгжүүлэх гэрээний үүргээ хугацаанд нь бүрэн, зохих ёсоор биелүүлээгүй нь хүндэтгэн үзэх шалтгаантай, эсхүл гүйцэтгэгч буруугүй байхаас бусад нөхцөлд гэрээний хугацааг үндэслэлгүйгээр сунгасан;

0 0 0

62.3.4.төсөл хэрэгжүүлэх гэрээнд ажил гүйцэтгэх, бараа нийлүүлэх хугацааг бодитой, үндэслэлтэй тусгаагүй, эсхүл ажил гүйцэтгэх хугацааг зайлшгүй шалтгаанаар сунгасан нөхцөлд гэрээнд гэрээний нийт үнийн дүнг нэмэгдүүлэхгүй талаар тусгаагүй;

0 0 0

62.3.5.төсөл хэрэгжүүлэх гэрээнд зааснаар үүргийн гүйцэтгэлийг хангах аргыг хэрэглэх үндэслэл, нөхцөл бүрдсэн байхад хэрэглээгүй, хэрэглэхээс үндэслэлгүй татгалзсан;

0 0 0

62.3.6.төсөл хэрэгжүүлэх гэрээнд заасан ажлыг хугацаанд нь, зохих ёсоор хүлээн авах үүргээ биелүүлээгүйгээс бусдад хохирол учирсан;

0 0 0

62.3.7.энэ хуульд заасан төслийг хянах, тайлагнах үүргээ бүрэн, зохих ёсоор биелүүлээгүй;

0 0 0

62.3.8.төслийн баримт бичгийг архивд зохих ёсоор хүлээлгэн өгөөгүй;

0 0 0

62.3.9.төсвийн хөрөнгө оруулалтын төслийн ажил эхлэхийн өмнө энэ хуулийн 21 дүгээр зүйлд заасан бэлтгэл ажил хангагдсан эсэхийг нягтлаагүй;

0 0 0

62.3.10.эрх шилжүүлэн авсан этгээд нь төсвийн хөрөнгө оруулалтаар хэрэгжүүлэх төслийг ашиглалтад оруулах болон ашиглалтын дараа үүсэх аливаа асуудлыг хариуцан ажиллах үүргээ бүрэн, зохих ёсоор биелүүлээгүй;

0 0 0

62.3.11.төсөл хэрэгжүүлэх гэрээ, дагалдах нэмэлт гэрээнд хууль зөрчсөн, эсхүл эрх бүхий байгууллага, албан тушаалтны бүрэн эрхэд үл хамаарах зохицуулалт тусгасан;

0 0 0

62.3.12.төсвийн хөрөнгө оруулалтын талаарх мэдээллийг олон нийтэд ил тод, нээлттэй мэдээлэх үүргээ биелүүлээгүй;

0 0 0

62.3.13.төсвийн хөрөнгө оруулалттай холбоотой мэдээллийг хариуцах этгээд нь энэ хуулийн 43.6-д заасны дагуу мэдээлэл бүрдүүлэх үүргээ биелүүлээгүй;

0 0 0

62.3.14.хэрэглэгч цахим системийн эрхээ бусдад шилжүүлсэн, дамжуулсан, ашиглуулсан.

0 0 0

62.4.Төсвийн хөрөнгө оруулалтын удирдлагын хууль тогтоомжийг зөрчсөн эрх бүхий этгээд, төрийн албан хаагчийн үйлдэл нь гэмт хэргийн шинжгүй бол Төрийн албаны тухай хууль, энэ хууль, эсхүл Хөдөлмөрийн тухай хуульд заасан сахилгын шийтгэл хүлээлгэнэ.

0 0 0

62.5.Төслийн гүйцэтгэгч төсөл хэрэгжүүлэх гэрээнд тусгаагүй нэмэлт ажил гарсан, эсхүл ажлыг өөрчлөн хийх зайлшгүй шаардлага гарсан зэрэг нөхцөлд захиалагчид урьдчилан мэдэгдээгүй, зохих журмын дагуу шийдвэрлүүлээгүй бол холбогдох зардал, хохирол, гэм хор болон бусад эрсдэлийг өөрийн хөрөнгөөр бүрэн хариуцна.

0 0 0

62.6.Энэ хуулийг зөрчсөн хүн, хуулийн этгээдийн үйлдэл нь гэмт хэрэг, зөрчлийн шинжтэй бол Эрүүгийн хууль, эсхүл Зөрчлийн тухай хуульд заасан хариуцлага хүлээлгэнэ.

0 0 0

63 ДУГААР ЗҮЙЛ
ХУУЛЬ ХҮЧИН ТӨГӨЛДӨР БОЛОХ

63.1.Энэ хуулийг 2027 оны ... дүгээр сарын ...-ний өдрөөс эхлэн дагаж мөрдөнө.

0 0 0

ГАРЫН ҮСЭГ

0 0 0

Төслийн файлууд

1. Өргөн мэдүүлэх -Хамт өргөн мэдүүлсэн хууль тогтоомжийн төсөл

2. Өргөн мэдүүлэх -Үзэл баримтлал

3. Өргөн мэдүүлэх -Танилцуулга

4. Өргөн мэдүүлэх -Тухайн харилцааг зохицуулж байгаа хууль тогтоомжийн хэрэгжилтийн үр дагаврын үнэлгээ

5. Өргөн мэдүүлэх -Зардлын тооцооны судалгаа

6. Өргөн мэдүүлэх -Хууль санаачлагчийн албан бичиг

7. Өргөн мэдүүлэх -Ажлын хэсгийн бүрэлдэхүүн

8. Өргөн мэдүүлэх -Өргөн мэдүүлсэн төслийн цахим эх хувь

9. Өргөн мэдүүлэх -Бусад

10. Хэлэлцэх эсэх -Олон нийтээс тухайн төсөлтэй холбогдуулан ирүүлсэн саналын нэгтгэл /МУИХЧХДТХ/

Төслийн хэрэглэгчид

. Монгол Улсын Засгийн газар

Initiator of the draft law

Санал үлдээх

You can leave your comment after you sign in. Нэвтрэх

Өргөн мэдүүлэгдсэн хуулийн төслийн мэдээлэл

ТӨСВИЙН ХӨРӨНГӨ ОРУУЛАЛТЫН УДИРДЛАГЫН ТУХАЙ

Төслийн файлууд

download file

download file

download file

download file

download file

download file

download file

download file

download file

download file

download file

download file

download file

download file

Төслийн хэрэглэгчид

. Монгол Улсын Засгийн газар

Санал үлдээх